#قصائد__محرم_١٤٤٦_ه
#مـۄسسـﮫ_مــﻥــبـريۄن_للالـﺢــانالناشر.احمد.الـــزوار.cc🥀اللهم ارزقنا البكاء والجزع على الحسين
🥀ــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــأنس بن حارث الكاهلي
أكبر صحابة أبي عبد الله الحسين ع
شيخ كبير مُسن كان يشد الحزام على بطنه لشدةِ ضعفه ويرفع حاجبيه بالعصابه لكبر سنة
فعندما استأذن للقتال ارخى الامام الحسين ع عيناهُ بالدموع فقال لهُ جزاك الله خيراً ( يا عم )
فذهب أنس الى أصحابهِ قائلاً :
منو يصحي رموش عيني ويگدَر يهودلي
هَمي
منو يصدگني امن اگله تاج راسي يگلي عمي
گتله كلشي احسبني عندك : خادم وعمك وعبدك
~
~
هيه بس حجاية كافي
تعيشَك بموت العوافي
عفت ماي بكلبي غافي
بعمري هذا وبيه
هِمة
و لحد يناديني عمي
الراد اخدمه يكلي بسمي
حسين لمن گلي عمي
ما مصدگ آنه عمة
صح جبير آنه اعله عمره
بس نسيت الحجي بكبره
واستحيت شلون اشكره
انسيت سيفي شلون الزمّة
كتله يا مولاي المن ؟تشكر المثلي اعله واجِب
عمري خّلص حيلي بعده ياهو گلك آنه شايب
سيف اصير اعله اليضِدَك : خادم وعمك وعبدك
~
~
انكسر گلبه وكتله المن ؟
دموعك بعينك يلمعن
انجان مو ايدي اليفزعن
هاك گص جفوف ادية
وانذبح كلبي بسكوتة
وجنت اتاني بروحي صوتة
وجنت اعرف احلى موتة
والحُسين يعيش بية
كتله يا مولاي أقبَل
روحي لهل البيت تِرحل
بكيفك انتَ انذبح أذبل
وانت متفضل عليه
انت بس سَخرني وأبشِر ان شاءالله كلشي اكدرلها
متاني منك كلمة وحده حتى اطش سنيني گلها
لا يطيب العيش بعدك : خادم وعمك وعبدك
~
~
بجه وشاف سنيني كبرن
وبعد ما بيهن ينفعَن
لا جَزاني اللهُ خيراً
كتله لو ما آنه أنصرك
شاف اهله وصُحبته تقِل
كتله شتريد انتَ فصِل
انكتِل لو ردت أكتِل
وهذا شيب سنيني حَذرك
احلى يوم اليوم عشتة
بن رسول الله وعترتة
اليوم ودّعني وشبكتة
وگلي موت وكتله بأمرَك
بسيف وبعوجية اعارِگ كون حيلي لهسه بعدة
اله امّوت روحي كوه شلون يبقى حسين وحدة
خاف اموت وتبقى وحدك : خادم وعمك وعبدك
~
~
راح اوصيكم وصية
هزو كاع الغاضرية
طيحو لعيون المنية
قبل لا توكع دمعتة
قدمو كلشي الجان بيكم
لا تقصرون بأديكم
ولا تكسرونة عليكم
ولا تخلونه بغربتة
الطف اترسو دمه بكبره
وكون سالم يبقى نحره
ولا تدوس الخيل صدره
لو متت والوحده عفتة
شلون يا مولاي كتله لو نموت ويبقى دمعك
الآ من ناصر تِنادي مذَبحين تشوف ربعك
يالي حاسبنه اوي اولدك : خادم وعمك وعبدك
~
~
لو اموت ويبقى واحد
منكم وبعده يشاهد
جسمي فوك الكاع راگد
وماكو لحسين اليعينة
بداعة امه هنا تِجوني
هنا ال يا ( رب أرجعوني )
خاف اموتن كّعدوني
بلكي ترجع روح بينة
بلكي اذب الگرب عنة
ما استحمل كسره مِنة
ينذبح راعي المحنة
و عالخيام اتدير عينة
ربي كون الخيل هسه ما تخَلي بجسمي وِذرة
قبل لا اشوفن حبيبي تسحگ الخيل اعله صدرة
گتلة ابقى وياك اوعدك : خادم وعمك وعبدك
اللهم عجل لوليك الفرج
علي الحسن
▪️مؤسسة منبريون للالحان رقم 1
@ahmed_alziwar1▪️مؤسسة منبريون لنشر القصائد 2
@ahmed_alziwar2▪️مؤسسة منبريون للمقامات3
@ahmed_alziwar3▪️مؤسسة منبريون للنعي4
@ahmed_alziwar55(كروب مؤسسة منبريون)
الكروب الاول
👇https://t.me/+tVfRCNCfpmJlMGRiالكروب الثاني
👇https://t.me/+tVGiZHdfNq81ZGYy▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA