الشاعر عبدالرحمن الريامي

قل للحسيــن ان دمــه لطخ الفــرقدين
ودم غزة محـــــاصــر فــــي قطــاعاتها

اتوزع المشهد القــاسي علـى كــل عين
يالله تحاسب عبادك حسب قــدراتــــها

وياحسينــاااه لاكــن اليمن يـــــاحسين
تطلق صــواريخها مــــــا تطلق آااهـاتها

#عبدالرحمن_الريامي
https://t.center/abdalrhmanalryamie

عن مايقرب ساعة اسرائـــــيل الامريكي نها
ووقفت معها علــــــوج المملكة وقفة ركوع

قالت على ابوهــــــــا الشرف والعز لو مابينها
هي والفنا الا يوم لاتقضيه في طاعة يسوع

ماخبروها ان البعيـــــــــــدات المدى عدينها
والله اكبر والله امضى امر واليه الرجوع

هذا ورب البيت لا تــــدفع وتقضــي دينها
بالدم موت احمر وبالجوع الضماوالموت جوع

الصهينه ماعــــــــــادشي معها قوا يغنينها
لاحاضنة لامنطقة لاربع خـــــــــالي لاربوع

اعوينها من مـــــــا اعـــــــدينا لــها واعــوينها
من ما تعنينا لهـــــا واعــــوينها عنـد الطلوع

اعوينها والفـــــرط صوتيـــــــــات ذي نــادينها
لعينها تــرسم وقـــــوع الواقعة قبــل الوقوع

الظهـــــــــر يتغــــــدينها والليـــــل يتعشينها
والصبح الافطار الجماعي بالمواقع و الجموع

قبل الاصابات الدقيقة كم وكــــــم صابينها
بالرعب لاما فكرت قبل التقدم بالــــــــرجوع

لدقدقتها وقفت صــــــنعاء على (ساقينها)
وقفة بلد مهيوب معدوم المذلة والخنوع

اذا المراحــــل من مهمات الحيــــاة اقصينها
يقصينها ما تستحق العيش لو تخضع خضوع

مااتوحشت صنعاء ولاكــــن الصور شجينها
وليل غزة زاح باليمنى عن الوجه السطوع

غزة إبا من تـــــــــــــاءها لا زايهــــــا لا غينها
غزة مواقفها ترد الروح من خــــــلف الضلوع

لـ ال يـــــــاسين آربيجيـــــات لا شــــبينها
كن الفنا ليلة وفــــ ـــــاة الصهينه شب الشموع

وين العــرب من معــــركة غــــزة وغزة وينها
العز لــــه دربه ودرب الــــــذل ملعون الفروع

لا فتّحت بعد الدمــوع اتسـاقطوا من عيـنها
ون غمضـت يتساقطوا من عينها قبل الدموع

واحنا لها في زين الاخبار الكبــــــــار او شينها
الكتف جنب الكتف متثبت وجنب الكوع كوع

#عبدالرحمن_الريامي
https://t.center/abdalrhmanalryamie