"أنا بيتي بعيد عن الجامعة، والسكة بتكون زحمة أوي، وده بيخليني أقضي وقت طويل جدًا في المواصلات، فأحيانًا أجمع صلاة الظهر مع العصر جمع تقديم مثلا، أو صلاة المغرب مع العشا جمع تأخير، وعايزة أعرف هل اللي بعمله ده صح
🤔؟"
= الإجابة:
قال الله تعالى: ”حَافِظُوا عَلَى الصَّلَوَاتِ وَالصَّلَاةِ الْوُسْطَى وَقُومُوا لِلَّهِ قَانِتِينَ“
💛🌿وقال تعالى: ”إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا“
💛🌿فالصلاة أمرها عظيم؛ وعشان كده ماينفعش نتهاون فيها، أو نأخرها لوقت الكراهة، أو نصليها في غير معادها، من غير عذر شرعي، وبالضوابط اللي ذكرها أهل العلم.
💛🌿وفي حالة المواصلات ممكن ننتظر شوية قبل ركوبها لو باقي على الصلاة وقت قصير فنصليها في وقتها، أو إننا ننزل قريب من أي مسجد في طريقنا نصلي فيه لو مش هنلحق نوصل قبل دخول وقت الصلاة اللي بعدها.
💛🌿وبكدة نكون عرفنا الصح في أمر صلاتنا، ونحافظ على كل فرض في وقته
✅الناس اللي مبتصليش أو بتكسل تصلي، ركزوا كده في الحديث القدسي ده
💛🌿 ربنا بيقول لسيدنا النبي: "يا محمد قد افترضتُ علَى أمَّتِكَ خمسَ صلواتٍ وعَهِدْتُ عندي عهدًا أنَّهُ من حافظَ عليهنَّ لوقتِهِنَّ أدخلتُهُ الجنَّةَ ومن لم يحافِظ عليهنَّ فلا عَهْدَ لَه عندي"
💛🌿الصلاة عهد من ربنا لدخول الجنة، فلو مبتصليش اتصرف، ماينفعش تقابل ربنا وانت مبتصليش دي جنة ونار مش درجات جنة
💛🌿هتاخد ثواب كل واحد محتاج الكلام دا وهيعرفه بسببك.
🌿💛#الصلاة
