٤ هرمونات مسؤوله عن حرق الدهون راح نتكلم عن هرمون لة دور كبير بحرق الدهون وخسارتها لازم تعرفها عشان تقدر تتعامل معها عمرك سويت رجيم وبديت تحس بجوع ومو قادر تسيطر على شهيتك ؟ تعال اخبرك السبب ١- هرمون الشبع اللبتين وهرمون الجوع الغريلين : اللبتين مسؤول عن تنبية عقلك عن التوقف عن الأكل والغريلين هرمون يفرز عند الاحساس بالجوع ‎هرمون الشبع الليبتين يتم إفرازه من الخلايا الدهنية بشكل رئيسي، أما هرمون الجوع الجريلين يتم إفرازه من المعدة بشكل رئيسي، ويتجه الهرمونان إلى ما تحت المهاد في الدماغ. لما تبدأ رجيم او دايت تنخفض مستويات هرمون الشبع الليبتين ممايحفز عقلك للمزيد من الطعام ( عرفتو ليه تحسون بجوع اول ماتبدأون دايت؟ ) وترتفع مستويات هرمون الغريلين عند تقليل كميات الطعام وعند خساره الوزن او عند ممارسة الرياضة ( يتأمرون عليك عشان تتراجع عن قرار الرجيم😂) كيف أقدر اسيطر عليهم ؟ ١- تجنب الأطعمة المسببة للالتهابات والطعام المكرر ٢- تناول البروتين واقطع السكر ٣- مارس الرياضة بأنتظام ٤- والأهم منهم كلهم النوم الجيد هو المتحكم الأول في الهرمونات نبدأ بثاني هرمون وهو الأنسولين : هو الهرمون المسؤول عن ايض الدهون والكارب وتحفيز امتصاص السكر من الدم ، لاكن زيادة هرمون الأنسولين في الدم يسبب مشاكل كثيره وأكبرها مقاومة الأنسولين والسمنة يعني هو هرمون كثيرر مهم نسيطر عليه عشان نقدر نخسر كميه الدهون المخزنه بالجسم 👌🏻 كيف أتحكم في مستوى الأنسولين ؟ ١- قطع السكر ( المسبب لأول للمشكلة ) ٢- قطع الكارب السيء وتناول الكارب الجيد ٣- تناول الدهون الصحية مثل أوميغا ٣ ٤- المشي يحسن من مستويات الأنسولين اليوم معنا الهرمون الثالث وهو الكرتزول هو الهرمون المسؤول عن الاجهاد والتوتر بالجسم ( يعني تعرضت للتوتر واجهاد وتعب يرتفع عندك الكرتزول ثم يرفع عندك مستويات الجوع ويؤدي للسمنة ) كيف اقلل من مستويات هرمون الكرتزول؟ ١- الاسترخاء والابتعاد عن الضغوطات ٢- النوم الجيد ( نوم الليل ) ٣- ممارسة اليوغا والتأمل والمشي ٤- التغذيه الجيدة ٥- تناول الطعام الغني بالبروبتيك ماتلاحط بعض الاحيان تكون ملتزم ١٠٠٪؜ رياضة واكل ومشي وكل شي صح ونزولك يكون بطىء او جسمك مو قاعد يستجيب للي تسويه ؟؟ خذ بعين الاعتبار ضغوطاتك سواء بالعمل او من الشغل او ام وعندك اولاد او مشاكل ، لازم نعرف نتعامل معها عشان نخفف ضغط وتوتر ومايرتفع هرمون الكرتزول عندك ٤- الغدة الدرقية الغدة الدرقيه من تفرز هرمون من أهم الهرمونات الي تأثر على تخزين الدهون بالجسم ولها وظائف كثيره منها ( ضربات القلب و معدل حرق السعرات وانتاج الحراره والهضم وغيرها ) اللي يأثر على معدل حرق الجسم هو القصور في الغدة الدرقية تأثر على حرق الجسم يعني اذا عندك قصور بالغده الدرقيه حرق جسمك بيقل ويصير تخزين الدهون اكثر الحل : ١- تلتزم بدوائك والجرعه المحدده من الثايروكسين من طبيبك اهم خطوة ( بعدها ماتاكل ع الاقل نص ساعه) ٢- نشاط رياضي متوسط الشده بيومك ضروري تزيد نشاطك عشان ترفع معدل الحرق ٣- تلتزم بنظام غذائي مناسب لحالتك ( ماينفع اي نظام غذائي عشوائي خصوصاً لو كنت تاكل اكثر من احتياجك بكثيرر , تحتاج سعراتك تكون مرتفعه شوي عشان يرتفع الحرق بجسمك ) ٤- نركز على الاكل الي فيه يود واوميغا٣ نبتعد تماماً عن الاكل المهدرج والمقلي والخرابيط ٥- نتقبل انو نزولنا بطيء مو مثل غيرنا بس ع الاقل بتحاول بالطريقه الصحيحة ✅ ٦- تمارين المقاومة وبناء العضل مهم عشان نرفع حرق الجسم