قناة الشاعر ساري الوايلي

قصيده بمناسبة قدوم شهر رمضان

ياهـــاتفي لاباس قـــول الحقايق
للي نشـد نشد عني وبالصدق قله

راعــي الجـــوال ماهـــو برايـــق
لا يقـــول متكـــبر ويلحقـــه زله

اغلقت جـوالي بصـدري حـــرايق
ماعنــدي لاحــد دين والحمــدلله

بيني وبين الحــظ مليون عــايق
والخـــل ماعــاده وفي عند خــله

وش لي معي منه ليا قلت ضايق
اخـــاف يتشمت وطيـــح بمـــذله

الشاعر/ ساري الوايلي

حدتني الدنــياء على شي مقـواه
لــكن بعون الله مابشـكي الــويل

لا تيئسي يانفس والصـــبر منجاه
بعد الضمى لابد تحيى مع السيل

الخدمه اللي ماتــجي غير بالجاه
لا بـــوه لا بو خدمته بارد الحيـل

لامن وصل صبري لحاجه ع اقصاه
باسوقهـــا قدام في زحمـة الليــل

في الذيب قال الليل ياحي مسراه
يقطع في الغدرا مســـافات بالميل

والنفس لا طـابت من الشي تغثــاه
ماتنتضر نفس الكفو يطفح الكيل

الشاعر/ساري الوايلي

لي صدر اوسع من اراضي حضرموت
بس الليــالي السود عيت تستـــحي

تحسبــني الدنياء من الضيـــقه بموت
يحرم عليـــش بدمع عيـــني تفرحي

بضحـــك ولو همي مثل كــبر البيوت
موتي بغيــضك يالعـــداوه وقـــرحي

اعرف من عيــونه ولو طال السكوت
من هو كـــفو واللي معـــانا مصلحي

واللي يوسوس بالراد من دون صوت
مكشــوف ســـره لا يقـــارب مطرحي

عن ماحدث من خلفـــنا ماشي يفوت
بـــتشك معنا جـــن او جـــاه الوحي

الشاعر/ ساري الوايلي

باقول حكمه ليس من وحي الخيال
عن جملة اصحابك عسى الله يسعدك

احسب عددهم في جهــات الاتصال
من كثــرهم عنــدك جهازك يحسدك

لكـــن ترا الخيـــبات مامنـــها مجال
بيخيب ضنــك في بعضــهم ووعدك

الشاعر / ساري الوايلي

اي والله اني كــل ماجيت بحـــكي
عن ما جــرالي من زمــاني وعانيت

تذكرت ماني لي على الناس يشكي
وفكرت في حـــلٍ ليا ضقت صديت

اروح وحدي من المخــاليق وبــكي
ابــكي تنفس ليس من ضعف بكيت

الدمع بعض احيــان للنفس وسـكي
يفجــر الاوجــاع مثل الديـــناميت

الشاعر / ساري الوايلي

ياللي عملكم تسعفون المصابين
ودوني الدكتــور ولا الممـــرض

غــادر بلا ســـبه ولا سدد الدين
يرد لي قلبي وعيني من القرض

العهد والميثاق لي بيـــننا البين
تبقى المحبه بيننا حكمها فرض

اخوك لو كــانه في العمر عامين
مــاودي انه من امــامك يعــرض

اني اغــار وغيـرتي تعمي العــين
تمنيت ماغيري وغيرك على الأرض

الشاعر/ ساري الوايلي