الشاعره مريم العبوديه سيرة الاحــزان💔

ابظلمكم منهو منكم عاش من دام
ومنكم جرعت الزهراء من دم
اذا ابچي العمر بدموع مندم
الشفيعة الطاهرة الحرة النقية


✍🏻الشاعره مريم العبوديه اسيرة الاحزان 💔

قصيده جنوبيه للحبايب


اسلي اشلون روحي من هجرجن
احبيبات الكلب يالماكو منجن

شيردها// ليام الراحت

هجرهن بالكلب خلالي نبشان
وكلبي بالحزن جن داوي بركان
مشن سكته مشن وبيه الاحزان



مارافك بشر لو بيه فد لوله
تظل بيجن خصال الطيب مشتوله
ننسه كل حچينه اشلون معقوله

تاذيني غيبات احبابي


حبيباتي ودلليلي حيل يهواهن
وين العشنه وين ايام وياهن
احن الكعدتي وذكر حجاياهن

ميشومه/ ساعات الفركه


بعدهن ماردت دنيه وعمر كون
كلبي اعله الحبايب حيل محزون
حسافه الي نحبهم مايعودون

تجويني // فركتهن كلش


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

للزهرة الشفيعة ولضلعها
العين المابچت واجب شلعها

هيه اطهر نساء الدنيه هيه
يدفعوها وتون ونه خفيه
مكسورة ضلع ويلي الزجيه
وشبت نار مهجتها بگلبها

( بالباب نعصرت مهضومه)

لاذت بالحشيمه  ابره الباب
هيه ام العفاف وام الحجاب
كولو بيا ذنب الزهره تنصاب
ينزل من جمر ويلي دمعها

(الحك ليه حيدر للزهر)


نابت بالصدر يويلي  بسمار
نادت من هظمها لحك يكرار
محسن طاح منها ابن الاطهار
الله اليعلم ويعرف وضعها

   (المهيوبه ونت بليل)


دمعات الحزن ترسة سواجي
يحله الكول الها ولمحاجي
هلو عليها من دم البواجي
نادت بالجرح محد سمعها

( الزهره ماتت  مضلومه)


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

ياعلي الدنيه اتعتبها انته ابقواك
ياصبور وشايل انته  اشكد ورع
نهرك الجاري يضخ ليهسه ماي
وجودك الفايض ابد لا ما كطع
المايحبك ياعلي ميفيده صوم
ولا تنفعه اهناك ياحيدر ركع
اسمك الطاهر عله وجه السماء
وبالكلب مولاي من زغري انطبع
بالحرب كلمن وكف ضدك اكيد
سالم من الموت ما واحد رجع
يوم مرحب صاح هل من نزال
فقط سيفك گام بالعسكر لمع
يالنمت بفراش هادينه الرسول
لنصر هذا الدين منواك اندفع
اليتيم ابابك اتصير انته ابوه
من رحمتك كل فقر جفك شبع
بالصلاة تخشع لحد حال الذبول
وبالحرب يمك اجيوش اتخضع
علي شرد اوصفك ونته الامير
مثل صيتك هالفكر قط ماسمع
انته والهادي نفس روح ويروح
واليضدكم عن حسد لو عن طمع


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

لسان حال العليلة

اذا يعكوب زال النظر  بعيونه
ليوسف وهو ملك بعرش يدرونه
انه گلبي تفطر حيل بضعونه

الشال حسين وارحل. يمشي الموت اوياه

الشاعره مريم العبوديه اسيرة الاحزان 💔

اشكد ندبتك... كلبي مكسور
اشكد ندبتك.. اتعجل اظهور
الدنية مليانه ظلاله
بسيفك الحق والعداله
اشكد ندبتك.. اشكد ندبتك
⊰᯽⊱┈──❊╌─┈⊰᯽⊱

ياصبر يحبس بعد لچمات صبره
والكلب مولاي ظل جمراته جمره
ابدعاء الندبة الك كل وكت اقره
العدل مصلوب تدري بجذع شجره

ونته غايب.. اعرف بلوعة جروحك
ونته غايب.. الله ايصبرها روحك
يا ابن سيد الرسالة
بسيفك الحق والعدالة
⊰᯽⊱┈──❊╌─┈⊰᯽⊱
...........

عدنه عدنه ارگاب مليانه بحقدها
ندري بس سيفك يبو صالح يردها
الك تدري انصار ظل ثابت عهدها
باسم تعجيل الفرج تدعي بشددها

بنتظارك.. فارشه عيون الوسيعه
بنتظارك.. منجبر ضلع الوديعه
غايب وماكو هلاله
بسيفك الحق والعداله
⊰᯽⊱┈──❊╌─┈⊰᯽⊱

ياربيع الكلب نتأمل تجينه
حيل جاير هالوكت ولدنيه بينه
ندعي يامهدي الفرج بين علينه
الك يامولاي بدموع  . ارتجينه

بالمصايب.. حيرتك يالمهدي حيره
بالمصايب.. مثل لوعات الاسيره
كل گلب يطرح سؤاله
بسيفك الحق والعداله
⊰᯽⊱┈──❊╌─┈⊰᯽⊱

عدت اسنين العمر يمته ظهورك
العين محتاجه تجي ايگحلها نورك
الدور يا ابن الحسن هالساعة دورك
الارض تملا عداله.. من حضورك

يابو صالح.. هالوكت مابي امانه
يابو صالح طافحة اليوم الخيانه
غاركه ابحر الجهاله
ابسيفك الحق والعداله
⊰᯽⊱┈──❊╌─┈⊰᯽⊱

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://t.center/gddaog

قصيده للنبي عليه افضل الصلاة والسلام


الزهرة اليوم مفجوعة وحزينة
الهادي سافر او وحشه المدينة

"" "" "" "" "" "" "" "" ""

ابشجره تستظل وتبث حزنها
حته فيايها حرموها منها
قلعها الباغي حته ايزيد ونها

ناس من الرحم كلش عديمه
"" "" "" "" "" "" "" "" ""

ناس الچان عادلهم محمد
ليش اسيوفهم عالزهره تنحد
بعده الهادي بعده ماتوسد

للظيم اصبحت فاطم رهينة
"" "" "" "" "" "" "" "" ""

من وبر الابل چانو اچلهم
هسه برغد عاشو مامثلهم
ليش البغض ما فارك عقلهم

ويحرموني الكلب يطلع ونينة
"" "" "" "" "" "" "" "" ""

مفجوعه وتون ابيت الاحزان
ماخلو الفاطم  حتى امجان
مثل في الابو مايصح انسان

الابو متصح ويه امكانه قرينه
"" "" "" "" "" "" "" "" ""

من بعد النبي عالو عليها
اخذوا فدك من بين اديها
هيه فاطمه الموصي بيها

لجلها كل محب مدميه عينه
"" "" "" "" "" "" "" "" ""

مكشوفه المواقف بالبداية
بس حيدر وفي حته النهايه
يبغضون الوصي معروفه هايه

علي الروح الرسالية الامينة
"" "" "" "" "" "" "" "" ""

ارحم بشر بالوسعة محمد
من الله عله اعداءه مسدد
تشهد كل بشر بفعاله تشهد

رفعكم من الظلم حتما نبينه
"" "" "" "" "" "" "" "" ""


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

فزاعيه الرسول ع


كرب ليل الوداع اليوم
ويه والد الزهره

اتغير بالمدينه الحال
ودمع الزهرة ظل همال
لمحمد كربت الآجال

اشلون ايشيل هذا النور
ويتنزل وسط حفره

ام الحسن ام حسين
تبجي وتهمل العينين
گلها بعدي تلتحقين

يا قطعة دليلي اهنا
ابشرج ماتظل حسره

كلبها من الالم مجروح
مكابلته وتزيد النوح
بعدك بويه وين انروح

دليلي لغيبتك موجوع
بعدك دنيتي مره

مجويه بجمر ناره
بفكده الزهره محتاره
ابوها رحل عن داره

راحل سيد الاكوان
بعده  حيل متكدره

طاح العمد ولخيمه
ظلت   فاطمه  ايتيمه
بعده تسكن الهيمه

ارجعلك لچني اشلون
مني ضلوعي متكسره


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده مع هوسات
للامام علي تنقري بعدت اطوار ♡

اشلون اشلون انه الوالد انساه
موهين  علينه. اليوم. فركاه
.........
.........

اشلون انسه الربه وبيش اجازيه
أنه كل العمر ياريت اله  افدية
شكد غالي، الابو. وبروحي اشرية

تهد حيلي.. ياونتك بوية


بعد جلمة البويه. المن احجيها
تهد روحي حجرتك من اصدليها
سبحتك ولم صله وين اوديها

تنوح بنيتك. ظلت حزنانة


الابو خيمه ويفي. بظله العيالة
وليفارك عزيزه  الموت،، اشوالة
عشنه بفي عباته لماكو   امثاله

ضيعناه.. اليسوه الدنية


حلات الدنيه انته ولو رحت اذبل
تدري بلايه حسك يالابو. انذل
ياحزن الكلب للموت  ماينفل

من حزاني.. تتوكد جمر



شلي بالعمر.. ونته العمر كله
رحيلك بالكلب تارك الف عله
حزني عليك طول الدهر مافله

ماريده.. العمر اخلافك


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

#قصيده لفقد الأب .....

بويه هجرك عذباني. حيل جتال
ولدمع ماكظ مسيله اعليك همال

✿────↻.✿↺────✿

السفر    لا  ماهو  هين ...يظهد لروح
فركة  الولد عظيمه.،،،،تهدم   صروح
عمري  خلصته بمناحه وكلبي مجروح

بغيبتك  انهد كياني ،. ولدمع  سال
بويه هجرك عذباني ..حيل جتال
✿────↻.✿↺────✿

ولبعد  فزز  جروحي ..وهد كياني
تدري   بويه  بروحتك...كلبي،يعاني
مصارعه  نكبات دهري ..وهم الفاني

وعيني تنظر جيتك   متعذبه الحال
بويه هجرك عذباني ..حيل جتال
✿────↻.✿↺────✿

رويحتي لجلك حزينه .. .بيش اكابر
مكابله.لحيطان وحدي.. اكسر الخاطر
ساهرت ليلي بشجوني..،ودمعي ماطر

وذكرت ذيج لمحنه  بكطعت  امال
بويه هجرك عذباني ..حيل جتال
✿────↻.✿↺────✿

راحت  ايامي  لعشته. ..بويه  وياك
وين ذاك لطول غايب....وين  ملكا ك
هسه اصد لدار خالي...من  محياك

ناحت لروح بغيابه..  ولأبو شال
بويه هجرك عذباني ..حيل جتال
✿────↻.✿↺────✿

شنهو حال الفاكد  ..بحسراته ينعه
صعبه ياناس لتحبه.. انته .لتشيعه
ولي عاش وياك ..السنين  وتظيعه

وتدفن احباب الكلب ..ابذيج لرمال
بويه هجرك عذباني ..حيل جتال
✿────↻.✿↺────✿

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://t.center/gddaogt

نعي ᯽...... ᯽

سيرت بحزن كلبي عله گبرك
وعله الصار بغيابك خل اخبرك
اخذ من لوعتي وحطها عله كترك᯽

يمن جانت الدنيه تهابك
ولا نامت عويناتي  بغيابك
اشم كلساع يلغالي بثيابك᯽

مهظومه بجمر روحي لفيتك
ماشفت الهنا من فاركيتك
تعال وشوف احزاني ع بيتك᯽

ياحسرات كلبي اليوجعني
ولجمات الجروح ايگطعني
تركت هموم بغيابك ولني᯽

ادور اعله الكبر دورة الناعور
وتعثر بهدمي وسط الكبور
ماظنيت وكتي بيه  ايدور᯽

اشدن ياحزن ياهوه اخليه
وبروحي حزن ماعرف تاليه
يايمه  الكبر شباج  مابيهه᯽

اجيتك يالولد  حاجيني كلمه
الطم بالتراب وساعه اشمه
احاجي بصورتك وينك ييمه᯽



تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://t.center/gddaogt

،، ﷽.قصائد محرم(  ✍🏻)
عله وزن توام يازمان
قصيده لمولانا الامام  الرضا ع..........   

لوضاكت عليك... والهم يعتليك
اكصد الصوب الرضا  هوه اليحلها
✿•┈┈┈• •.،، • •┈┈┈•✿
لو زمانك بيك وجر. والنفس ماتكدر اتجر.
ضاك  دهرك
اكصد الضامن الجنه. تنول بيه كلشي اتمنه
واحجي  سرك
هذا ابن راهب محمد... بابه مافد يوم ينسد
الهم  يهجرك
هذا من. طبعه السماحه... حضرته تلكاها راحه
ايحله  امرك

ماخاب الرجاه..... بالحضره اجاه
ايروح كل العسر من يرفع حملها
✿•┈┈┈• •.،، • •┈┈┈•✿
ناري تسري بنص دليلي. صحت من نوحي وعويلي. نظره نظره
سيدي ضاكت عليهه.. ولألم ضل يسري. بيه
دمعي يجره.
اكصدت للحظره اعاني... جاير اعليه زماني
بيه عبره
ياهيامي وياغرامي. انته محبوبي وأمامي.
الدنيه مره

ياثامن امام. ...ابعثلك.سلام
روحي تبقى لشوفتك تعقد املها
✿•┈┈┈• •.،، • •┈┈┈•✿

عاش كل عمره وحياته.. ينتظر لحظة مماتة.
بغربه وبهم
يشبه احسين بغربته... عالاهل تنزل دمعته
يندب الهم
ياعظم هاي الرزيه.. . ياأمام الجعفريه
نبجي من دم
وننصب المأتم يويلي.. لموتته ينهدم حيلي
من اذكر السم

مولانا نصيح  ..ولمدمع يطيح
يارزاينا  شكبرها  وياثكلها
✿•┈┈┈• •.،، • •┈┈┈•✿

جم مصيبه التسري بيهه.. تنوح من هم العليه اجروحي كثره
اخته معصومه الحنينه. عانت وشافت سنينه وهمها  يسره
رادت اتودع اخوها... وبمماته  لوعوها
تبجي حسره
وسفه ماشافت وليهه ولحزن ضل يعله بيهه
عثره عثره
شافت اهات واذيه.. من مصاب الغاضريه
بيهه جمره

يامسك الختام.   .ودموع الهيام
بينه هاي الروح ظل طافح حزنها
✿•┈┈┈• •.،، • •┈┈┈•✿


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

https://t.center/gddaogt