🔴فەرماندەیی هەرێمی گارە: شەڕ لەژێر کۆنترۆڵی گەریلادایە
رۆژنیوز - ناوەندی هەواڵەکان
فەرماندەیی گەریلای هەرێمی گارە ڕایگەیاند، شەڕ لە ناوچەی سییانێ لەنێوان گەریلا و سوپای تورکیا هێشتا قورسەو شەڕەکەش گەریلا تیایدا سەروەرە و کۆنترۆڵی کردوە، لەگەڵ ئەوەشدا چەندین داگیرکەر سزادراون.
فەرماندەیی گەریلا لە هەرێمی گارە لەسەر شەڕی هەرێمەکە بەیاننامەیەکی بڵاوکردووەتەوە کە ئەمە دەقەکەیەتی:
هێرشی داگیرکاریی بۆ سەر گارە، کە لە دوێنێ کاتژمێر ٣ی بەرەبەیان بە هێرشێکی بەرفراوان بە کۆپتەر و فڕۆکەی جەنگی دەستیپێکردوە، بەردەوامە، هێرش و جموجوڵی فڕۆکە جەنگییەکانی سوپای تورکی داگیرکەریش تا ئێستاش نەوەستاوە.
دەوڵەتی تورکی داگیرکەر لە چەندین ناوچەی گارە تۆپبارانی قورسی ئەنجام دا، هەروەها ئەو کەمپەش کە سەربازانی دیلی تورکیای تێدا زیندانی کرابوون، بۆردومانکردووە و دواتر زانیاریی لەسەر ئەنجامی بۆردومانەکە بڵاودەکرێتەوە.
شەڕی قورس لە ناوچەی سییان هێشتا بەردەوامە، هەروەها سەروەریی شەڕەکە لە دەستی گەریلادایەو دۆخەکە لە بەرەوپێشچوونی بەردەوامدایە، چەندین داگیرکەر سزا دراون، هێزەکانی داگیرکەر ڕایانگەیاندووە، دوو فەرماندە و ژمارەیەک سەرباز کوژرداون چواری دیکەش بریندار بوون، بەڵام ژمارەی داگیرکەرانی سزادراو زۆر زیاترە و دواتر زانیاریی ورد بڵاودەکرێتەوە.
#پارتی_کرێکارانی_کوردستان.pkk
@zagrosmadnews