#قصائد_الامام_الحسين#مـۄسسـﮫ_مــﻥــبـريۄن_للالـﺢــانالــﮠــاشــﺭ اζـــﻣــد الــﺯۄار
🖤 خيل الهـَشـّمـَت صدره فجعت فاطمه الزهره
🖤▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#مقدمةما طاح حسين اعله الغبره*ولا گطعو راسه بعاشور
نور الله حسين تعرفونه*شلون ايصير ايطيح النور
//////////////////////////////
وجه الله حسين بهل دنيه*وعينه التبره الهذا الكون
شلون ايصير بنص الحومه*يتگنطر ويطيح شلون
لو طاح اشتتوقع تبقه*لگمه زاد بنص ماعون
ياهو اليگدر يوصل يمه*سر الله حسين المكنون
محد يگدر يكشف امره*ابن البظعه حسين الزهره
كل الكون بشخصه ايدور*شلون ايصير ايطيح النور
//////////////////////////////
مصباح النور الكل ظلمه*يا فاه اليگدر يطفي
لو رايد يگلبهه الدنيه**اشتتوقع واحد يثني
ايد الله المبسوطه بنعمه*يا جيش اليگدر يلوي
لتصدگ كل اليحجونه**لو انس وجان التروي
رجع كلشي اسمعه العقلك*بس هوه وحقك ميخذلك
لو تسمع مو جمله اسطور*شلون ايصير ايطيح النور
/////////////////////////////
اكبر مركب هوه حسينك*شتظن اتصده الامواج
بالك تتصور هلمنظر*مثلي ومثلك هم يحتاج
حسين الخط بشمس احروفه*لحرار العالم منهاج
يتربع علكرسي اليحكم*وحسين اتربع علتاج
مخفيه اتضل دوم اسراره*ما تفهم عاشر معشاره
الخاظت وسط العلم ابحور*اشلون ايصير ايطيح النور
///////////////////////////
ما محتاج حسين الواحد***لتگلي يحتاج انصار
من سوه الثوره اعله الظالم*حته ايخلصنه من النار
ذيج الكعبه ومولد حيدر*توصلهه بكل عام احرار
وحسين بكل يوم وليله*افواج اطوفه الزوار
كلهه تريده اليوم المحشر*يحظرهه ولا تظن يتاخر
من يفتر علعالم سور*شلون ايصير ايطيح النور
/////////////////////////////
ادري بربي وربك واحد*جل بنوره بهل تكوين
حسين الظل وكل العالم*صدگني من اكتب ميتين
اتحداك انته اتبرهنهه*تثبتلي العاشو عدلين
العاشت ذل سنين بلوعه*شگد فارق عدهه ويحسين
هيهات ايصيح اعله الذله*واليقبل بالموت افظله
للعالم اصبح دستور*شلون ايصير ايطيح النور
///////////////////////////////
من تنزل دمعات عيونك*ودگ صدرك علمظلوم
تصبح حر واقسم بيهه*والظدك معروفه ايلوم
ايحاول جهد امكانه ايدمر*لا تتوقع ظلمه ايدوم
ساعه وربك يرحم بينه*وابنه المهدي بلحظه ايقوم
ويكص روس الظدوه جده*وكل ظالم يوگف عد حده
ايبين كل مخفي ومستور*شلون ايصير ايطيح النور
//////////////////////////////
فاضل الغريباوي
✿مؤسسة منبريون للالحان رقم 1
@ahmed_alziwar1✿مؤسسة منبريون لنشر القصائد 2
@ahmed_alziwar2✿مؤسسة منبريون للمقامات3
@ahmed_alziwar3 ✿مؤسسة منبريون للنعي4
@ahmed_alziwar5✿اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA