ЖИГАРЛАРИМ ДОИМО КEРАК
Кулар шодон, ширин мулойим,
Ҳар бирининг ҳурмати бўлак.
Авайлаб сен асра, Худойим,
Жигарларим доимо керак.
Садоқатнинг тимсоли улар,
Талпинади уларга юрак.
Бахтларимга сабабчи улар,
Жигарларим доимо керак.
Бирам яхши, зўр бир-биридан,
Мени дея жони минг ҳалак.
Меҳр ёғар қалби қўридан,
Жигарларим доимо керак.
Хабар олиб сўрар аҳволим,
Дуоларда тинмайди билак.
Ора-кунда сўрайди ҳолим,
Жигарларим доимо керак.
Кўксимдаги ишонганларим,
Тилак тугул, бўлади тиргак.
Менинг ҳар вақт суянганларим,
Жигарларим доимо керак.
Яқинларга улашинг!👇💝Telegram |kanal💞@Diydor_Shirinl
