2.مؤسسة منبريون لنشر القصائد🧿

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

دمع عيني دمه عالطفلين        ما عندي خبر عنهم وين
عليهم ناشدت       شكد أنه أسألت
عالطفلين
**
بعد حـــرك الخيم هجّت      للبيــــــــــــداء أيتامي
مـــن الخوف مرعوبين      لجلهـــــم زادت ألآمي
بعد مــا أن وصلت إلهم      حسبتهم والكلب دامي
لن طفلين مــــــن عدهم      تاهَـــوْ والجبد ضامي
عطاشه من الخيم مهزومين     من فعل العده مرعوبين
ابغيبتهم حرت       شكد أنه أسألت
عالطفلين
 **************
نزلت للحومــــه أدورهم      وحميـــــده طلعت ويايه
دمعها مــــــا سكن لحظه     ولاذت بيــــــــــه شجّايه
وتمنيته الكفـــــل ضعني     عضيدي وصاحب الرايه
لكن وسفه ضل مطروح      يــــــــــم العلكمي ومايه
لو حي وعـــدل هل لحظات       جان أهل الخدر محروسات
بفكده تمرمرت       شكد أنه أسألت
عالطفلين
**
بالحومـــــــــــه تلكاني       فـــارس عنهم أنشدته
كتله هــــم شفت طفلين       واحدهم بـــــدر طلته
تاهّــــوْ بالبراري اليوم       أثرهم أنــــــــي تيهته
أنشـــــــدك بالذي تعبد       تخبرنـــــي إذا عرفته
كلّي مـــــــــــا شفت أي أثار     بس شفت الجثث تزهي أنوار
وبيها أتعجبت       شكد أنه أسألت
عالطفلين
 **************
رجعت لمخيمي المحروك      وهنـــاك بحثت عنهم
كلت بوكــــــــت شب النار     أخــاف النار حركتهم
أمشي وبالي أسمع صوت      لكـــــن مسمعت ونهم
تالي خابـــــــــت ضنوني      ملكيت أي أثــــر إلهم
بغربه ولا أثـــــــــر لا أخبار      عن ولد الشهم ذاك الثار
بيا ديره صفت       شكد أنه أسألت
عالطفلين
**
رجعت والدمعه بعيوني      تجري مــن أجلهم دم
وحميده كعـــــدت كبالي     جاسيها الحــزن والهم
وتصيح أتيتمت هل يوم      لا أخـــوه بقه ولا عم
وأحنه أنّــــــــوح وياها     وعلينه الحـــــزن خيّم
مأتمنه سوه صغار كبار     بعد اللي جره واللي صار
جم عين البجت       شكد أنه أسألت
عالطفلين
 ************
مــــن خذونـــــه للكوفه       طول الــــدرب أترقب
للبــــر ناضري مشبوح      عنهم أبحـــــث وأنحب
وحميده مـــا سكن ونها       وأشوف الراسها شيّب
وأنه أبين هــل أوضاع       كلبي مستعــــــر يلهب
للكوفه وصلت لبن زياد      وملكيت أي أثــــــر للأولاد
بدربي من رحت       شكد أنه أسألت
عالطفلين
**
بولد مسلم يرب أسأل      وحميده الضلّت وحيده
وبمسلم أبـــو الكلفات     الضحّـــه الدينك وريده
تعجّـــل طلعة الغايب     وتنهي غيابـــــه وتعيده
حتى ياخــــذ الثارات     وحـــــك أل النبي يعيده
يعيد الحك إلى كل مظلوم      عجّل طلعته يـــــــا قيّوم
بيهم نــــاشدت       شكد أنه أسألت
عالطفلين
 



الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲
غير مبري الذمه كل من يقرأها بطور الغناء



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

هذا مقامي المعروف من دمعتي السجّابه
*
مـــــن صغري حبيت النبي أوّاليته
وبمنهجه هـــــــــــــام العقل غذّيته
وقررت عمـــــــري ينفني الذريته
وابقه بخدمــــــــة الطيبين والمصطفى وكتابه
*
شاء القـــــــدر حيدر علي يخطبني
مــــــــــــن جا عقيل البيتنه يطلبني
اوّافق أبويه بعــــــــــد ما شاورني
اتحققت گلــــــــت الأحلام يم حيدر وعد بابه

الدار الوصي الكرار مـــــــن زفوني
گلت اخــــــدم حسين وحسن بعيوني
وزينب أباريها لــــــــــــون رادوني
ومـــــــــــا أعبر الباب الدار الاّ برضه اصحابه

أول طلب مــــــــن أبو الحمله طلبته
ميصيحلي بأسمـــــــــي علي ناشدته
خوفــــــي اعله زينب هالعزيزه بنته
لو فاطمه نـــــــــاده وصاح تتـــــــــأذّه كل احبابه
****&&
دارت الأيــــــــــــــــــام وإجه عباسي
وغذيتـــــــــه كلشي الأملكه بأحساسي
وعلمته يخدم ذخــــري وأشرف ناسي
حسين وحسن والحوراء ميعوفـــــــــــهم لترابه
*
ضحيت لجل حسين كـــــــل ما عندي
وبالطف ضحايه لجلــــه صارَوْ ولدي
ولجلــــــــــه بقه للموت دمعي ابخدّي
ولسانــــــــــي يلهج بالموت آ يحسين ومصابه
*
نلت المراتب هـــــــــــــاي من الباري
مـــــن نوحي عالمظلوم والضل عاري
بطف كربلـــــــه والچفن صار الذاري
وأخته انسبت لرض الشام من بعد حرك أطنابه
*
بخدمة ابــــــــــــو اليمه نلت هالرتبه
وباب الحوايج صــــــار أسمي بقربه
مــــا خاب لگصدني وطلب أي طلبه
اگضيها فــــــــــــوراً بالحال وياخـــــذ ابّابي جوابه
****
بأم البنين وبابـــــــــــــها خل ننشد
ونطلب طلب واحــــد وكلنه انردد
مهدينــــــه ينهي غيبته علينه ايرد
لينهي جميـــــــــع العدوان لـــــــو رجع من غيابه



الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء




▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg