❌معاجين الأسنان مش كلها واحد
❌-
🔻 معجون الأسنان متقسم عندنا في الصيدليات إلى 7 أنواع رئيسية
كل نوع له استخدام معين حسب احتياج المريض
🔻 يعني خلاص يا دكتور هسيب اللي ورايا وأقعد أحضر دراسات في المعجون؟؟
🙆لأ أبدا كفاية عليك اسم واحد من كل نوع عشان تكتبه لمريضك أما يحتاجه
😄-
طيب ايه هما الـسبع أنواع يا دكتور؟
-
⚫ أول نوع : مضاد للتسوس
بيكون فيه نسبة عالية من الفلورايد والمعادن عشان يقلل التسوس
◾بنكتبه للمريض اللي عنده قابلية عالية للتسوس
✅ مثل : Signal (العادي)
-
⚫ ثاني نوع : مبيض للأسنان
بيكون فيه نسبة عالية من المواد الكاشطة تزيل المواد الملتصقة بالأسنان
◾ بنكتبه للمريض اللي بيعاني من تصبغات متكررة
(مرتين فقط أسبوعيا عشان ميسببش حساسية لأن الإفراط يسبب تآكل في طبقة المينا)
✅ مثل : Signal Whitening
-
⚫ ثالث نوع : مقلل لحساسية الأسنان
بيكون فيه مواد لغلق dentinal tubules لتقليل الشعور بالألم
◾بنكتبه للمريض اللي بيشتكي من حساسية الأسنان مع الماء البارد خصوصا بعد جلسات تنظيف الجير.
✅ مثل : Sensodyne rapid action
-
⚫ رابع نوع : مقلل لحساسية اللثة
بيكون فيه مواد مضادة للباكتيريا ومضادة لتراكم الجير
◾ بنكتبه للمريض اللي بيشتكي من نزول دم من اللثة أثناء التنظيف والتهاب اللثة مع التأكد من إزالة كل الأسباب.
✅ مثل : Parodontax
-
⚫ خامس نوع : منعش للفم
بيكون فيه مواد منعشة مثل النعناع ومواد مضادة للباكتيريا المسببة للروائح الكريهة
◾ بنكتبه للمريض اللي بيشتكي من رائحة الفم الكريهة مع إزالة كل الأسباب
✅ مثل : Sensodyne extra fresh
-
⚫ سادس نوع : متخصص العناية الكاملة
بيكون فيه نسب بسيطة من كل نوع
◾بنكتبه للمريض اللي مش بيشتكي من حاجة معينة ومحتاجه للتنظيف اليومي فقط
✅ مثل : Sensodyne total care
-
⚫ آخر نوع : مخصص للأطفال
بيكون فيه نسبة فلورايد منخفضة عشان لو الطفل بلع جزء منه بالغلط ميسببش أي تسمم
◾بنكتبه للأطفال
✅ مثل : Signal ki
@Medication_Lords
