دَرینم پُر تشه سی بختیاری
جِهالونِ لر دشمن زیاری
دلم لک زایه سی قیقاچ و برنو
سی گُرده مادیون دشمن شکاری
دلم دو مینه سی تژگاه و چادر
و میلا میل , پُرَ دِ بیقراری
خشال تختی دییم , تختی کِوَر کو
بنیشم وا لرون سر دیاری
بنیشم سر سراو , تپه کیان و
همه چوپی کشون و دس براری
گَرین خاوَه, کِوَر حوشکه و مخمل
نه سرداری منه نه تک سواری
میواره دِ آسمو خاک سر غم
لرسو بیه و مرده هماری
کجایی شیرِ زیرِ بردِ شیرم
که قوم لرسو افتایه خواری
د موقع سختی و جنگ کل عزیزن
وه آسونی لرن ! حق نا دیاری
وری زین کو بَوَن تَسمه وِ نوم قِی
بِکن ریشه عرو , بِفتِن وِ ژاری
خشال شیهه چِراوه و تاف دشمن
هوررشت گُوله و دشمن فراری
برارونِ لرم یَه خاو مَرگه
تو بیشهء شیرِ و کی می سپاری
مگر باروتِ زَهله ت , نَم کَشی یه
که خاکِت وَنیه و خوار , زاری
#رضا_جهانی. (رخمه نهاوندی)
#مینجایی✳️کانال اشعار زخمه نهاوندی
👇https://telegram.me/joinchat/BprwNj-iZqEZ7ETg__nReg✳️کانال لرتباران تهران نشین
@lorhayetehran
