اللهُمَّ في يومِ الجمعه نسألُك العوض الجميل بعد الصَّبر الطويل اللّهُمَّ جبرًا لقلوبنا واستجابة لدعائنا اللّهُمَّ لا تحبط لنا دعوة تمنَّتها قلوبنا اللّهُمَّ إنَّا نسألك خيرًا في كلِّ اختيار ونورًا في كلِ عتمة وتيسيرًا لكل عسير💚🍂
- ديمه في شخص قادر يغير من نفسيتك مهما كانت تعبانه ، شخص يعرف كيف يتصرف معاك بكل الاوقات ، يعرف حاجات يلي تخصك ويحافظ عليها ، شخص يشبه شخصيات الرسوم الي تجسد في معنى صداقة ، شخص بحياتك مهما قابلت ناس مستحيل يتكرر فيهم ، وانت عارف انه مميز حتى وهوا مدارش شي ، انت مكتفي بفكره وجوده داخل دائرة معارفك وحياتك الشخصية ، رفيق درب ، وسر للحوش ، الملخص راحه كلها .
_ أنا نتمنى إن ربي مايعميش عقلي وضميري على الصح ويخليني ديما نحس بالذنب لما ندير حاجة خطأ نتمنى إن مايخلينيش نشوف الحرام حلال ونضل في طريقي .. نتمنى إن نقعد نظيف في دخلي وقلبي يقعد أبيض ويتمنى الخير لكل الناس وما نحقدش على حد نتمنى إن سيرتي تقعد ديما حلوة على كُل لسان سواء حي أو ميت، 🤍.
- لازم تكـون مقتنع انـه الناس مُجـرد فترات خـليها فـِ بالك ديما الفكرة هذي وتعامل مع كل شخص فـِ حياتك ؏ اساس انه فِ يوم وليلة بيطلع من حياتك لاسباب مقنعه او مافيـش اسباب من الاساس ، ديما حاول تصنع القوه فِ قلبك وماتتعلقش عشان تحمي قلبك وروحك تحت اي ضغط ممكن يصير معاك .
- أني نحب نفسي هلبا مش بأنانية أبداً ، لكن نحب نحافظ على شكلي و على كرامتي و على قلبي ، مانحبش حد مهما كان قريب مني يحسسني إني قليل ، وقت ما نحس إنّي مش متقدر في مكان نمشي ، ولما نمشي مانرجعش تاني لو حنموت ، مانفرضش نفسي على حد مهما كنت نحبه ، مجرد ما تعتذرلي ننسى اللي صار ، ومجرد ما تغلط ثاني نتفكر الغلطتين للأبد ، نحب الخير للناس و نحب الناس اللي تحبلي الخير ، أني ضيف خفيف في كل حاجة ، في سلامي وفي كلامي ، اللي يحبني قراط نحبه ألف واللي مايحبنيش مايهمنيش ولا نحب نشوفه ، تحاول تخسرني حنكون أول واحد بيساعدك ، تكسبني تكسب صاحب و حبيب مخلص للأبد .
