قناة خطباء المنبر الحسيني للقصائد

#طور مستهل دنيا ما بيها بس هم وغدر
#نداء السيدة زينب ع لأبيها أمير المؤمنين ع ليلة الحادي عشر :


بويه .. رِدتَك قبل شمس العصر .. بويه
رِدتَك قبل حَزّ النّحر ..بويه
رِدتَك قبل ضرب الشّمر .. بويه


يا هظمتي .. سوط العدوّ بيّه لِزم .. يا هظمتي
واعلينا شعلوا هالخيم .. يا هظمتي
طاحَت خيامي والعلم .. يا هظمتي


بالشّماته .. ذباحه جاني ومِبتِسم .. بالشّماته سيفه يهزّه ابكل جرم .. بالشماته
يقلّي وحيدة ابلا زلم .. بالشّماته


دمعي .. يسأل جروحي ابالمتن .. دمعي
وينه عنك بو الحسن ..دمعي
محتاجه حضنك من أونّ .. دمعي


تقله :
بهالمعاره عيني تِدور ع الذّبيح
بويه خجلانه من أعثر وطيح
يبو زينب يمتى أموتن واستريح
ليمتى اصبر من صغري وافأدي جريح


💔يابو زينب .. يابو زينب



🖊خادمة أبي الفضل

#طور الجفيري
#لطم بإضافة آويلاه يا فاطمة لكل سطر
#نداء السيدة زينب ع لامها الزهراء ع عند مصرع الحسين ع :


حضريني يُمّه الطّاهره
قطعوا لخويه منّحره
من يده سلبو خُنصره
ونزفت دموم من السّمه

الف وتسعمية جَرح
وبعد الجرح آه الذبَح
وراسه يخلوه برمح
والعيله تبكي مألمه

عوفي المدينة والقبر
اوياكي تجيبيله السّدر
وقطن اليغطي للنّحر
وبرض البوادي مأتمه

نوحي على كسر الضّلع
واهنانه خَلنه نجتمع
بكِتره نِشّعل هالشّمع
وتحضر بناته لاطمة

نوحي يا زهره لغربته
عاري وسليب بذبحته
ما راعو يُمّه حُرمته
واطوي البعيدة فاطمة


🖊خادمة أبي الفضل