❤️ کجایید ای شهیدان خدایی ..
تقدیم به شهیدان مرزبان این روزهای وطن
ایگید اوغلانلاریمیزا، شهید جاوانلاریمیزا
اورک دولوسو غمله...
اورهیینده غرورلو بیر سئودا،
اوجا داغلار باشیندا قارسان سن!
یاغمورا بنزهییر سنین سوی آدین،
ائله تاریخ بویو یاغارسان سن!
گئتدیگین یوللاری اوغورلو دییه،
هر سحر دان سنه باخار سوکولور،
آشدیغین داغلارا غریبه دئییل،
داغلارین کونلونو آپارسان سن،!
یوخسان آما آدین هله یاشاییر
قلبلرده، بوتون اورهکلرده؛
حیات اوزره سما قدر ماوی،
ماویجه سونسور انتظارسان سن!
عشق بیر معنیده شهادت دیر،
یئر اوزونده آخان سولارجا دورو
اینانیلماز قدر شجاعت دیر،
اینانیلماز قدر ووقارسان سن!
عشق تام معنیده شهادت دیر
بونو بیز سنله آنلادیق، دویدوق؛
سن اولومسیز چیچکلی بیر باغسان
فصللردن، یاشیل باهارسان سن
دویدوق آما باشین کسیلمیشدی،
تورپاغا آل قانین توکولموشدو،
کربلا حسرتین خاطیرلاماغا
عصرلردیر کی یادگارسان سن
سانمایین تانرینین یولوندا وئرن
جانینی بیر«اؤلو»، کی «اؤلمزدیر»
عشقه دالمیش شرابینی ایچمیش،
او دور آرتیق بئله خمارسان سن
سینیرین داغلارینداسان حالا،
بیر قاریش تورپاغین دا یوخدورسا
سن کونوللرده...، سن کونوللرده،
انتظار بویدا بیر مزارسان سن
اورهیینده غرولو بیر سئودا،
اللرینده یاشیل باهار ایندی
وطن اوغلو، وطن گؤزتچیسیسن،
اولمهییبسن همیشه وارسان سن.
✍ #وحیدطلعت@arturmia