كيف تطلبين مني اسامح شخص ظلمني وغلط علي وتحرش فيني واقول له (احبك) ؟؟؟ اغلب اللي انصحهم بتنقينة {تنظيف الداتا} تكون ردة فعلهم كذا، وانا ما الومكم، راح احاول ابسط لكم كيف يشتغل هذا الشئ في البُعد الغير مرئي. مثلاً لو فتاة ولدت في اسره والدها سيئ، ويمارس معها انواع الظلم أياً كان، الشعور اللي انخلق جواتها هو شعور يحمل تردد، غالباً مشاعر (الخوف او الغضب ) هذا الشعور يبدأ يبث في محيطها نفس هذا التردد فتجذب لنفسها شخص طاقته شبيه بطاقة والدها. فنسمع كثير عن بنات كانو يعانون في اسرهم من اخ او اب ..الخ وتبي تهرب بالزواج فتطيح بزوج اشد من اهلها. لان الشعور اللي بداخلها لس ما تنظف جالس يبعث نفس التردد ويجلب لها نفس النوعيات. او رجل دخل علاقه مع بنت وكان سعيد فجأة البنت اعطته دروس مؤلمه اوجدت داخله مشاعر متعبه وبقي بعدها سنوات كلما يتعرف ع بنت يلاقيها اسوأ من اللي قبل ثم يقول كل البنات مصلحجيات ونصابات!! وقيسوها ع باقي جوانب حياتكم، المال،المدير بالعمل، الخادمه، الأبناء...الخ الحل انك تمسك اول موقف حصل معك، ولو اكثر من موقف عادي امسكوه وسوو معه تنظيف داتا، حرروا هالطاقة من داخلكم ساعدوا هالشعور يطلع. راح تلاحظون لو استرخيتوا انه متواجد بمكان معين مثلا:ً البعض يشعر فيه بالصدر والبعض بالراس والبعض بالبطن، اثناء التنفس دلكوه وخلوه يطلع، كلما كان الحدث قديم يعني مترسب ويحتاج وقت اعطوه وقته وحرروه عشان تحررون هالنسخه من داخلكم وماعاد تجذبون شي يشبهها. حاولت اني ابسط الفكرة وتأكدوا ان التنظيف يشتغل ع امور اعمق بالاواعي يصعب شرحها لكنها بالاخير تصب في مصلحتك انت. عشان كذا نشوف القرآن اوصانا كثير بالعفو والصفح والتسامح لانه يفيدك انت اكثر من غيرك. شكراً لكم 💜 #venusast