Respublika Baxshichilik San'ati Markazi

🇺🇿🇺🇿🇺🇿Hurmatli yurtdoshlar!

🇺🇿Bugun, 10-dekabr, xalqimizning g‘urur va iftixor ramzi, istiqlolimizning muqaddas timsoli bo‘lgan O‘zbekiston Respublikasi davlat madhiyasi qabul qilingan kunga 32 yil to‘ldi. Ushbu unutilmas sana har birimiz uchun ona Vatanimizni sevish, uning qadriyatlariga sodiq bo‘lish, milliy g‘urur va vatanparvarlik tuyg‘ularini yanada teran his qilish uchun ulkan ilhom manbai bo‘lib xizmat qiladi.

🇺🇿O‘zbekiston Respublikasi davlat madhiyasi 1992-yil 10-dekabrda tasdiqlangan bo‘lib, uning matni taniqli shoir Abdulla Oripov qalamiga mansub, musiqasi esa O‘zbekiston xalq artisti Mutal Burhonov tomonidan bastalangan. Ushbu madhiyada xalqimizning asriy orzulari, buyuk maqsadlari va ezgu intilishlari mujassam etilgan. Madhiyamiz Vatanimizning mustaqilligi, erki va farovonligi uchun fidokorona xizmat qilayotgan har bir yurtdoshimiz uchun ruhiy tayanch va ilhom manbai bo‘lib kelmoqda.

🇺🇿Davlat madhiyasi bizni yagona millat, kuchli xalq sifatida birlashtirib, butun dunyoga O‘zbekistonning o‘ziga xosligini, tarixi va madaniyati boyligini ifodalaydi. Madhiyamizni har safar tinglaganimizda qalblarimizda faxr va g‘urur hissi jo‘sh uradi, unga bo‘lgan hurmat va ehtirom har birimizning qalbimizda chuqur joylashgan.

🇺🇿Aziz yurtdoshlar! Sizlarni O‘zbekiston Respublikasi davlat madhiyasi qabul qilingan kun munosabati bilan samimiy qutlaymiz. Vatanimiz tinchligi, osmonimiz musaffoligi, xalqimizning baxt-saodati yo‘lida qo‘lni-qo‘lga berib, birgalikda ulkan marralarni zabt etishda davom etaylik. Yurtimizning madhiyasiga munosib farzandlar bo‘lish hammamizning yuksak mas’uliyatimizdir.

Hurmat bilan,
Respublika baxshichilik san’ati markazi

RBSM matbuot xizmati:
🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

Hurmatli vatandoshlar!

Sizlarni 8 dekabr – O‘zbekiston Respublikasi Konstitutsiyasi qabul qilingan kun munosabati bilan chin qalbimizdan tabriklaymiz!

Konstitutsiyamiz nafaqat davlat boshqaruvi tamoyillarini, balki har bir fuqaroning huquq va erkinliklarini, inson qadr-qimmatini yuksak qadrlashni kafolatlaydi. Unda belgilangan tinchlik, barqarorlik va ijtimoiy adolat tamoyillari mamlakatimizni bugungi kunda ham ishonchli rivojlanish yo‘lida olib bormoqda.

Konstitutsiya – davlatimizning mustahkam poydevori, xalqimizning erkinlik, tenglik va adolatga asoslangan hayot tarzi, siyosiy, iqtisodiy va ijtimoiy yutuqlarining kafolatidir. Ushbu tarixiy hujjat xalqimizning irodasi, umidlari va milliy qadriyatlarini o‘zida mujassam etgan. Konstitutsiya O‘zbekistonning mustaqil, suveren va demokratik davlat sifatidagi maqomini mustahkamlashda, fuqarolar huquq va erkinliklarini himoya qilishda hal qiluvchi o‘ringa ega.

Bugungi kunda mamlakatimizda amalga oshirilayotgan keng qamrovli islohotlar jarayonida Konstitutsiyaning hayotbaxsh qoidalari yangi bosqichga ko‘tarilmoqda. Yangi O‘zbekiston taraqqiyot strategiyasi doirasida huquqiy davlat va fuqarolik jamiyatini rivojlantirish, har bir fuqaroning manfaatlarini ta’minlash bo‘yicha olib borilayotgan ishlarda Konstitutsiyamizning roli beqiyosdir.

Bu ulug‘ ayyom barchamizga buyuk ajdodlarimiz qoldirgan merosni ardoqlash, kelajak avlodlar uchun yanada farovon hayot qurish yo‘lida mas’uliyatni his qilishga undaydi.

Yurtimiz tinch, osmonimiz musaffo bo‘lsin! Konstitutsiyamizning asosiy tamoyillari hayotimizda yanada kengroq amalda bo‘lishiga tilakdoshmiz.

Hurmat bilan,
Respublika baxshichilik san’ati markazi

RBSM matbuot xizmati:
🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

Bugun soat 15:00 da Respublika baxshichilik san'ati markazi direktori Umid Norboyev hamda direktori o‘rinbosi Zafar Temirovlar bilan "Online qabul" bo'ladi. Qabulda barcha soha vakillari o‘zlarining murojaat, taklif va shikoyatlari bilan ushbu google meet havolasi https://meet.google.com/hnm-ugxz-eki orqali kirib ishtirok etishlari mumkin bo'ladi.

Qabul grafigi:
Markaz bosh direktori U. Norboyev, direktori o'rinbosari Z. Temirov- 15:00-16:00

RBSM matbuot xizmati:
🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

🎤🎤🎤🎤

⚡️ “Doston ijrochiligi” kafedrasining “Baxshilar kuylaydi” nomli sinf konserti o‘tkazildi

🗣 Yunus Rajabiy nomidagi O‘zbek milliy musiqa san’ati instituti “Doston ijrochiligi kafedrasining “Baxshilar kuylaydi” nomli sinf konserti bo‘lib o‘tdi. Unda O‘zMMSI professor-o‘qituvchilari, institut talaba-yoshlari ishtirok etdi. Konsert dasturiga Oliy ta’lim, fan va innovatsiyalar vazirining Madaniyat va san’atni rivojlantirish bo‘yicha maslahatchisi, O‘zbekiston, Qoraqalpog‘iston, Boshqirdiston va Tatariston xalq artisti Jenisbek Piyazov tashrif buyurdi.

🎼 “Baxshilar kuylaydi” nomli sinf konsertida “Qoraqalpoq xalq na’malaridan popuri”, “Nama boshi”,“Bir yuz bir”, “Sabo galibsiz”, “Baxshiyona”, “Alpomish”, “Qoraqalpoq qizlari”, “Sayra Dutor”, “Ozod qil”, “Aytishuv”, “Qardosh xalq qo’shiqlaridan popuri”, “Alpomish”, “Yori Garakdur”, “Oshiq G‘arib va Shoxsanam” kabi xalq kuyi, dostonlardan parchalar ijro etildi va tomoshabinlar olqishiga sazovor bo‘ldi.

RBSM matbuot xizmati:
🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

Diqqat e'lon!!!

📣 Respublika baxshichilik san'ati markazi direktori Umid Norboyev hamda direktori o‘rinbosi Zafar Temirovlar bilan joriy yilning 6-dekabr kuni soat 15:00 da baxshichilik san’ati sohasi vakillari bilan "Onlayn qabul" o‘tkazilishi rejalashtirilgan.

Ushbu qabulda barcha soha vakillari o‘zlarining murojaat, taklif va shikoyatlari bilan ishtirok etishlari mumkin.

📲 Murojaat va savollaringizni ushbu formada yozib qoldirishingiz mumkin: https://forms.gle/GBdT8eRqX5BgKy3n7

📞 +998940088823, +998976345757

RBSM matbuot xizmati:
🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

"QIRQ-QIZ" Ansambl a'zolarining ijod namunalaridan parcha

RBSM matbuot xizmati:
🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

⚡️⚡️⚡️Baxshichilik san'atining boy an'analarini yanada rivojlantirish maqsadida, Respublika baxshichilik san'ati markazi qoshida – "Qirq Qiz" nomli ansambli tashkil etildi. Ushbu ansambl Qoraqalpog'iston baxshi qizlaridan iborat bo'lib, hozirda uning tarkibida 8 nafar iste'dodli ijodkor qizlar faoliyat olib bormoqda.

⚡️Ansambl nomi Qoraqalpoq xalq dostonlarining eng mashhurlaridan biri bo‘lgan “Qirq Qiz” epik asariga ishora qiladi. Ushbu nom qadimiy epik an’analarni va baxshichilik madaniyatining avloddan-avlodga o‘tuvchi mustahkam qadriyatlarini ifoda etadi. "Qirq Qiz" ansamblining asosiy maqsadi - baxshichilik san'ati orqali xalqning boy madaniy merosini keng targ‘ib qilish, yosh avlodni baxshichilik san’atiga qiziqtirish va ushbu sohada yangi ijodkorlarni yetishtirishdir.

⚡️Ansambl faoliyatining asosiy yo‘nalishlari:
Xalq dostonlarni ijro etish
Ansambl a’zolari Qoraqalpoq xalqining mumtoz dostonlari, shuningdek, boshqa turkiy xalqlar dostonlarini ijro etish orqali baxshichilik san'atining boyligini namoyish etadi.

🔥Folklor merosini asrab-avaylash
Qoraqalpog'istonning xalq og'zaki ijodi, an'anaviy kuy va qo'shiqlarini saqlash va keng ommaga yetkazishga e'tibor qaratiladi.

🔥Xalqaro va mahalliy madaniy tadbirlarda ishtirok etish
Ansambl a'zolari turli konsertlar, festivallar va xalqaro anjumanlarda qatnashib, baxshichilik san'ati orqali O‘zbekistonning boy madaniy merosini dunyoga tanishtiradi.

Bolalar musiqa va san'at maktablaridagi baxshichilik sinf to'garaklarida ta'lim olayotgan yosh baxshi qizlarni qo‘llab-quvvatlash, ularning mahoratini oshirish hamda baxshichilik san’atining ta'lim tizimidagi o‘rni va ahamiyatini mustahkamlash maqsadida maxsus mahorat darslari tashkil etiladi.

⚡️"Qirq Qiz" ansamblining kelajakdagi rejalari:
Respublika miqyosidagi tanlov va musobaqalarda faol ishtirok etish.
Audiovizual mahsulotlar yaratish: Ansambl ijrosidagi dostonlarni audio va video shakllarda yozib, xalq orasida tarqatish.
O‘ziga xos sahna namoyishlari: Baxshichilik san’atini sahna san’ati bilan uyg‘unlashtirib, teatrlashtirilgan dasturlar tayyorlash.

🔥"Qirq Qiz" ansambli tashkil etilishi bilan baxshichilik san'atining rivojlanishida yangi sahifa ochildi. Ushbu jamoa milliy merosimizni saqlash va rivojlantirish yo‘lida nafaqat mahalliy, balki xalqaro miqyosda ham katta yutuqlarga erishishi kutilmoqda.

Respublika Bakhshichilik San'ati Markazi ushbu tashabbus orqali baxshichilik san’atining qizlar o‘rtasida ham rivojlanib, yangi qirralar bilan boyishini qo‘llab-quvvatlaydi.⚡️⚡️⚡️

RBSM matbuot xizmati:
🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube