" علي شفا حفرة من الموت " 🖇📌.. ـ عارف يعني شنو الكلام دا يعني أنت مابينك ومابين الموت شهقة نفس قد تكون طيب كيف الكلام دا حقول ليك .. ـ ونحن كشباب في عمر الزهور وناس زي الفل كدا أحياناً قد نمر بي تفاصيل كتيرة مؤذية قد تأثر علينا .. ـ قد تكون بسبب مشاكل عائلية أو بسبب نقص أو معاناة أو خيانة أو بسبب صداقات سيئة او حتي حب استطلاع وقد تكون أسباب تانية .. ـ فنحن لما نمر بالحاجات دي يمكن الأغلب مننا بلجاء لي الــــDrugs عشان نحاول نهرب من مشاكلنا دي ونتجاوزها عشان ماقادين نقيف ونواجها .. ـ فبالتالي حتكون بالنسبة لينا خيار وعلي طول ناخدو عشان ما نتجاوز القلق والإكتئاب والمشاكل دي كلها .. ـ بعديها بسبب التعاطي دا حتحس بي شعور يمكن حلو بس مؤقت بسبب المادة دي وتفضل مبسوط علي حسب مفعولها .. ـ فلما تلاقي الحل دا كويس معاك حتفضل تكمل فيهو سواء كنت براك أو مع أصحابك والمجتمع البخليك تواصل وبيوفرها ليك. ـ حتكون شاغله كل تفكيرك وحتخليك تفقد ذاكرتك لفترات مؤقتة وحتحاول تداري نفسك من الناس عشان ما تستمتع بيها والأحري من كدا تنكر تعلقك بيها .. ـ و ساعته حتفضل مكمل وتدريجياً كدا يبداء جسمك يتعود علي المادة دي وماحتقدر تتحكم في نفسك.. ـ ولا حتكون قادر تتحكم في كمية الجرعة ولا حتي وقتها وممكن تأثر الحاجة دي ساعتها علي صحتك وعلي حياتك الإجتماعية بشكل سيء.. ـ وبعد فترة حتصل مرحلة صعبة شديد اللي هي مرحلة الـــAddictive يعني هنا تعلقك بزيد بالحاجة وتأثيرها كمان يمكن تفضل تتعاطها في كل الزمن .. ـ وهنا حتكون الكارثة أكبر وحتحس نفسك علي حافة الموت .. ـ قد تصل لي اضطراب نفسي او قد تأثر علي المخ او علي السلوك ويمكن تحصل ليك مضاعفات قوية شديد .. ـ لي درجة بعيدة شديد قد تحس نفسك خلاص بتودع في الحياة دي وكأنها سكرات الموت ممكن تتشنج في لحظتا حتكون ماقادر تستوعب الحاصل عليك . ـ شعور صعب جداً حتلاقي الناس جارية عليك عشان ما تساعدك بس هم ماعارفين السبب الوصلك للحتة دي ويمكن لما يعرفو يحسو بالصدمة .. ـ بس شعور الخوف ساعتها بكون أكبر من اللوم والعتاب وحتلاقيهم جارين بيك عشان ما يحاولو ينقذوك وساعتها كلهن إحتمالين .. " الموت أو الحياة " ـ وقد يكون الموت ساعتها أقرب شديد لولا لطف الله 💜.. ـ وبعديها ممكن تلقاء الدعم والمساعدة وينقذوك وهنا تبداء مرحلة جديدة ممكن نقول عليها " التعافي " وهي ما ساهلة بالجد .. ـ بس بعد التجربة العشتها حتاخد الخيار دا عشان أنت شفت بنفسك تأثير الحاجة دي قدر شنو للحد البخليك تعمل المستحيل عشان ما تقدر تتجاوزها .. #ومن_الاخر_كدا ـ والله يا شباب الحياة صعبة علينا كلنا بس مالاذم تحت اي ظرف تخلي المخدر خيار ولا ترافق أصحاب السؤ لانو الصاحب ساحب .. ـ والسكة دي مهما كان فيها ورد بس ما بتخلو من الأشواك ماف مشكلة ماليها حل.. ـ بس دا مالحل المناسب مهما كان حقيقي يمكن تشوف كلامي دا ماجايب حقو بس لو وقعتا حتعرف ساعتها " .. ـ خليك واعي للكل الحاجات الحوليك ما تتغشا ماتنخدع بي تجارب الناس الجربت الحاجة دي لي مرة وما أثرت عليها .. ـ قدرة التحمل بتختلف من شخص لي تاني ممكن تفقد عقلك من جرعة بس ما تخاطر بي حياتك .. ـ العافية ما بتعوض والعمر بس مرة والخيار بيدك يا حبيب ..🙂✅ " ودي سكة يارب ما يقع فيها زول تاني " 😕.. #سمرية