لما تكوني في علاقة مع رجل متوازن طاقة الذكورة عندو عالية ...بمعني مبادر... يعني في اغلب الأوقات هو البياخد الخطوات تجاهك ...بقترح العزومة ..بيفتش المكان الح تمشوا ليهو ...بيتصل يشوفك عملتي شنو .... قوّام ... اللي هي مسؤل عنك و عن كل ما يخصك و ما بيخليك تعافري براك و تتوهي .. دايمآ عندو أحساس بالمسؤولية تجاه حاجاتك و صحتك و اوراقك و اجراءاتك بيحاول يسهل عليك بقدر ما يقدر معطاء .. .ما بيبخل عليك لا بي مشاعرو ولا ماله ولا وقته ... واثق من نفسه ما محتاج يمارس عليك الاعيب نفسية ولا تكهف ولا اختفاء ولا غيرو ...واضح في حاجاتو لو محتاج يغيب ح يوريك انه غايب كم و ح يرجع متين حتي لو ما ذكر الأسباب هنا لو انت بتعرفي تستقبلي صاح بتلقي نفسك ........مرتاحة ...مفرهدة ...معنوياتك دايمآ عالية ...نفسك خفيفة و طايرة السما...بشرتك نايرة و شعرك مهفهف .هرموناتك ذاتها بتستعدل لأنك في علاقة صحية صحيحة أما لما تكوني في علاقة مع رجل غير متوازن ...طاقة الانوثة عنده مرتفعة ...... بمعني ....غير مبادر و دايمآ عاوز المبادرة تجي منك و منتظر منك الخطوة الأولى في اي شي غير شجاع في اتخاذ القرار....... دايمآ متردد و تايه و متوهك معاه غير قادر علي دور القوامة ....بمعني دايمآ رافع يدو من حاجاتك و بخليك تعافري براك و يجيك في النهاية بعد تصلي لحاجاتك بنفسك بخيل ...بخيل بي ماله.....بمعني بيكون معاه قروش لكن ما بصرفها عليك بيخليك تحاسبي في المطاعم و الكافيهات لكن مع اصحابو بيدفع و ما بيهتم يجيب ليك هدية حتي لو كانت كيس تسالي ..وردة أو صباع روج بخيل بي مشاعرو و الكلمة الحلوة بتطلع منه بالقطارة و ممكن ما تطلع و في اوقات احتياجك النفسي بيكون بعيد و بيتهرب منك هنا ح تلقي نفسك انت المبادرة ...انت البتفتشي تضربي و ترسلي و تسألي ....انت البتخططي للقاءات و تفتشي المكان و انت البتحاسبي الفواتير ...بتعملي حاجاتك براك ....طول الوقت حزينة ....طول الوقت قلقانة ....طول الوقت التفكير بيقتلك...السنة كلها نفسيتك زفت ...دورتك مضطربة....شعرك بيتساقط ...اضافرك بتتقصف ...بشرتك شاحبة و مقشرة..... الموضوع اصلو ما لعب و لا هين .. شوفي نفسك انت وين و عاوزة تكوني وين اختاري لنفسك ما تستحق ♥️..