زكرياااااااات عيد الاضحى البائسة🙂💔 الاقاشي طلعت لي لحمه من خروف الضحيه قلت اعمل لي اقاشي في البيت دقيت تلفون ل واحد صاحبي بتاع اقاشي سالتو من الوصفه والطريقه وراني ليها وقال لي اهم شي البدره ف جازفت البدره وبهرت اللحمه وغزيتا في سلوك وولعت ناري وبقيت اشوي والريحه عنيفه لدرجة انا بشوي وببكي ماعارف ببكي ليه بس بالجد كنت منفعل واحاسيسي جايطه وانا شايف ثمرة نجاحي بتستوي ع نار هاديه قدامي المهم شويتو تماااام وجيت قدمتوا لناس البيت وضربناهو ضرب غرائب الابل وكلهم اشادو بيهو واشادوا بي وبمهارتي يلا ماعارف انا غلطت في شنو المهم حوالي الساعه 2صباحا صحيت بمصاريني كأنوا بقطعوا فيها ب منجل برسيم مسكت بطني ودنقرت مساااافه لاشعوريا كدا دموعي كبن عشره عشره بطني كاتمه لدرجة ماقادر اشيل نفسي ومنفوخه نفخة العدو حاسي بيها بقت قدامي ووراي يعني عندي بطن دائري قمت بالجلاله جريت وانا محني وماسك بطني ع الحمام لمن وصلتو لقيت اخواني واقفين بالصف كأنهم واقفين في صف عيش واي واحد ماسك بطنو وفيهم واحد قاعد يبكي ويقول احيييا وناس امي قاعدين في واطاة الله دي وعرقانين عرقهم جداول جيتهم والعبره خانقاني قلت ليهم الجوه منو؟ كلهم بصوت واحد قالوا لي الله ينتقم منك ويعذبك زي ماعذبتنا واذيتنا فجاه ابوي كورك الحقوني يااولاد الكلب قاموا جارين عليهو كلهم حتي الكان جوه الحمام طلع وقام جاري معاهم وهو بلبس في لباسو وهو جاري انا لقيتا فرصه ودخلت الحمام اقسم بالله ماكنت قايل نفسي بحييا وبعيش لحدي ماادخل الحمام في يوم من الايام جيت طالع بعد ساعه لقيتهم جايبين ابوهم مدرجنوا مودنو ع الحمام وهو يتحسبن شغال حسبي الله ونعم الوكيل فيك ياادم يلا صادفني انا طالع وهو مدخلنوا عاين لي في وشي قوووي وتف لي في وشي وقال ع الطلاق لو ريحتك بيها يبقي ابوي ماجايبني ياكلب القال ليك عايزين اقاشي منو؟ يقشك الله ويريحيني منك وانا الليله بقشك بيدي دي سممتنا كلنا وقعدت بخشمك المعفن دا ع الطلاق الليله لو عمرك شوال رز اكملو ليك اصبر لي اخش واجيك ف هو دخل الحمام بهنا وانا شردت بهنا خليت ليهو البيت ابوي حالتو صعبه شديد لدرجة جسمو كلو يرجف من الزعل والهبوط اتاريهم مساهرين ماناموا اطلاقا المهم انا طلعت وع حمامات الجامع ترانسيت قعدت في الحمامات لحدي الصبح اذن واقاموا الصلاه طلعت صليت في المظله بره وانا قاعد ماعندي حيل اقيف بيهو جسمي كلو يرجف