كلمات سيد حمزه الاعرجي

(زينب وافقد امير المومنين ع)


زيــنب هـالليلـه ابياحاله
دمعتهه اعله الخد هماله
شافت حيدر  راسه امطبر
      اللهُ أكبر اللهُ أكبر

******
مـثل هـالليله زيــنب حالها مـتـعـوب
سمعت صوت اويلي راح داحي البوب
على مصابه تنوح الكوفه من كل صوب
رد لـلــدار وبـراسـه عـلي مـصـيـوب

راسـه مـخضب مـن الـطبـره
حمره هدومه امن الدم حمره
يمشي ويعثر راسه امطبر
اللهُ أكبر اللهُ أكبر
****
حيـدر طـاح ينـزف دمـه بالـمحراب
ومن صاح المنادي راح داحي الباب
زيـنب سمعته اومنها الدمـع سجاب
وجرحهه البلگلب ليهسه ابد ماطاب

شيب گلبهـه هــل خــبر
سمعت علي راسه انطبر
  صـاح وگـبر راسـه امطبر
اللهُ أكبر اللهُ أكبر
****
يـعيـن اللـه گـلب زيــنب هذاك الـيوم
تطيح اعله الوجي بمصابه نوبه اتكوم
من شافت ابـوهـه جرحه يدي ادموم
حسن وحسين يبجي وياهه وام كلثوم

ابياحاله صارت حالتهم
يبجون الحالت والدهم
بصعب منظر راسه امطبر
      اللهُ أكبر اللهُ أكبر
****
مـن دونـك بعـد ماتـسـوه هـل أيام
ليش اويانه شخصك ياعلي مـادام
صاحت گلهه أرجـع ياعـلي الايـتام
تنحب كل مسيه اوتلطم اعله الهام

ظلت تنحب كل ايتامك
فگـدت ياحــيدر أيامـك
  الكون اتحير راسه امطبر
      اللهُ أكبر اللهُ أكبر
*
زينب صاحت ودمعتها وسط العين
بويه خلاف عينك أنطي وجهي وين
خيمه انـته علينه والله يابو حسين
يريت اوياك يابـويه لفانـي البـين

ماتسـوه الدنيه مـن دونك
شلي بعمري ابدون عيونك
فارس خيبر راسه امطبر
اللهُ أكبر اللهُ أكبر
*
كلمات سيد حمزه الاعرجي

بدمع الـفجيعه اتنادي الوديعه
حظرت الزهره وظلعها منهه مكسور
اتعنت الحيدر تشوفه براسه مطبور

"""""""""""****""""""""""""
ياعلي هالليله اجيتك
لازمه ظلوعـي بديه
صاح جبريل وسمعته
أنطبر حامي الحميه
جيـتك اتعـثر يحيدر
وأذكر الچنـه سويه
من وصلت وانه شفتك
ياعلـي انـه الزجيه

بعيوني شفتك تنزف طبرتك
جيتك اتعـثر ابهمي اوكلبي مجمور
اتعنت الحيدر تشوفه براسه مطبور
**
جيتك اوچدمي يتعثر
انحب وابجي المصابك
ياعلـي فكـدك هـظيمه
موسهل ساعـة غـيابك
بعيني من شفت اليتامه
تبجي وتنوح اعله بابك
چم يتيم ابعينه دمعه
ينـتظر رايـد رحابك

هـاي اليتامـه تدعي بسلامه
ظلت تتحسر واليها رحـل مغـدور
اتعنت الحيدر تشوفه براسه مطبور
****
من شفت زينب وضعها
كاعده وكلش حزينه
تعاين حــسين اوتكله
شلونه ياخويه ولينه
خاف جرحه اياذي راسه
وخاف يرحل من أدينه
خويه ترس اذني اسمعه
عالـي ياذيـني ونـينه

تحاجي اخوهه عن حال ابوهه
ادري ماتكـدر تـكلي خـويـه معـذور
اتعنت الحيدر تشوفه براسه مطبور
*
ياعلـي ريـت ابسلامه
تكعد اتـعاين وظعهم
والحسن وحسين يبجي
مانشف لحضه دمعهم
على مصابك كمت اشوفن
ياعلــي ذايـب گلبهم
ريتك اتـعايـن يحيدر
مصابك اهوايه فجعهم

شافـو أذيـه بـذيـج المسيه
اللــهُ اكـبر دنيـه بـدونك وابـلا نــور
اتعنت الحيدر تشوفه براسه مطبور
**

كلمات سيـد حـمزه الاعرجي

عكيلي نزال


يابويه أكعد وحاجيني
زينب انه ياضي عيني

****
جيتك مشتاكه اشتم عطرك
أكعد بويه اوضمني الصدرك
تضمني اوياك اتـمنه ابكبرك
ولا للأحزان اتخـليني
**
زينب انه وعاين حالي
يـسـعر بــغيابـك دلالي
يالجانـت عينك تبرالي
خلافك دنياي اتاذيني
*
دنيـه خـلافك لامو حلوه
يالجـنت ابـنـورك اتــروه
وغـيابك يابويـه اشسوه
وهوايه عليك ايبجيني

**
صوابك ريته صوب راسي
دهري خلافك كلش قاسي
بـويــه اويـاأعـز كـل ناسي
رايح يعله عليك اونيني

******

رايح تبدي وياي احـزاني
فكدك بويـه هوايـه أذاني
الله ايـعين الليلـه اخواني
كلمن بدموعه يواسيني

*
فكدك يومه اظلم مصباحه
وماشفت مـن عكبك راحـه
اكضي ايامي عليك انياحه
فكدك لحزاني ايوديني

*
كلمات سيد حمزه الاعرجي

لاتروح بويه وتخليني
لاتروح منهو اليباريني
ريت صوتي اتسمعه
وحالي تـنظر وضعه
لاتروح لاتروح
**
بويـه لاتمشي وتخليني بهضيمه
الدنيه من دونك اعيشنهه حريمه
زينب انه وليش من زغري يتيمه
بويـه لاترحل وانته اعلينه خيمه

لاتروح فـركتك چتاله
لاتروح وحالتي ياحاله
گـلبي لا لتفـجـعـه
وحالي تنضر وضعه
لاتروح لاتروح
*
بويه عني لورحت شيصير بيه
ادعي ربي اوياك تلفيني المنيه
فركتك مو سهله يابويـه عليه
روحي وي روحك احسنها سويه

لاتروح يالخذتها روحي
لاتروح لاتزيد اجروحي
عليك أمي البضعه
حالي تنظر وضعه
لاتروح لاتروح
****
عـيوني تجـري والكلب كاتلني هـمه
من شفت راسك صحت يحبيبه يمه
الدنيه احسها ابعيني صارت كلها ظلمه
راسك المطبور شفـتـه ايـسيل دمـه

لاتروح ريت طبرو راسي
لاتروح يـااعـز كـل ناسي
الدربي انته الشمعه
وحالي تنضر وضعه
لاتروح لاتروح
***
شلون بيها لو رحت بويه اليتامه
كاعده اعله الباب تبجي وابندامه
تدعي من الله تكوم الهه ابسلامه
اتصيح يابويه علي وتلطم الهامه

لاتروح تصيح منهولينه
لاتروح يـاعـلي والـيـنه
چـم يـتيم الينعـه
حالي تنضر وضعه
لاتروح لاتروح
**
بـويه انه منهو اليه عمري لـو طال
والدهر يفجعني خاف ابولية أنذال
زيـنب الباجر ايعينـج الله عالحال
هذا ابوفاضل الـخدرج هوه كفال

لاتروح بـويه يتراوالي
لاتروح لـو وگـع گفالي
الـدهر يغدر طبعه
حالي تنضر وضعه
لاتروح لاتروح
***

گلمات سيد حمزه الاعرجي

بويه خذني اوياك لتخليني
الدنيه ماترحم تره اتأذيني
بنتك انه الدللتني
ميته ريت ولاعفتني
بويه بويه
**
انه زينب بويه حيدر صعبـه اعيش ابدونك
فـتح اعـيونـك الـيـه اوگلي بـويـه اشـلونك
ارحم ابـحال الـيتامـه الـجايـه ويـندبـونك
جم طفل يبجي المصابك بويه فتح اعيونك

كبل راسك ريت صابو راسي
بويـه اكـعد يااعـز كـل ناسي
بياوضع من ودعتني
ميته ريت ولاعفتني
بويه بويه
*

امدلله ابـجالك يـحيدر بـويـه يالـگـلك حـنان
خلاف عينك وين اروحن وين اعيش ابيا مكان
خيمـه يابويـه انتـه ليـه وعـايشـه بيها ابأمان
لو رحت عني يغالي اشراح اشوف امن الزمان

وياك ياريتـه الاجل يلـفيني
ولااعيشن بويه هاي اسنيني
والمنيه اتمنه أجتني
ميته ريت ولاعفتني
بويه بويه
****

بياوضع لـمن عفتني ريت هل لحضه شفت
من رحت عني يبويه بويـه جم موتـه متت
صعبه من دونك حياتي كمت احس واتعذبت
الدنيه ماترحم بحالي ادري بويه من رحت

يالـخـذت اويـاك كل أحـلامي
ابغيبتك سود اصبحت أيامي
بويه وجروحي عمتني
ميته ريت ولاعفتني
بويه بويه
*

من شفت راسك يبويـه بالـدمـه صاير خظاب
شفت من جرحك مصايب وابتده ليه المصاب
شـفت بالطيف العجايب كل اخـوتي اعله التراب
صرعه نومه عالوطيه أوترست الحومه ركاب

جن اخـوتي امـذبحـه بالهيمه
ولابكت عدنه شفت كل خيمه
أحلام بغيابك لفتني
ميته ريت ولاعفتني
بويه بويه
****

بويـه من طبرتـه راسك راسي احسنه أنطبر
اوعادت الايام ذيـج البيها ظـلـع امي انكسر
وداعـة الله بويـه رايح وانـه يـوليني الـدهر
مااريده اخلاف عينك بعد مايسوه العمر

زيـنب انــه ام الـحزن سموني
افجع امصايب تشوف عيوني
جم مصيبه الي سبتني
ميته ريت ولاعفتني
بويه بويه
*
گلمات حمزه الاعرجـي

نزال. يوم البقيع


يامهدي يمته تاخذ ثارك
يامهدي يمته تاخذ ثارك
يامهدي يامهدي
*"""*

لمته هذا اليوم يمته ايجينه
نسمع الصوت الفرج مهدينه
واللـه يامـــولاي اشتاكـينه
غيبتك طالت يمهدي علينه

بارينه منقذ النه اختارك
يامهدي يمته تاخذ ثارك
يامهدي
**
يابوصالح يمته تاخذ ثارك
ينتظر حـته البقيع اخبارك
بشوفتك تفرح جميع انصارك
على اعدائك من تسل فقارك

مولانه من تشع أنوارك
يامهدي يمته تاخذ ثارك
يامهدي
*""""*
ثار يامهدي البقيع أنريده
كلمن الهدم گبر كص ايده
كل موالي بيك يصبح عيده
طلعتك مولاي موش ابعيده

نادينه اجعلنه من أنصارك
يامهدي يمته تاخـذ ثارك
يامهدي
""""
الشيعه مشتاكه الزياره ليهه
وانتـه تـدري باالبقيع اوبيهه
ماكـو غـيرك سيدي اليبنيهه
وكـل بنايـه ابـزودك انعليهه

ماتطفه لسه تسعر نارك
يامهدي يمته تاخذ ثارك
يامهدي
""""**
باجـر المهدي يهل أبـنوره
وكل گبر برض البقيع انزوره
شيعته ابكل الارض منصوره
على اعدائه المهدي ياخذ دوره

وانشوفه من تسل فقارك
يامهدي يمته تاخـذ ثارك
يامهدي

""""""**
كلمات سيد حمزه الاعرجي

اللـهم صل على محمـد وآل محمـد

ببركة محمد وآل محمد سوف يتم نـشر القصـائد مع تلحينهـا

(دخـيلك ياابوفاضل )