اولًا ماتم جُهد ولا خُتم سعي الا بكرم الله و فضله ، الحمدلله دائمًا و ابدًا . للطلاب المقبلين على التحصيلي او حابين يعيدونه تجربتي كالتالي : اولًا كنت متحطمه مرا ومابديت مذاكرة الا متأخر بسبب القدرات عكر صفو كل حاجة وماكنت اعرف اذا بيمديني او بكمل او بنجز بهالسعي وماعرف اذا بحقق الدرجة اللي ابيها او لا لكن كنت اسعى واستمر بالسعي " اسعى حتى وانا ابكي بمعظم الليالي لان ماعرف وش بيصير بالنهاية " وكنت اشوف اني متأخرة مرا ! وكل ماشفت احد بالسوشل ميديا تبارك الرحمن كنت اشوفهم مخلصين من الماث وبيبدون بالكيم فقلت خلاص لازم اكثر جُهدي و مجهودي مصادري كالتالي : ١- كتاب ناصر عبدالكريم للتحصيلي وبكل امانه ما اعتمدت عليه اعتماد كُلي لاني مليت ، القسم الوحيد اللي ذاكرته كامل منه هو الاحياء ٢- بكج يلو ، اتمنى محد يتعدى هالبكج لانه فيه كل شيء حرفيًا ، اعتمدت بتأسيسي بالفيز كله عليه واعتمدت عليه اعتماد كلي ببقية المواد و راجعت منه شوي احياء لان فيه معلومات مو موجودة بناصر ، واساسًا من شغلهم على ملفاتهم وترتيبها يصير ودكم تذاكرون بدون توقف ٣- غشام اعتمدت على تجميعاته وخلصت تجميعات كل المواد لكن ماخلصت الماث ما امداني بالبداية بدأت بالفيز ولاني أحب هالمادة ما اخذت مني وقت كثير تقريبًا ب اسبوعين ونص خلصت الفيز كله وماجاء نص رمضان الا وانا بالماث ، للامانة الماث مُتعب شوي و قوانينه كثير ونفس الشيء دروسه كثير وكنت احاول كل ماخلصت من ماث سنة معينة اراجعه ولكن للاسف ما اسعفني الوقت اني اخلص كل تأسيس الماث ف اعتمدت على معلوماتي المدرسية فيه نجي للكيم بديت فيه متأخر لان الماث اخذ وقت كبير مني وكنت اتعب منه وفوق هذا كله ماخلصت تأسيسي فيه فحاولت اكمل باقي المواد وبديت كيم وكنت اخذ معه شوي احياء و مادخلت المعلومات مع بعض لان منفصلين على بعض بعدين شفت اني متمكنه من الكيم جدًا فقلت اخلص احياء وارجع له ، خلصت احياء مع تجميعاته بغشام ب 6 ايام وكانت فترة قياسية جدًا لي ، وراجعت الاشياء اللي انساها من يلو ورجعت وخلصت الكيم لأن ماكان باقي لي فيه كثير اصلًا وغالبًا يواجه معظم الطلاب صعوبة في الكيمياء العضوية لكن صدقوني مع الاستمرارية بيثبت كل شيء وبحمد الله خلصت تأسيس كل المواد بإستثناء الماث *للمعلومية مع التأسيس كنت اذاكر تجميعات غشام كل ما خلصت درسين او ثلاثة وبعدها راجعتهم بقد الوقت اللي كان عندي بعد ماخلصت وبقى تقريبًا ع اختبار الفترة الاولى ٣ ايام تشتت بمصادر المراجعة فقررت اعتمد على سايفر وشفت ملفاته وماقصر استفدت منها جدًا خلصت الفترة الاولى وطلعت منها راضية عن اختباري جدًا وشفت أني انجزت فيه للفترة الثانية مابديت مذاكرة على طول لان كان احسب بتعب شوي وللعلم كنت بخصص الفترة الثانية كلها للماث فقط ولكن راجعت معه كم شيء بباقي المواد بعدين شفت ملفات يلو و سايفر للفترة الاولى وذاكرتهم وشفت ملفات غشام الجديدة وذاكرتها بنفس يوم اختباري والفترة الثانية جت وانا اشوف اني ما بذلت فيها جهد كبير وطلعت من الاختبار وانا راضية عن ٤ اقسام ولكن القسم الاخير مُتعب شوي والحمدلله هذي الدرجة ، الثانية ماكنت متوقعتها كذا ابدًا ولكن الحمدلله رب العالمين النصيحة الاهم من هذا كله ، وكلوا اموركم لله وعليكم بالسعي و الوتر لاتنسونه ابدًا ودائمًا ادعوا بأوقات الاستجابة وبين الاذان والاقامة وتذكروا ان انتوا مو مسؤولين عن النتيجة كثر ما انكم مسؤولين عن السعي 🤍.