الشاعر خالد مسلم الحلفي

كل يوم ونكول اليوم طالت غيبتك طالت
ماتنهط يثار الله تعبت شيعتك تعبت.
الك ثار ونريد الثار ثار البلخيم وكفت
ثار ام الخدر زينب اسيره وعالهزل صعدت
(طالب بي انهظ يل ثارك)

الف اهلا وسهلا شرف اججيتكم
رفعت راس اشوفن هاي وكفتكم
داري وكل محب يشرف ابخدمتكم
هاي الوكفه ورفعة الراس اشرف بيه اشرف

يامهدي ادركنا

ترادت يبو صالح وظهرانا

وشوف الراس محني وظهررنا

كبر ضايع علينه وظهرنا

نريد أنروح ونعازي الزجيه

نريد نروح ونعازي الزجيه هناك

ونوصل للكبر ونروح كلنه وياك

ابجه المنذبح عطشان نترجاك

( وتعجل بطللعه علينه )

خالد مسلم الحلفي

مادنكت زينب من سئلها

يزيد عليه ردت من سئلها

لبت حيدر مواقف من سئلها

كيد اصيح كبدك يادعيه

كيك اصيح كيدك وابد مانهتم

دنك من اسمها وابد متكلم

عاده الموت انه ابسيف لو بسم

( دنك طاقيها من خطبت )

خالدمسلم الحلفي

*- الالم ماياذي غيرك والالم ياذيك

عالرسك من تدك ماوحد يحس بيك

بيدك داوي جرحك محد ايداويك.

( شني الغير عليه صوب البيك ايلم)

خالد الحلفي

اللهم حسن عاقبة امورنا

*- محمل ياالاهي والذنوب اهواي

بيهن كمت اغرف مثل شرب الماي

حاير لورحت شاخذ يرربي وياي

( مثل الماي ونشرب بي ذنوب العدنه اهوايه)

خالدمسلم الحلفي

شسولف يبوصالح والكلب حزنان

ردت  وال اميه المنهج العدوان

فوك مصاب عمتك حركوه القران

( ثاراليرضع طالب بي انهظ لذبحوا جدك )
خالد الحلفي

قصيده لشهر عاشور

كوم ياعباس زينب رادتك
حسين يالميدان يطلب خوتك
*
كوم وانه الي اعرفك ماتهم
عيد عندك لوكثر لم الزلم
شما يطش بيهه الرعب ونته تلم
زواد والفرسان تعرف صولتك
****
حسين بالميدان ظل ابوحده
كوم يالمهيوب حاطته العده
تريد منك كوم زينب سانده
انته ابوالشيمات تعرف غيرتك
*
هذا يوم البيه رادك حيدره
رادك ويحسين توكف تنصره
كوم شوفا عضاك طايح عالثره
وين يابو زواد راحت همتك
**
كوم شوف شلون جابوله الطفل
يبجي ظل حسين ودموعه تهل
اتعنه للميدان ماظن ينكتل
انذال غدرت بيه نفس القدرتك
***
كوم شوف حسين ياخويه انوله
وحده بالميدان محد ظل اله
ماسلم حتى الطفل من حرمله
مات وعيونه تناطر جربتك
***
جيت وندب غيرتك راعي العلم
موش منك تعتذر راعي الشيم
كوم شوف حسين ماذيه السهم
طاح ابوالسجاد رايد فزعتك
***

حرت ياعباس شحجيلك بعد
فوك صدره الشمر هل داس وصعد
ريت كون وياه وافاني الوعد
خويه كص الراس طالت نومتك
***
يردني ياهوانوب خويه لورحت
موش انته هناك بيه اتكفلت
كوم ياعباس ليش اتاخرت
وسفه مكطوع اليسار ويمنتك
***
الشاعر خالد مسلم الحلقي

زينب تكول

اصد وركض وعاين ماشفتكم

غميج الجرح ويدي ماشفتكم

ردت الحك وبلل ماشفتكم

يخويه حسين سوده انا عليه

خالد الحلفي

آه يـــازينب خطيـــه من الزغر شافت اذيه
انشلع ﮔلبــﭻ بالحياة من الزغر حته الممات

آه يـــــــــازينب الـــــحره
ﭼم مصــاب الصار وجره
عليـﭻ يــابضـــعة الــزهره
من الــزغر حتــه المـــنيه

ﭼم جرح اذاهـــه شـــافت
اصواب امهه بيوم طاحت
انكسر ضلعي ومنه صاحت
لحـﮔـــي يافضـــــه عليه

آه يــــــازينب ســـــبوهه
انــذول والله ومـــارعوهه
المجلــــس الظالم خذوهه
ينظــــر علــه الهاشـــميه

آه من شــــافت الـﭼـــافل
بلهفه صاحت يابو فاضل
امشي خويه ويه العواذل
اختــــك الحــــــره سبيه

يعينــــــﭻ الله عالجــــــره
حسين شـــــفتي منــحره
انـﮔطع وانتـي صـــــابره
وﮔلتــــي قربــــان وهديه

شفتي ﭼم لـوعه ومصيبه
وعشتــــي يازينب غريبه
ينسبي المثلــــﭻ عجـــيبه
وامـﭻ الزهـــــره الأبــيه

عفيه صبــرﭺ ماجزعتي
شفتي ﭼم غصه وحملتي
والله يازينـــب صبـــرتي
يعينــــــﭺ الله ياســـبيه

خادم اهل البيت // خالد الحلفي

نزل عباس وتزلزل كونهـــه
وحرم عالمشرعه ايطوبنهه
***** ******
فـــات والعباس مثل الزلزله
اليمه يكرب شبل حيدرجندله
عــنه بالصولات تشهد كربله
صاح لازم جربتي اترسونهه
***** *****
شرد اوصف من اوصف خوتك
طـاهروطــيب لـــبنــهه الغــذتك
كــفـو مــن ام الــبــنين الجابتـك
انــته احــد لخــوتك يـحجـــونهه
******* *******
طلع والعباس يرهب مطلعه
زاح كل الجيش عن المشرعه
للنخيله يصول بيهم رجعه
ايصيح لازم كربله اتعوفونهه
******* *******
طاحت اليمنه ولاهم بسيوف
كال فدوه اتروح لحسين الجفوف
لويطير الراس ابداً مااعوف
حسين اخوي وفاطمه يعرفونهه
****** *******
جفوف حيدرباب خيبر قلعته
ذاك كل الناس تشهد صولته
كلي كون حسين توفي ابخوته
اليوم لازم خوتي اشوفونهه
***** *******
صال عباس وتنخه بحيدره
صاح يومي اليوم سبع الكنطره
والله خلها الزلم مطشره
ابوفاضل صولته ايعوفونهه

الشاعر / خالد مسلم الحلفي

قصيده الى شهر الحزان عاشور

،،،،،،،

يشعي هل شهر عاشور وازات الكلب ونه
مانسه يشيعه حسين بمصابـــه يـذكــرنـــه
مصابك ياشهرعاشو - خله كل كلب مكسور
                ،،،،،،،،،،
يوم الهل شهر عــاشور جــددنه الحزن ويــــاه
وكل شيعي حزن لحسين عله مصابه يون احاه
نجــدد بالــعــزه كــل عـــام  وحسـين ابد ماننساه
             مــانســه مـصـابـــك دوم
             شماء يعرض نزيد هموم
مــا ننســاك ابــد للـــدوم تــظل انــتـه ابـمشاعرنه
                     ،،،،،،،،  
مكســـور الكــلب يحـــسين بمصابك يجر حسرات
يلــمنــه شهـــرعـــاشــور حيـــل وكـثر الـــونـات
شما تبقى السنين ادور حسين اسمك عدل مامات
              تظل انته الفخريحسن
              ماتبخل عليك العـــين
تبجي ومــاتهيـــد الروح ودمــع الـــعــيــن اهـلنه
       *                    ***
يشعي بحــزن هــــل اليوم خــــلانواسي الــزهره
عله ابنه المنذبح عطشان بخيل ورضرضوصدره
وبــتهــه الــبــلــسبي راحــت ياوسفـه عله الحره
               مسبيه ويضربوها
               زينب والله ظلموها
تــصيـح بــصــوت يــاحــيــدر وينك ياعلي الحكنه
                          ،،،،،،،
يـــــوم الهل شهر عاشور بالكافل يذكرنا
سبع الكنطره العباس كافل زينب وضعنه
وذكرنا كطعة الجــفين والله وزادت الونه
          مانسه البطل عباس
          كافل زينب علراس
ومانسه العطاشه تنوح  وسهم النازل بعينه
                   ،،،،،،،

يمــربينه شهــرعـــاشـــور آ يــا لـوعة الرضعان
وزينب بيــهم احــتارت ويــمهه تــلطم الـــنسوان
وذكرنا شلون حال حسين يوم الي صبح عطشان
           وحــيد ابساحة الميدان
           ابن المصطفى عطشان
انا حــسين كــــام يـــصيــح يــاويــلــه انــكر جـدنه
                   *
يشيعي للعـــزه ويــاي كــوم نواسي مولانه
الحجه ابن الحسن ياناس علمذبوح وخوانه
حسين الــظل ثلـت تيام مرمي علثره ابجانه
         نصيح ابصوت كل احنه
         نواسي الحجـه بالمحنه
نكـله علسبط ماجـوريــاشيل الــحسن كـــلنـه
              *

     الشاعرخالد مسلم الحلفي

الى يوم الولايه

الروح تميل ياحيدر وردها

وبسمك لوحجت فتح وردها

سعيد الكظ الولايه وردها

امان ولايشك بيه القضيه

امان اطب غرفتك ياعلي الكرار

مكتوب ابوسطها أمن من النار

هنياله الموالي مايظل محتار

( ونار اتكلك دفيني)

خالد الحلفي

إلى مولاتي القبيله ع

اروحن فدوه يازينب لثاراج

وحشم ونخه بلمهدي لثاراج

ادري ابهضمتج وعرف لثاراج

طيحت كافلج فوك الوطيه

خالد الحلفي

هوسه لمولد الإمام الرضا ع

ياثامن اليمه اليوم فرحانين

لميلاك اجينه وكلنه متعنين

يلبيكم تعلى وثبت هذا الدين

( الفرحه اليوم اتقطينه)

خالد الحلفي

قصيده الى علي ع

شيعـــــــــــواحيـــــــــدر والنعش خـــن شيـــلـــه
اليـــــــــوم باهـــــــــات وحـــــزن نبـــــجيلـــــــه
****
شيعوا ابو الحسنين حماي الحمه
اليوم وحشة زينب وتبجي بدمه
وسفه تخله الدار منه وفاطمه
اليوم كل شيعي ومحب يبجيلــــه
****
هاذ ابوالحسنين يستاهل بجي
طاح عنوان البلاغه والحجي
وكفه منك بالكبر انه رتجي
علي ماينطي اليصيح ادخيله
***
حيدرالصنديد خل انشيعه
اليوم وابوالحسنين وسفه انودعه
بعد صوتك ياعلي مانسمعه
ياهو بعدك حيدر ونشكيلـــه
****
اليوم باهات وحزن شيعوا الولي
ودكوا فوك الراس صيحوا ياعلي
هاذ ياشيعه الحزن ماينجلي
هاي عالســــــلام أكبــــــر عيلـــه
**
عليك تبجي الدار ظلمت حيدره
تنعه عالكرار وسفه امكدره
والله ندمه عليك نايم بالثره
اليوم نورك للكبر يضويله
*
اليوم زينب ياعلي مخليهه
عليك تبجي ابلهفه ياواليهه
ايتيمه تبقى وكونك اتجافيهه
اليوم مهظومه ودمعها اتسيله
*
يوصي اهله وتجري كامت دمعته
هاالله هاالله باليتامه وصيته
ويدعي بالتوفيق كون الشيعته
علي يحجي والحسن يمليله

الشاعرخالدمسلم الحلفي
هاتف(07703107769

الى مولد الحسن

الكلب فرحان هليله حسنه

وكون ابهل العمل لجلك حسنه

يبن المصطفى وحيدر حسنه

نهني ابمولدك كل البريه

خالدالحلفي

قصيده منبريه الى مولاي الكاظم
                                  *----////--*
موسى عالجسر مطروح
كوموا الكاظــم انـشيـعـه
                               ***
صـارت عـالــجسر لـمـه
وهــلـه بــعــاد مــويــمه
يــاهــو الــيــاخــذ بـدمـه
غــريــب وفـجـعته فجعه
                                  ****
وحــده عــالــجسر نـايم
يــاوســفـه عــلـبوالقاسم
مـقـيـد نــدمـه عـالـكـاظم
الـكـالـوا طلـعـته الجـمعه
                                  *
كلبي من الحزن مهضوم
عـالـكـاظـم صبح ملجـوم
يـبـجي عـليـك يـامسموم
الـدمـعـه زيـد عـالـدمـعه
                                 **
روحــي الــيــوم ونـتـــه
زاد عــلـيـك حــســـرتــه
وحــدهــه عــلـفــطــرتـه
الــونــه الــيــوم مـرتـفه
                                    **
جــيــنه انــشيـعــك كلنه
عـلـيـك ونـجــذب الــونـه
مــانــدري تــفــاركــنــــه
الــيــوم نــتــانــي الطلعـه
                                  ***
الـنـاس الــيـــوم مــلتـمـه
مــاتــدري الــنــذل ســمـه
مــن الـغــيــد ويـصب دمه
الــجـيـته الـشيعـه منجمعه
                                  **
الشاعرخالدمسلم الحلفي

امير المؤمين يقول لزهراء

جميل الصبر لاجنه عكبها

اسيره والدهر روحي عكبها

البعد فاطم اجه وسفه عكبها

حقير وماعرف قدر الزجيه

خالد مسلم الحلفي

الى مولاتي الزهراء

تخفي والجرح فاطم بيدها

عني والظلع روحي بيدها

شسولف والدهر بعدج بيدها

خذاج وظلم الدنيه عليه

خالدمسلم الحلفي