• بعد ما مر أسبوع وأنا عم حاول افتل من مكان لمكان بالجامعة بس لاحصل على إجابة شافية قبل ما بلش شغل بمشروعي (بتخليني اشتغل المشروع بشكل متقن بحيث يمكن إنه يُستخدم لقدام ويُستفاد منه.. وما ينرمى بالخزانة متل بقية المشاريع) قعدت فكر مع حالي (وأنا طالعة من الجامعة بعد انتهاء الدوام بـ٣ ساعات وبعد ما أغلب دفعتي رح تخلص شغل مشروعها العملي وأنا ما بلشت) سألت حالي: ما ضاق خلقك لسا؟ كلو بلش إلا أنت لهلا ما اعتمدتِ ع فكرة! شو السبب اللي مخليكِ عم تحاولي ومُصرة تبحثي عن موضوع مميز وجديد وتشتغليه بإتقان وما حدا سائل عالموضوع غيرك؟ 🌸 ففوراً اتذكرت هالكلام اللي بالصورة، وفكرت أديش كلمة وحدة منسمعها من رفقاتنا قادرة تخلينا نعمل شغلات مستحيلة ونضل عم نحاول وعنا نَفَس طويل ولو تعبنا، بالإضافة لثقتنا بالله وطموحنا الكبير اللي بخلوا عنا طاقة نحاول ومتيقنين إنو ما في شي بضيع. قال ﷺ الكلمة الطيبة صدقة، فلا تفكر دعمك لغيرك بكلمة وحدة رح يضيع، اتأكد إنو ممكن يتردد بعقله قد ما كان بسيط وممكن يكون سبب باستمراره لهلأ.. في حال عندك كلمة حلوة، وبتعرف تدعم غيرك وهو بطريقه لشي معين فلا تقصّر 🩷🌸.