1.مؤسسة منبريون الحسينية🧿

#قصائد_شهادة_الامام_الباقر

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

من نذكر جرِح عاشر
نذكــر دمعــة الباقــر
-----
(١)
من طف كربلا صوره
رسمها الباقر ابنوره
حبرها دمعه مقهـوره
من ونّة طــفل حــاير

-----
(٢)
بس من حرگوا اخيامه
و عدوه أمطر اسـهامه
تـــبدد گـلبه وأحـــلامه
وأصبح للســما يناظر

-------
(٣)
يشكــي للنبي حــاله
و اشلون الشمر جاله
من ذيك الخيم شــاله
و بشتم وزجر ساخر
----
(٤)
و هام ابغبرة الحومه
يدور جثـــة مدمــومه
بلكت يشكي اهمومه
ويصبح للابو ناصــر

-----
(٥)
شاف الجـــثه ابلا راس
بس باقي عطــر لنفاس
يدري بالابــــو حســاس
وقعد يشكي له الصاير

---
(٦)
دنى جسم الابو يقبله
ومـن گلبــه نـــزع نبله
همس يم نحـره يسئِله
منهو كافــلي باچـــر

---
(٧)
قلّه يـ ابنــــي الغــــالي
جيتك مرمــرت حــــالي
اخاف امن الشــمر تالي
يدوس الصدرك الطاهر

-------
(٨)
اخـاف اعـليك يوليدي
يطحن صدرك إيزيدي
يولدّي والله مـو بيدي
اخليــكــم بلا ناصــــر


-------
(٩)
يـ ابني يصعب اقدومك
ليه محـترگه اهــــدومك
و ليه متغيره ارســومك
و على خدك جرح ظاهر

------
(١٠)
يبني يا ابن الكـــرام
باچر تنسبي الايتام
و تروح بأسر للشام
و تدخل مجلس الفاجر

------
(١١)
ارجع يـ ولدي لأمــك
ادعــي ربي ايسلمك
يَـ ولدي مگدر اضمك
و صدري منطبع حافر

------
(١٢)

و عن جسمي الذي اتسلب
بلـــــــــغ عمتـــــــك زينب
وقول إلها الوضـــع يصعب
من بعد الاخـــو الناصـــــر

------
(١٣)
و لا تنسى عن الوالـد
تمسح دمعة الساجـد
ساعد قلبه الفاقــــــد
الما مثله قلب صـــابر

-----
(١٤)
وانته من بعــد هالهــم
جرحك ما أظـن يلتـــم
و تتجرع مـرار الســــم
من كاس العـدو الغادر

عبد_مُحمدوآل_مٌحمد / #مفضل_حبيب
القطيف


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA

#قصائد_استشهاد_الهادي_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار


ــــــــــــــــــــــــــــــــــــــــــــــــــــــــ


#استشهاد_الإمام_الهادي
#(٣)_رجب
#تبچي_العوالم
قناة الشاعر / #مفضل_حبيب
‏ @mofadhal
----------
للهادي .. للهادي ... تبچي العوالم
للهادي .. للهادي ... محزونه فاطم
------
(1)
------
لبن الجواد ابهالمسا اتزلزل الدين
ركنه انهدم بين الملا وين المسلمين
تبچي سماوات العُلا ويّا الأراضين
چنه دمع حزن اليتامى والمساكين

بالدمعه .. بالدمعه ... تحيى المآتم
بالدمعه .. بالدمعه ... محزونه فاطم
------
(2)
كل مرسل ابهم وحزن هالليله مجروح
للهادي مأتم للطم بالحسره والنّوح
موسى او عيسى يحضره هم أحمد ونَوح
ويّا الخليل ابحسرته ظل دمعه مسفوح

هالجْمعه.. هالجْمعه ... بيها الهواشم
هالجْمعه.. هالجْمعه .. محزونه فاطم
------
(3)

أم الحسن لجل التقي زايد حزنها
تبچي تون ابهالجرح مدمي جفنها
لنها انزلت امن السما اتشيع ابنها
ما تقدر اتشوف النعش ملطومه لنها

للطلمه .. للطلمه ... هالخد وارم
للطلمه .. للطلمه ...محزونه فاطم
------
(4)

خلف الجنازه ام الحسن تمشي بلا اشعور
و العالم العلوي انفجع هلّ دمعه منثور
لن تستمع صوت النعي من گاع لبحور
مات الإمام ابهالمسا يا وسفه مغذور

يا وسفه .. يا وسفه ... يبن المكارم
يا وسفه .. يا وسفه ... محزونه فاطم

------
(5)
ابني حسن يالعسكري بيدك غسلته
واگبال عينك يولدي أنته الدفنته
ما ظل عاري اعالثرى مرميه جثته
ما شفت سوط امن العدى مضروبه اخته

للغالي .. للغالي ... ما شفنا غاشم
للغالي .. للغالي ...محزونه فاطم

عظم الله أجوركم بذكرى استشهاد الامام الهادي (عليه السلام )

-------
🖋 عبد مُحمد وآل مٌحمد / #مفضل_حبيب

-------
نتشرف


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇

2.كروب 2 خاص بنشر وتلحين القصائد
https://t.me/joinchat/Dw92DkJZ4tvb4YIzJWBWrg