#قصائد_شهادة_الامام_الباقر_ع#مـۄسسـﮫ_مــﻥــبـريۄن_للالـﺢــانالناشر.احمد.الـــزوار.cc▪️عالباقر نهل دمعات مسموم يا بحر العلوم
▪️ــــــــــــــــــــــــــــــــــــــــــــــــــــــــ
في
شهادة الامام الباقر عليه السلام :
* * * * *
أمصيبتي مو سمي لاياشيعتي
آنه من يوم الطفوف أمصيبتي
أمن الطفوله أتعذبت
بزغر سني وشيبت
آنه من يوم الطفوف أمصيبتي
* * * * *
شيعتي تدرون يا أهل الولاء
بزغر سني وجنت حاظر كربلاء
بعيني شفت أمصاب سيد الشهداء
وعايش بذهني بقى ذاك البــــلاء
.. من هذاك اليوم دلاّلي أنفطـر ..
.. من مصيبة جدي أبن خير البشر ..
مأتم أعليه أنصبت
بزغر سني وشيبت
آنه من يوم الطفوف أمصيبتي
* * * * *
صح دليلي هالمسـه ياشيعه ذاب
وكطّع السم جبدتي وشفت العذاب
صح أمامك يالمحب هاليلـه غاب
وبغيابه محزن وعندك مصــاب
.. بس أريد اليوم تذكر كربلــــــه ..
.. تذكر الصار أعلى أبن خير المله ..
وقبلك أعليه أنحبت
بزغر سني وشيبت
آنه من يوم الطفوف أمصيبتي
* * * * *
في مصابي اليوم مدمعكم هطول
وجيتوا ياشيعه تعزون الرسول
لجن ياشيعة علي فحل الفحول
آنه بيه صواب باقي ومايزول
.. آنه غير السم ترى بيه جـرح ..
.. جرح جدي الظل رميه ومنذبح ..
جرح مامنه طبت
بزغر سني وشيبت
آنه من يوم الطفوف أمصيبتي
* * * * *
آنه ما أنســـــه سياط الظالمين
وضرب بت حيدر أميرالمؤمنين
آنه ما أنســــــه كيود الحاقدين
الكيدت جفيـــــن زين العابدين
.. شلون أنسه حال بت خير النسه ..
.. الشفته برض الشـــام لا ماينسه ..
أمن السبي بكلبي انصبت
بزغـــــر سني وشيبت
آنه من يوم الطفوف أمصيبتي
* * * * *
آه من أذكر ضحك مجلس يزيد
تشب روحي وهم البكلبي يزيد
شفت أبوي بركبتـــه دم وحديد
يهيج جرحي اشما أذكره ومايهيد
.. بصوتكم يالباقر أشما تندبــــوا ..
.. صيحوا آه يحسين كلكم وأنحبوا ..
أشكثر يحسين أندبت
بزغر سني وشيبت
آنه من يوم الطفوف أمصيبتي
* * * * *
سلام المشعل
▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg▪️كروب الالحان رقم 1
https://t.me/joinchat/Dw92Dj9pmspR5uHfACGjlA▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg