(
آتا )
گوز آچیب دنیایا گلندن بری
وطنیمی شانلی اءلین سؤمیشم
آتامین آنیندان آخان قان تری
یورولمویان قابار ألین سؤمیشم
آتادیر کونلومون سونمز اوجاقی
حیات بویو عایله نین دایاقی
غم غصه نین صبرین اولوب چاناقی
زمانه آغاردان تءلین سؤمیشم
نادان اوغول بیلمز
آتا حورمتین
سیندیرار هیبتین بوکر قامتین
آتاسیزلار بیلر
آتا قیمتین
آتامین ایلقارین یولون سؤمیشم
آتاسین اونوتماز هءچ زامان"باریش"
باشینی آلسادا چن دومان "باریش"
قامتی اولسادا بیر کمان "باریش"
مهربان باخیشین دیلین سؤمیشم
اکبر حبیبی"باریش"
اورمو
🙏#ولادت_حضرت_علی_ع#پدر#آتاکانال فرهنگی و هنری آرت اورمیا
👇👇@arturmia