#ورود_اهلبیت_ع_به_مدینه_منوره بخش2پایانی
اهل مدینه چون ائشیدوب چکدی شور و شین
ائولر سراسر اولدی عزاخانهٔ حسین
اهل مدینه ایلدیلر بس که آه و زار
رخشنده برق اولدی خجل،ابر شرمسار
قاره چکیلدی کوچه و بازاره سر به سر
اهل مدینه چشمینه تار اولدی روزگار
هرگوشهٔ چمنده دوتولدی حسینه یاس
بلبل غمین، بنفشه حزین، لاله داغدار
ریحان زلفِ قاسم و اکبر کیمی تمام
مشکین لباس گیدی جوانان گل عذار
ذکر اولدی بس که محنت داماد نامراد
متروک اهل عشق اولوب صحبت نگار
هر نو عروس قاسم ایچون ساخلیوب عزا
در بسته حجله ،شانه و آئینه پُر غبار
پستان دایه خون جگردن اولوب دولو
اصغر غمی مآثر طفلان شیرخوار
مدینه اهلی ائدوب اهل بیته استقبال
نه گوردیلر که گلور کاروان درد و ملال
نه اهل بیت! باتوب جمله سی ملاله گلور
فراق داغی گوگلّرده مثل لاله گلور
وجودی محوْ اولوب،غصه دن گلور زینب
گوزه گورونمز اوزی هیئتی خیاله گلور
نجه فغان! نجه زینب! بیر نظر گوره نون
ئولونجه گوشینه فریاد آه و ناله گلور
قرا ساچی آغاریب ،سرو قامتی بوکولوب
سولوب جمالی،دوشوبدور بیر اوزگه حاله گلور
بلا چولنده چوخ ابرو کمان جوانی ئولوب
اودور که قامتی غمدن دونوب هلاله گلور
خمیده قدّی کمان ،شعله ناک آهی خدنگ
همیشه چرخ ستمکاریله جداله گلور
رسول روضه سینه دردین ائتمگه اظهار
یتوبدی درد و غمی سرحد و کماله گلور
یتوب مدینیه زینب دوتولدی یاس حسین
ئولونجه ایلدیلر اهل بیت شیون و شین
پایان
#شکوهی_مراغه_ایhttps://telegram.me/ganjine5