2.مؤسسة منبريون لنشر القصائد🧿

#لاحول ولاقوة الا بالله العلي العظيم
#انا لله وانا اليه راجعون
#تنعى مؤسسة منبريون الحسينية فقيدها
الرادود الشيخ عز الدين الشيخ علي شيخ عشائر الدبات في كربلاء المقدسة
#اخوية الغالي شفيعك الحسين ع
#الفاتحة يرحمكم الله

انا لله وانا اليه راجعون

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

#الليالي_الفاطمية

خفت اعلدمعي لا اخسره
هذا الزمان احواله مرّه
خايف تمرني الفاطمية
وما لابس اسود على الزهره

ليخف حملهن والثگيلات
كلهن بلايا الدنيا هينات
واصعب بلاء لو ذكرو الباب
لاگلبي ينهز لاكو دمعات

كل البلايا هينه..ما دام اكو دموع
ما دامه گلبي ينهم..يم كسرة الضلوع
اقنع بكلشي اقنع..وبحزني مو قنوع

ودمعاتي لضلعج ميزان
الما باجي لفاطم خسران
_
اسئل شنو البجاها اسئل
عين الزجية ليش تذبل
من تعرف شبجة الوديعه
عيش العمر للزهره مقتل

كل فاطمي وكل فاطمية
لازم يعيش الحب اذيه
ما ضاگت الراحه بعمرها
جي تشبة الزهره رقية

ليلة الجمعه سافر..وي رحلة الجروح
في كربلاء وحيده..ام الحسن تنوح
ابجي لبجيها ابجي..وخل موتك الطموح

المقتول بدمعج ربحان
الما باجي لفاطم خسران
_
حاول تحب بصدك حاول
واطلب  دمع من جود كافل
جي عين للزهره للحزينة
بعيونه سهمه ابوفاضل

ابلا جفه بس تارس ادينه
كافل على الزهره بجينة
وفاطمة من تحضر عزيه
بجفه تجي وتمسح علينه

تحرس خدمهه فاطم..بحامي خيم صريع
جوه العباية جابت..جف هاشمي قطيع
بجف كافل المخيم..تمسح على الجميع

وجفينه جفوف الرحمّن
الما باجي لفاطم خسران
_
يا گلبي من عدهم اتشكر
كلما مسحت بخشب منبر
بعز العمه وعز ضيعة الناس
الزهره مختارني احضر

بيا فاطمة شكد ناس راحت
بيا فاطمة شكد ناس طاحت
وما شطبت اسمي من سجلها
مولاتي بسمي اعليه صاحت

بنفس العزه التحضره..صرت احضر العزاء
الزهره باسمي نادت..وأاذنتلي بالبكاء
مره ابجي يم ضلعها..ومره ابجي كربلاء

من بابج للطف نيران
الما باجي لفاطم خسران
__

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

نزله الزهراء


آه آه يافاطمه
آه آه يافاطمه

١
اليصبح بالعشگ عالم
لازم خادم ولاطم
وكون امكسر اضلوعه
بمجلس واحد الفاطم
آه آه يافاطمه
آه آه يافاطمه
٢

اليهوه أم الحسن بجنون
لازم بالعشگ مفتون
وشرط من البچي ذايب
كون وعامي ألها عيون
آه آه يافاطمه
آه آه يافاطمه
٣

لازم بالعهد كاتب
ذايب بالعشگ ذايب
ألها من الزغر مجنون
وحتى لو صرت شايب
آه آه يافاطمه
آه آه يافاطمه
٤

ارخص ألها كل وني
ومايبطل أبد حزني
من طگ الضلع بالباب
ضلع أم الحسن محني
آه آه يافاطمه
آه آه يافاطمه
٥

عرش الله انفجع بيها
وحزنانه السمه اعليها
ايبيع الدنيا كل خادم
حتى الزهره يشريها
آه آه يافاطمه
آه آه يافاطمه
٦

الوسم باللطم صدره
ألها وفاني كل عمره
تحضر بالگبر باچر
وتشفع فاطمه الزهره
آه آه يافاطمه
آه آه يافاطمه





لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

گعدية الزهراء


الزهره هالليله تون خلوها
بين باب وحايط ايعصروها
ترضه ياحامي الحمه
ايصير هيچ بفاطمه
بين باب وحايط ايعصروها

1

ياعلي من جبل صبرك وعالوديعه انهدم حيلك
انته حماي الحميه وجدمك اتعذر يشيلك
بدت اهوال المصايب من رحل عنك خليلك
لو ما الوصيه بذمتك
محد گرب يم بضعتك
وهسه تون بنومتك
ياعلي شيخلصه ليلك

يلي صبرك من جبل ما اقتنع
الزهره گدامك ومكسورة ضلع

تنحب و متألمه
ايصير هيچ بفاطمه
بين باب وحايط ايعصروها

2
فاطمه يدرون بيها محور الدنيه وقطبها
وزين يدرون بمحمد اشكثر للزهره يحبها
الله يرضه الرضه الزهره ويغضب الباري الغضبها

من هجمو وطاحت تون
وابلا رحم طاح الابن
بعد الهضم بعد الحزن
المن اتوجه عتبها

فاطمه اعله الزمن چان اعتابها
الخله ياهو الچان يوصل بابها

نسأل املاك السمه
ايصير هيچ بفاطمه
بين باب وحايط ايعصروها
3

النبي چان بعظم شانه الباب من يوصل يدگها
وشوف لمن اجه الثاني البابها بنار وحرگها
وتدري بالاول اشسوه من اجت تطلب فدكها

اتگله فدك بس مطلبي
وتدري هديه من النبي
تعرف الاول ناصبي
عيني عينك سلب حگها

ما كفاهم فدك من اخذوها
الثاني والاول تون خلوها

طاحت وتنزف دمه
ايصير هيچ بفاطمه
بين باب وحايط ايعصروها

4

هاذي افعال الصحابه الايدهم لا مو نظيفه
دفعو الباب اعله فاطم بمر من رب السقيفه
من اجل ميصير حيدر عالمله ويصبح خليفه

عطلو قانون السمه
بهجمه عنيفه وأثمه
كل ضنهم اتذل فاطمه
وتخضع الحره العفيفه

بكل ورعها دافعت عن الولي
عالضلع داست وماعافت علي

الگوم چانت ظالمه
ايصير هيچ بفاطمه
بين باب وحايط ايعصروها

5

الزهره ريحانت محمد انهضمت بأول عمرها
ليش هيچ ايصير بيها انظلمت وهيه بزغرها
تنعصر بالباب وسفه الله يلعن من عصرها

بالباب عصروها غصب
وطاح الجنين بيا ذنب
ماتت الزهره وتنتحب
واختفه اعلينه گبرها

ننتظر وانعجل المهدينه
عالگبر من يظهر ايدلينه

نسئله بهل موزمه
ايصير هيچ بفاطمه
بين باب وحايط ايعصروها

6

المصيبه

الليله بجروح المصيبه ننحب بدمع النواظر
الليله ريحانت الهادي رحلت وتكسر الخاطر
الليله بالمجلس الليله نشعر احنه المهدي حاضر

ويانه ينحب عالضلع
عالزهره ويصب الدمع
هالليله گلبه منفجع
يحضر بكل المجالس يحضر وينحب وصابر





لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

قصيدة الزهراء (ع)



بدمع يمطر دمه
تنادي فاطمه
سگط محسن عالعتاب
اثر من دفعت الباب
تنادي فاطمه
١

تحچي فاطم والگلب شاجر لهيبه
شلون مرت بيها لحظات العصيبه
اني بت اشرف نبي واني الحبيبه
للرسول وطايحه بهاي المصيبه

على الباب اندفع
ويكسرولي الضلع

يويلي كل الاسباب
اثر من دفعت الباب
تنادي فاطمه
٢

تبچي ساعات الحزن ويهل دمعها
شلون طاح المحسن وتشرح وضعها
بين باب وحايط الطاغي دفعها
نبت بسمار بصدرها وطگ ضلعها

بجمر نار الحزن
على المحسن تون

عليها دخلو أجناب
اثر من دفعت الباب
تنادي فاطمه
٣

بين دفعت بابها وطيحت ولدها
نزلت ابلايه رحم سطره اعله خدها
الزهره من وگعت أبد محد سندها
طاحت اعله الارض ياسفه وحدها

على الباب الصبر
اخذ منها العمر

بگلبها ونار المصاب
اثر من دفعت الباب
تنادي فاطمه
٤

احتارت ابين المصاب المر عليها
وبين محسن من وگع مابين اديها
اتخاف من حيدر لون يحضر وليها
ويعرف اعله الزهره شنو الصار بيها

تخاف اعله الولي
اذا يزعل علي

علي يگلبها ابو اتراب
اثر من دفعت الباب
تنادي فاطمه
٥

سكتت ودمع الصبر ذاب بجفنها
وهيه تنظر عالجره ومابطل ونها
الگوم رادو فاطمه تدفع ثمنها
انعصرت ابلايه رحم هيه وابنها

بعد ذاك العصر
يون المنكسر

ضلعها بالعصر ذاب
اثر من دفعت الباب
تنادي فاطمه



لاتنسون والدي ووالدتي وابني عباس من الرحمه والغفران
خادمكم رياض الرسل الجابري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

ذكرى استشهاد الزهراء ع


     عالوعد       والعهد
نحي الليالي الفاطميه جينه
©©©©
ابثوبي الاسود وبدموعي وهذا حالي
احظـــر المجلس اجيت وراسي عالي
والله اعــــــوف الدنيه كلها وما ابالي
اولا اعـــوفن ليله مـــن هاي الليــالي
   عهدي أنه    ابكل سنه
نحي الليالي الفاطميه جينه
©©©©

هالمجــالس هيه عشـي وهيه بيتي
وهالمـــنابر هيه المكبـــرتلي صيتي
خادم الزهـــــراء مكتــوب ابهويتي
وابقـــه انعاهه لحد ســـاعة منيتي
     بمدمعي      والنعي 
نحي الليالي الفاطميه جينه
©©©©

لو قره الناعي وذكــــر كسرت ظلعها
عيــــني من دم يبقه يتفايض دمعها
الزهره ورده اومو شريف ألي گطعها
دين ماعنــــــــــده الضربها والدفعها
   اتحزمت    حشمت
نحي الليالي الفاطميه جينه
©©©©

اهواي عــــدوان الزچيه وقله الاحباب
وگعو منها الجنـــــين ابعصـــرت الباب
ابيا ذنب ضربو متنهه وشنهو الاسباب؟
اليدعون اصــحاب هسه انگلبو اذياب
      بالهظم    والطم
نحي الليالي الفاطميه جينه
©©©©

شكبر بختي وصــرت خادم للزچيه
وربحي بالدنيه الولايه الحيــــدريه
ناجح ابحب الزچيه وخــــذت ميه
حيل ادگ صدري عليها ابهل مسيه
    ابهل ذكر     نستمر
نحي الليالي الفاطميه جينه
©©©©

ريت هاي اليله وي حامي الحميه
انشـــارك ابتشيعها وننصب عزيه
فايز اليحـــــــيي اليالي الفاطميه
ترضه عنه فاطمه وسيد البريه

انضل خدم    بالالــم
نحي الليالي الفاطميه جينه
©©©©
     الخادم
كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
بسك يالفحل. موخدك ذبل. كف عن البچي اشويه
ارحم حالتك. خفف ونتـك. گمــــت اسمعها ليليه
يابويه راسك شاب ---- جرح الفرگه ماطاب
                    ***
سهرانه طـــول اليل عذبني ونينك
والدمعه ياكرار مرسومه اعله عينك
بفراك أمي هل يوم بس الله اليعينك
حتى اكثر امن النوك للزهره حنينك

يا حامي الحمه.  دارك مظلمه.  نور أم الحسن طافي
الغايب مايرد.  ذبلان الورد.  ملينه الحزن كافي
كلبك يحيدر ذاب ----- جرح الفركه ماطاب
                   ****
صوت الزهره ناداك خلف الباب اسمعه
يا حيدر البسمار من اضلوعي طلعه
طاح المحسن ومات مالحكت اودعه
سل فقارك اوكوم عني الشر ادفعه

اتناديك اوتون.  أنه أم الحزن.  ياراعي المدد مدني
ونته اتعذرت.  من عدهه وكلت.  عنج طه كيدني
عذب دليلي الباب ---- جرح الفركه ماطاب
                 *
صبرني بويه اوياك وصبر عالمصيبه
يجرحني صوتك حيل من اسمع نحيبه
گلبك ادري شب نار ما يبرد لهيبه
ودري المحب يحتار لو ودع حبيبه

جم غالي الرحل.  يوم اوداعه حل.  تلسع جمرة امصابه
ليل الوحشه مر. گضيه بالصبر.  وجرع لوعة اغيابه
نور ام الحسن غاب---- جرح الفركه ماطاب
*
ما جاوز العشرين يابويه عمرهه
ميتهه اوياهه ياريت وتحطني ابكترهه
محرومه صار ايام ما اشتم عطرهه
يابويه اخذني اوياك دليني ابگبرهه

خل نگعد سوه - دلالي انچوه - وزادت لوعة اجروحي
هسه اني ابحلم- ماادري ابعلم - فگد الزهره حز روحي
عذب گلبي الامصاب ---- جرح الفرگه ماطاب
****
هون عليه آلام فگد امي الزچيه
باچر وراي امصاب برض الغاظريه
باچر اشوف حسين جثه اعله الوطيه
ولچم گلبك اهواي من اطلع سبيه

باچر بالغرب- بنتك تنظرب - وصحاب الشيم نومه
آه امن الزمن- راواني المحن- من زغري انه ملچومه
دلالي بويه انصاب ---- جرح الفرگه ماطاب
***

     الخادم
كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
مقدمه للزهراء ع

ظلعچ يم الحسن
نبچيله ابكل زمن
سلاماً سلاماً    سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً    سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً    سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً    سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً    سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً    سلاماً عالظلع
©©©©©©©©©©

الخادم
كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

#نزال_

فاطـمي فاطـمي للابـد
فاطمي فاطمي عالعهد
****

بالمجالس ـ ابقه عابس ـ وفختــــر خادم عشت
أقرء وخدم ـ ونعه ولطم ـ بالســـواد اتوشـحت
راسي عالي- الهل ليالي- والله كل عمري انذرت

امحـــزم ابهاي المجالس للأبد
ما اعوفنها وحـــق واحـد احد
هالشعائر عندي ألذ إمن الشهد
ألها نذرتني الحنينه امن المهد

ملتــزم ملتـــزم بالوعد
فاطمي فاطمي عالعهد
****
يالزجــيه ـ كلشي بيه ـ ملكچ وعبـدچ صرت
من البدايه ـ وللنهايه ـ ابهل وضيفه اتشرفت
اخدملكم ــ وكتبــلكم ــ صيــت ابـد مادورت

همي بس ترضـين عني ابدنيتي
يالسبب صرتي برفعتي وهيبتي
يالزچــــــــيه انتي ادره ابغايتي
ما ادور شــي مقابل خدمـــــتي

خدمتچ خدمتچ چن شهد
فاطمـي فاطمـي عالعـــهد
****
حبچ آيه ـ وبي هدايه ـ يخـتلف عن كل عشگ
مو حكايه ـ اولاروايه ـ يحمل اخلاص وصدگ
يالوفيـــه ـ ابهل عـــزيه ـ هامه اطبـرلچ وشگ

ســــجلي يم حســــين يمج لهفتي
ولطمتي وعزمي وحسرتي وعبرتي
اركض اعله المجلس آني ودمـعتي
وركضت اطويريج صـارت ركضتي

والگلب والگلب ما برد
فاطمي فاطمي عالعهد
*

هذا دوري ـ ابكل شـــعوري ـ لازم اتهدل وون
يالكسـيره ـ يالنـــــذيره ـ عسعس اليل ابحزن
انتي دمنه ـ وانتي امنه ـ وانتي للخادم وطن

انتي رايـه ارتفعت ابچـف الخــدم
رابــــح اليهـــواچ واللـه وما نـــدم
ابلا مجالس هالخـــدم تصبح عدم
نزحفلها ازحوف موش اعله الجدم

هالقسم هالقسم والصمد
فاطـمي فاطـمي عالعـهد
***

مانعوفچ ـ يالنشوفچ ـ بالسمه اهلال وشمس
من وفائچ - من ابائچ - شيعتج تاخذ درس
فاطميه - هاشميه - حبج اغلى امن النفس

احـــنه مـــن دونچ نضل ابلا هوه
انتي فضـــلچ عالجرح مثل الدوه
انتي آيات الحــــــــمد والقل هوه
ابلا وجودج كلشي يبقه ابلا ضوه

والعشگ والعشگ ماله حد
فاطـــمي فاطـــمي عالعهد
***

     الخادم
كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

لِفاطمه وأبيها
وبعلُها وبنيها
      الله خالقنه خدم…….

الله خالقــــنه خــــــــدم لترابهم
انجعلو انه احباب وحنه حبابهم
يمته نتــــعنه ونقبل اعتـــــابهم
ونخــــدم ونكنس ابعتبت بابهم
هذهِ آمالُنا نَحكيها…. 


الفاطمه احنه اعيونه انبچيهه
وهل مجالس نحضر ونحييهه
والله هل خدمه انتشرف بيهه
وبالدمــــاء وبالنفـس نشـريهه
ولها ارواحنُا نفديها.…..


شرف هاي الشـيعه ربك زادهه
بخدمة الزهره وعلي واولادهه
همه للدنـــيه العمد وســيادهه
وثورة حسين اصبحو قوادهه
ولهُم دمعاتُنا نبكيها..... 


هل مجالس نعمه من رب المله
جعل بيهه اعظم مكانه ومنزله
يوم فاطـــــم بالحزن نستقبله
وبالمجالس والدمـــوع السايله
نَنّصِبُ المأتَمَ كي نُرثيها..... 


يلي تلطم لم حسن ومصابهه
الجنه تفتحلك جميع ابوابهه
وحـق تربت فاطمه ومحرابه
اتفوز باجر بالجــنان احبابهه
ومِنَ الحوضِ غداً تسقيها…... 

✍كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

#مقدمه_للزهراء

طب للبيت ـ شاف البيت ـ خالي من فاطمه


يطب الدارها ويخــــــتنگ بالوحشه
علي ملچـــوم فارگ ضحكت القبشه
يشوف حسين بيده افراشها ايفرشه
ويحس ابگلبه نار اومنگـــطع هرشه

وين ايروح ـ كلها اتنوح ـ حتى الارض والسمه
**

گطـعو مــنه ورده وذبل بســـــتانه
مــر بيه الخــريف ويبست اقصانه
يطــــب للـدار يلگـه الدار حـــزنانه
على الزهره نحيل اوروحه خلصانه

كل اغروب ــ گلبه ايذوب ــ مجروح حامي الحمه
****

بالتغســـيل شــاف الما امســـــولفته
زعل بس الوصــــــــــيه ابهاي لازمته
شاف السطره البخدها وبچه ابسكته
العقيله اتموت كون ينــــوح سامعته

بالتغسيل ـ باد الحيل ـ ودنيا صفت مظلمه
****

علي اتعـــذب دليله ابفرگت الزهره
كلشي اضلم عليه من ماتت الگمره
مـن يذكـر ظلعها ويذكـر الصــطره
تهيـج اجروحه كلها ويختنگ عبره

صابه البين ـ بم احسين ـ وسهم البعد المه
****

يگعــــــد يم گبــــرها وينحب وينعه
موضلع الزچيه ألي انكســــــر ضلعه
يكـــابر عالالم گوه ابجــفه البضـــعه
تبچي وتوگف اعله ادموعهه الشمعه

ابگلبه النار ــ فكره احتار ــ من المدامع عمه
***

      الخادم
كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

يمه يالزهـر ابدمـع    خلصت ايامي
فگدچ وكسر الظلع    هيـــچ آلامـي
                     يمه يمه

**
روحــي ورده وذبلت كثر الهجــــر
مـن حنانــچ يمه اسگيـــني عمـــر
خيـــــم اعليــه الحزن مــن الزغـر
خاف يخلص يمه من عندي الصبر

چنت اشوفنچ وطن    يمه گدامي
فگــدچ وكسر الظلع    هيج آلامي
                    يمه يمه
    **

يالخذيتي اوياچ واهس ضحكتي
يمه بعــــــدچ مالي ذوق ابدنيتي
ابچــــي طـول اليل وتهل دمعتي
وعلى فگـــــدچ حيل زادت ونتي

يمه والله الشوفتچ    هالگب ضامي
فگدچ وكسـر الظلع    هيـــج آلامـي
                      يمه يمه
**

نار بابـــــچ تسـعر ابنص الگلـــب
يمه وغيـــــــابچ امر كلش صعب
صـرت مثل العايشه ابديرة غرب
لوذكرتچ دمعي دم عالخـد يصب

عيني من كثر الدمع    چن جرح دامي
فگــدچ وكسر الظلع    هيــــچ آلامــي
                       يمه يمه
**

يمه دارچ ضلمه من يوم الســفر
حايطــچ يا يمه وي گلبي انفطر
ليلي مانتمته وخلص بعدچ سهر
ونته ميته ونايمه ابحضـن الگبر

اويـاچ يـمه بالگـبر     دفنو احلامي
فگدچ وكسر الظلع     هيــج آلامـي
                      يمه يمه
**

     الخادم
كامل السعيدي

.

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
وين عباس .. الشايل ابسيفه المنيه
وين عباس .. يحضر الزهره الزچيه
يوگف وگفته وكلهه يخلسهه
والزهــره محد يگدر ايمسهه
*----*

موقصــور ابوالده ... لچن طـه القـــيده
وگله اصـبر يا علي ولتسل فقـارك
گلـه لاتعلن حــرب .. لون فاطـم تنضرب
وخلي عنوان السلم يصبح شعارك
يا بوفاضل يا شهم .. منك اتخـاف الزلم
كون حاضـر سيــفك ايثبت قرارك
وچان مايسلم نذل .. والزلم تخلص قتل
ونته تتبختر عليـــهم بنتصـــــارك

يابو الزود   خزرت اعيونك مخيفه
يابو الزود   منــك ايخـاف الخليفه
رايتــــهم ابزودك تنكســـهه
والزهره محد يكدر ايمسهه
*----*

كون موجود الگمر ... چا صلب چثت عمر
وچا طعـم للســـيف خله الروس كلهه
ياهو يدنه الفاطمه .. ويمهه راعي الموزمه
چان دگ لم الحسن صـــدره وكفلهه
كله غيره ومرجله ... وزعل حيـــدر شايله
مـن تحشــــمه يگلب الدنـــيه لجلهه
منه من تطلب مـدد ... يظل يزئر چـن اسد
غيـــر كلمة صــــار فاطــم ما يگلهه

لو موجود   چـان ما كســرو ظلعهه
لو موجود   ايصير خيمتهه ودرعهه
محميـه تبقه وهوه يحرسهه
والزهره محد يگـدر ايمسهه
*----*

صارمه ايشكل خطر ... بيــهم ايتيه المفـر
مثل ضربت والده حيــدر ضربته
اسمه سبع الگنطره ... الغيــره نار اموجـره
اليـدنه يم البـاب ما تســـلم رگبته
سيف باشـط خزرته ... ياهو اليصد حملته
ريح صرصر بالحرب تصبح فزعته
لو تخوصر وستعد .. ايضيع مشراده الشرد
ياهو يگدر يوصله وسيفه ابيمنته

راعي الجود   كلــهم ايهابون زوده
راعي الجود   الفاطمه يقدم زنوده
فگر العســاكر لوطلع حسهه
والزهره محد يگدر ايمسهه
*----*

يفزع ابوكت الشدد .. چن علي بوقعة احد
اثنينهن نفس العزم صوته اويه سيفه
لو هتف چن عاصفه .. يعجز الي ايوصفه
وارث امن المرتضى افعــاله المخيفه
نار يصــبح لوزعل .. ابوگفته ايمثل الفحل
حدر جدمه ايدوس اصحاب السقيفه
الحاول ايمس فاطمه .. ماسلم من صارمه
عالنواصب يشـــن ضــرباته العنيــفه

يوگف سور   والعمــر ألـهه يبيـــعه
يوگف سور   من اجل امه الوديعه
الحرب عيده وهوه فارسهه
والزهره محد يگدر ايمسهه
*----*

چان ارض الله ارتوت .. من دمهاهم ونطوت
وچا خسفهه ابچشــهم راعي الشهامه
اوصـيه ماعنده ابـد ... اجيوشهم تصـبح بدد
الدنـيه تتراجف تضل لو كض حسامه
فاطمه وبيه انتخت .... والشــوارب رفرفـت
لجـل نخــوة فاطمه اتقــوم القيــامه
يضل يتراعد غضب .. ويرد حگهه الي انغصب
وبسـجل تاريخــهم يتــرك عـــــلامه

يمطر نار   من يشن عباس غـاره
يمطر نار   ونعـم شــبل الغيــاره
افنون الحرايب كلهه دارسهه
والزهـره محد يگــدر ايمسهه
*----*

       الخادم
   كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

قصيدة الاستشهاد فاطمه الزهراء ع…


يازهراء  عشتي العمر مظلومه
يازهراء  من محسنچ محرومه
                           
المحسنچ ونيتي -- ابطيحته اتأذيتي -- نون وياچ
ماتجف دمعاتنه -- نندب ابعبراتنه -- ما نسيناچ
ظلمه صارت دارچ -- فارگت انوارچ -- صعب فرگاچ
يلي عشتي ابلوعه -- امن الظلم موجعه -- نبقه ننعاچ
          يم حسـين كل شيعتچ ملچومه
          يازهـــراء عشتي العمر مظلومه
                     
ضلعچ امن اتكسر -- علي ضل يتحسر -- والفكر تاه
يمسح ابدمعاتچ -- يون وي وناتچ -- عاش بل آه
حيدر ابكل ليله -- فگدچ ايهد حيله -- وداعچ اذاه
زاد لجلك نوحه -- انتي شمعت روحه -- ونور عيناه
         ليل انهار يبچي وثچيله اهمومه
         يازهــراء  عشتي العمر مظلومه
                       
مانسينه امصابچ -- ولي حرگو بابچ -- فاطمه ابنار
لعنت الله اعليهم -- غيره ابد مابيهم -- كلهم اشرار
والخلافه اخذوهه -- من علي قصبوهه -- ونكرو الصار
يمته سيف القائم -- ينسل اعله الظالم -- ياخذ الثار
           ماننساه ثارچ يزهره اويـــومه
           يازهراء  عشتي العمر مظلومه
                  
وحق عتبت بابچ -- مايطيح احجابچ --بين الأجناب
انتي زهرة طه -- بين اديه رباهه -- يم الحجاب
گامو ايضربونچ -- ورموهه امتونچ -- بلايه اسباب
حيل ياذي اصوابچ -- كسر گلب حبابچ -- هذا المصاب
          واويــــلاه يافاطمه المهظومه
         يازهراء  عشتي العمر مظلومه
                     
حسين تجري ادموعه -- وزينبچ مفجوعه -- ذابت الروح
كسروها اضلاعچ -- والحسن بوداعچ -- گلبه مجروح
يوم نظرو حالچ -- چم حلم لطفالچ -- طاح مذبوح
حتى فضه وقمبر -- اگلوبهم تتحسر -- ضلو ابنوح
        بالاحزان كل شيعي يخلص يومه
        يازهـــــراء عشتي العمر مظلومه
                
         الخادم
    كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

عن لسان السيده زينب ع..

يالزهره انادي ابدمع يايمه حاچيني
بعـدچ اعيش ابيتم محــد يبـاريني
@@@@

زينب انه وردتـــچ ذبــلانه بغيـــابچ
نيران گلبي اسعرن يالزهره بمصابچ
اذاني كسر الظلع يمه وحرگ بابـــچ
يايمه مـن الدمع مابطلت عيني…..
@@@

اشــذنبي مـــن الزغــر اتلوع ابنـاري
ياوسفه يم الحسن منـچ خلت داري
شادهني كسر الظلع متحيره افكاري
ابلياچ اضل وحدي منهو اليسليني…
@@@

متعوده انامن رغــد بحضينچ الدافي
يايمه بطلي الســفر ومـن البعد كافي
يالزهره من دنيتي نورچ صبح طافي
يم الحســــن بالگـبر وياچ لفيني….
@@@

ياريع گلبـي اشكثر مشـــــتاگه اشمـنچ
بيچ ارد اكحل النضر والصدري اضمنچ
ابجـــدي النبي وعـــزته يا يمه احلفنچ
فكيلي باب الگــبر يا يمه كلميــني…..
@@@

مهضومه ومعــذبه ومشتعله نيراني
من اذكر امصيــبتچ تتغـــــير ألواني
مــن الطفوله الزمــن آهـــات راواني
اشذنبي وتلوعت من اول اسنيني…
@@@


          الخادم
✍ كامل السعيدي
 

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
وين گبـــرچ فاطمه ... احبابچ امضيعينه
المهدي يظهر ننتظر ... وعـــنچ ايـــدلينه
شيعتج كلهه تصيح
يمـته نبنيلج ضريح
           يازهراء            يازهراء 
                ****
گبرچ اعلينه اختفه يم الحسن وين
نــاذر اوصله زحــف لوشافته العين
بربعينچ هــم تجـي الشيعه مـلايين
ويه زوارچ يجـي مشـــاي الحسـين

كنه نوكَفلچ خــدم ... والمئـاتم قائمه
يعتني من كل كتر ... زايرچ يافاطمه
معتني ابكَلبه الجريح
يمته نبنيلج ضـــريح
           يازهراء            يازهراء
               ****
ابـلايه تشييع انحمل نعش الزجيه
ابليل دافنهه علــي حامــي الحميه
منها جـان ابهل أمـــر يحمل وصيه
اتكَلــه ماريـدن عمــر يبجـي عليه

منه ماتت غاضبه .... وزمرته الملعونه
ماعلمنه ابيا كــتر .... فاطمه مدفــونه
آه يـا أم الـذبيـــــح
يمته نبنيلج ضريح
            يازهراء            يازهراء
              ****
بيده يبنيلــــــــج كَبـــر مهدينه باجر
وحنه يم كَبرج نجي ونحيي الشعائر
بسمــــــــج الرادود يقره اعله المنابر
يمـن حبـــج يسكـن ابوسـط الضمائر

عدنه حاجات اشكثر ... بصحـن نحجيهه
ضاملــج دمعة عتب ... بضريـح ابجيهه
حبج الكل هـــم يزيح
يمتـه نبنيلج ضـــريح
               يازهراء            يازهراء
            
ننتضر راعي الفـــرج يافاطمه اسنين
يضهــر ايدلي ابكَـبــــــــرج للمجانين
وبعد وي مهدينه والله ايظهرن اثنين
سيف ذل فقــار بيده ومهر الحســين

ريت الحـكَ عالفـــرج ... وبقه حي اليومه
وبيدي اشد راية علي ... ونصر المضلومه
حتى من همي استريح
يمته نبنيلج ضــــــريح
               يازهراء             يازهراء
            *
صح ألج وسط الكَلب حضره ومزارات
لجن ردنه اعله الأرض تعله المنـــارات
الكل قبور اهل البقيع انسـوي حضرات
كـــافي ملينه الصبر حتى الصبر مـات

يمته نتعنه البقيــــع .. حتـى نبني اقبورها
يالله يالمهدي العجل .. وياك نمشي انزورها
وكل قصر ضالم يطيح
يمته نبنيلج ضـــــريح
                 يازهراء             يازهراء
           **
                        الخادم
                   كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

بنار المصاب - فاطمه اتلوع
منهه بالباب - كسرو اضلوع
ناحو املاك السمه
يوم مقتل فاطمه
**
ورده چانت فاطمه بس ذبلوهه
وبين باب وحايط ابقسوه اعصروهه
العاشو اسنين بئمان ابجال ابوهه
هسه نكرو فاطمه وبنار اجوهه

ابلا اذن ليش - دخلو الدار
الچانو اصحاب - طلعو اشرار
اتلطخت چفهم دمه
يوم مقتل فاطمه
**
كذبو كل الاحاديث الشريفه
وبدل حيدر نصبو منهم خليفه
سلبو حق فاطمه الزهره العفيفه
خذو من عدهه فدك اهل السقيفه

حگهه يدرون - ولهه مكتوب
بس يظلون - سوده الگلوب
زمره كلش ظالمه
يوم مقتل فاطمه
***
ابضربت البسمار متهشم ضلعهه
تبچي والكرار بيده ايمش دمعهه
اگبال زينب والحسن تكتم وجعهه
اتخاف الحسين ايتعذب لوسمعهه

اتنازع الموت - ضلت ايام
اتغيرت حيل - كثر الالام
الدار ظلت مضلمه
يوم مقتل فاطمه
**
راح منهه الرادته لحسين اخيه
ضخر ويسنده ابليالي الغاظريه
ازغير بعده المحسن وكلفه الرزيه
لعنت الله اعله السقيفه وآل اميه

عاشت ابحال - يهدم اجبال
شالت اهموم - كلهن اثگال
كل عمرهه مئلمه
يوم مقتل فاطمه
**
صبرت وماحشمت شيخ الغياره
تدري يگلبهه گلاب ابذل فقاره
أوصيه عنده لمن ايدخلون داره
يصبر وباچر المهدي ايجب ثاره

ابصبر مرهون - عمر الاذان
من يسل سيف- ترد الاوثان
اشگد صبر حامي الحمه
يوم مقتل فاطمه
****

الخادم
كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
(( قصيده للتشييع الزهراء))

شيعه ونشيع نعش فاطمه
                *
نعشچ اليوم نشيعه ونشيله اعله المتن
والمدامع دمه اتسيل يفاطم عالچفن
حتى جبريل بالمصاب لبس ثوب الحزن
وي الحسين وبوحسين عله امصابچ يون

       والسماء والارض متئلمه
                *
هذا وجب علينه يبت خير العمل
من خدمتچ يزهراء وحقچ مانمل
بالارض والسماوات ألچ نعش نحمل
وسفه يابت محمد خذچ منه الأجل
      
دارچ امست حزينه ومضلمه
                *
هل عزه ايدوم يزهراء ونضل انجدده
والذي ايلوم علينه   ابولانه انعانده
انصيح لبيچ يزهراء وندانه انردده
انقدم اسنين عمرنه الچ كلهن فده

    والعمر لجلچ هديه انقدمه
                *
رب الاكوان خلقنه الچ نعمل خدم
باچر الما خدملچ يعض اصبع ندم
احنه لوما وجودچ ترى نصبح عدم
اولوله طه وعلي الدين تخلخل ونهدم

       انتو انوار الرساله الخاتمه
                
بعصرت الباب حسافه انكسف نور الشمس
احنه كل يوم يزهراء بألم ضلعچ نحس
يلعن الله السقيفه الصفت ساس الرجس
ويلعن الله الثلاثه الفتو قتل النفس

   
    نارهم بالباب ضلت مضرمه
              **
مانسينه المصيبه الحزينه المؤلمه
الله يگطع رقاب العصابه الظالمه
شنهو ذنبه جنينچ وگع يافاطمه
وشنهو ذنبچ تموتين يمصباح السمه

    ياعزيزة والدچ يالعالمه
              *
خل يشاهد ولانه اليضدنه اويعترض
مو خرافه لطمنه زلازل عالارض
رافضه احنه وعرفنه قوانين الرفض
نرفض الما تبعنه وعليه حق ننتفض

       كلا كلا للعصابه الظالمه
                 *


    الخادم
كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
قصيدة لتشييع فاطمة الزهراء ع… .


اليوم شيعناهه
اليوم شيعناهه
اجنازتچ يم الحسن اليوم شيعناهه
@@@@@@

شلنه نعشج بالدمع
والدليـل المنفـــجع
آه يا كســــر الظـلع
والجنين المنصـرع

تألمينه اوياهه ،،،،، تألمينه اوياهه
اجنازتچ يم الحسن اليوم شيعناهه
@@@@@@

نزلت أمــلاك الســــماء
ألـچ يا فخــــر النســاء
عالأرض نصــــبو عـزاء
وضجت اصوات البكاء

ابكل وكت ننعاهه ،،،،، ابكل وكت ننعاهه
اجنازتچ يم الحسن اليوم شيعناهه
@@@@@

ابصوت نادت شيعتچ
دم نهل وي دمعــــتچ
ما نســينه امصيبــتچ
والضلـوع وعصـــرتچ

واللـه ماننساهه ،،،،، والله ماننساهه
اجنازتچ يم الحسن اليوم شيعناهه
@@@@@

انعزي طه وحـــيدره
ابطيحـتچ يالطاهـره
وين عنـــــــچ يا تره
اليوم سبع الگنـــطره

هاي نتمناهه ،،،،، هاي نتمناهه
اجنازتج يم الحسن اليوم شيعناهه
@@@@@@@

حيــل اورم صدري اريد
بالطــــــــم لم الشهــــيد
حالهه ايذوب الحــــديد
ابفعل ضـــــــــلام العبيد

ياثگل بلواهه ،،،، ياثگل بلواهه
جنازنچ يم الحسن اليوم شيعناهه
@@@@@

اوياچ وقعـــنه العــهد
نبقه نخـــــــدم للأبــد
حبچ احلى امن الشهد
واللـه منعــــوفه بعــد

الخدمه ماعفناهه ،،،، الخدمه ماعفناهه
اجنازتج يم الحسن اليوم شيعناهه
@@@@@

   الخادم
كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://t.center/+tVfRCNCfpmJlMGRi
الكروب الثاني 👇
https://t.center/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA