*#مجزرة عائلتين~《04》* *#بقلم~محبة~الغموض~🤎* *♥︎ــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♥︎*‏​​‏​​‏​​‏​​‏​​‏​​‏​​‏​​‏​​‏​​‌‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​*~في مكان أخر~ + والله يا *عمر* انا بحبها وبموت في التراب البتمشي فيهو بس من البوافق ابوي رافض يمشي معاي وانا وعدتها وقلت ليها اني حا اجي اتقدم ليها - والله يا عبدالله زي ما بتعرف انا معاك في كل حاجه بس كمان شغل عقلك شويه وكلام ابوك انا بوافقو عليهو المسأله ما مسألة تجرب وبس بالعقل كده يا عبدالله بتو الوحيده يعرسها ليك + تمام يا زول مدام مافي زول مؤيدني في قراري انا بعرف اسوي شنو - وحا تسوي شنو ان شاء الله + *حا امشي اتقدم ليها براي* _____ ~بلسان فتحي~ جا اليوم الحا اسافر فيهو القريه ومن الصباح امي دي تشيل وتبكي تقول ماشي منها سنه ما اسبوع😂 ويوصوا فيني.... ودعتهم وطلعت الساعه سبعه منهم ووصلت القريه العصر وحبوبتي الارض ما كانت سايعاها من الفرحه لمن شافتني فراقي منها ٤ سنوات..... ارتحت شويه وعلى الساعه خمسه ونص قلت امشي اشوف المزارع حقتنا.. صح انا المشرف عليها بس من بعيد وهسي داير امشي اشوفها بنفسي... وانا ماشي في الطريق واشوف بنت اقل ما يقال عنها جميله لابسه فستان ازرق ومع انها لابسه طرحه بس شعرها الطويل كان ظاهر... كان طولها متوسط مايل للقصر... جسمها متناسق وخدودها الورديه وعيونها البنيه الواسعه.... سرحت فيها قريب خمسه دقايق بعدها جاها ولد اتونس معاها وكانت بتضحك وضحكتها يا الله ضحكة ترد الروح... وقفو زي ربع ساعه بيتونسو بعدين كل زول مشى لشغلو وانا زاتي مشيت... ومن شفتها خلاص اتخيلت انها بقت حلالي.. استغفر الله المهم قلت اعرف هي منو واهلها وين وفعلا سألت وطلعت بت الشيخ حسن واسمها سعاد وهي الكبيره في اخوانها.... عرفت كل المعلومات عنها وكملت الأسبوع ورجعت البيت استقبلوني امي وابوي وفطرنا سوا وبعده بدت الأسئله - اها يا ولدي بشر لقيت البت التسعدك - ايوا يا ابوي الحمدلله من اول يوم لقيتها وسالت عنها كمان - طيب يا ولدي هيي بت منو وسمعتهم كيف وحلوه ولا لا ووو...... - هي يا مره سمي بالله مالك حبه حبه على الولد - ههههههههههه ما عليك يا امي كلو بجاوبوا ليك.... اولا البت بت شيخ حسن سعاد - مش شيخ حسن دا شيخ القريه - ايوا بس هو زاتو - ونعم الإختيار يا ولدي.... خلاص انا بكلم اعمامك واشوفهم يوم الجمعه لو ما عندهم حاجه نمشي القريه الخميس نبيت معاهم والجمعه نمشي نطلب ايد البت - تمام يا ابوي ( وكل زول مشى غرفتو ونام) _____ ~بلسان سعاد~ عبدالله قال حا يجي يتقدم لي بس ما حدد لي اليوم الحا يجي فيهو.... بس المشكله ابوي يمكن ما يوافق نسبة للحال العايش فيهو عبدالله... بس كمان يمكن يوافق للعشره البينا لأنهم من زمان معانا في القريه... في كل الأحوال اتمنى انو ابوي يوافق عليهو🩶 _____ *صباح يوم جديد* ( اتجهز ولبس احسن لبس... اتعطر وطلع من البيت ووصل للمكان الماشي عليهو... اخد نفس ودق الباب وفتح ليهو ولد في عمر ١٦ سنه) + السلام عليكم ورحمه الله وبركاته - وعليكم السلام.... اهلا عبدالله كيفك + تمام الحمدلله وانت كيفك