قناة خطباء المنبر الحسيني للقصائد

#شهادة_السيدة_الزهراء (ع)
#طور_اسمع_عتابي

صورة شعرية تصور مشهد أمير المؤمنين عليه السلام يشكو شوقه على قبر مولاتي فاطمة عليها السلام ...

زاير ضريحِك، أنعى ونوحِك
تحرسني روحِك، لْبيها أمَاني

حامل حَنيني، وزفرة أنيني
ودمعه بِعِيني، تهيّج حناني

بُوح بْمشاعر، تدريني حاير
عالفرقه حاسر، وفقدك عماني

يصعب غيابك، وْذِكْر اللي صابك
تدري مُصَابك، هدّم كياني

كَسرِك كسرني، وبابك عصرني
موتك حضرني، بسهمه رماني

#زينب_فياض
#عظم_الله_أجورنا_وأجوركم

https://t.center/zeinabfayad28

#في_الخدمة_المقدسة
#طور_مرو_على_القاسم
#شهادة_السيدة_الزهراء

صورة شعرية بلسان حال السيدة زينب عليها السلام جالسةً على قبر أمها الزهراء عليها السلام تبثّ شكواها ...

يمه أنا الحورا.. يا فاطمه الزهرا
أهمِلّكِ العبره..وبِترابك اتحنّى

جيتن عقبرك نوح.. وافتح أثرْ الجروح
منهو لْيسلي الروح.. لو ترجعي اتمنى

مشتاقه يا يمه.. لْصدرك أجي وضمّه
أتنفّسه وشمّه.. من ريحةِ الجنة

أدري الصدر مكسور.. وجرحَه بْدِماء يفور
فوق الثرى منثور.. تدري أذكرنّه

أذكر لهيب ونار.. هم أذكر المسمار
تجرحني هالأفكار.. وتهيّج الونّه

أذكر جدار وباب.. ودمّك على الأعتاب
ومحسن بعصره انصاب..ميّت أشوفَنّه

#زينب_فياض
#عظم_الله_أجورنا_وأجوركم

https://t.center/zeinabfayad28