دِه‌دِه‌جان بمِّرم اشته دلی‌را
آلاونی پَپو را بلبلی را
خدا نی اشته دومنَه نَه خوکردَه
بمرم اشته چادری گلی را
⚘
❤⚘
دِه‌دِه اشته چِمی سو را بمرم
اشته کَنَه کومَه دو را بمرم
خدا عطری داره اشته دَسَه نون
اشته دَس‌آسوئه بو را بمرم
🌻🌻🌻هَنی نسکو دِریمه من آلاون
ترا بیتاو آبیمه من آلاون
چِمی زَمون دَجاوندَه زَمونه
دِه‌دِه لای‌لایی پیمَه من آلاون
🌹🌹🌹دِه‌دِه اشته نفس باهارَه وایَه
اشته نازینَه سَس خدا گوایَه
بی اشته برزَه قوشه جان کره تَو
دِه‌دِه‌جان اشته دَس دردی دَوایَه
🌺🌺🌺صبی زو کرگ و کیجه ته دَخونو
چِمی آو گتَه میجَه ته دَخونو
هَنی پیرانَه سَر خردَن آبَه دیل
هَداسه بیجَه بیجَه ته دَخونو
💐💐💐دِه‌دِه خاسَه بلنده سارَه مونی
چمه چمی سَری غزل پِشونی
بهشت اشته دیلی را کمتَرینَه
ته که شرمندَه کردَه میرونی
🌷🌷🌷خوکردیمَه، از اشته، دَم دَوا نَه
از اشته دامنی نَه اشته سا نَه
چمه جان آژیَه، پامنده یا کو
ده ده اشته دس و اشته دوعا نه
معصومه اپروز
میلاد حضرت
#زهرای_اطهر مبارک
#معصومه_اپروز#شعر_تالشی#دوبیتی#روز_مادر_مبارکhttps://t.center/Masomehaprooz
