دِل کُچِکی
دلِت دلخورّی اِ بِنا دِیرِی
رِّنِت بِشِیوّی وِی رِّنا دِیرِی
خدا ئُو بَنَه کُل جائُو بییَه
جائی اَرّی اِی بِی پِنا دیری؟
دلتَه گَردِ مِه هُوی صافا نِمو
هِی ویرِه مِنَه گِه مِنا دیری؟
اَگِه بُورّرِی یَه مَسکا دلِت
وِی دَوِّ دَسورِ تُنا دیری
چُه بِکَم اِ دَس چِیمِل زلالِه
بِتورِم،وِی دل یِخِنا دیری؟
مِه چَن بِرمِیلِت اِ چِیمِت دویرِم
چِیمِم اَخینَه کِی هِنا دیری
مِه بُومَه سِیکه کمُون بِرمِیلِت
گِه گُو دشمنی وَ مِنا دیری
هَنی دل خوئَه،مِه اَ دل نیئِه
چِیمِی چُه؟وِی قَص کُشتِنا دیری؟
کوشکا عاشخ بو تا گَه بِزُونِی
عاشخ هم دلِی چُی حِنا دیری
خوشالَه یَکِی اَ دَم دَر دلِت
یِه چاوی رِیژِ آشِنا دیری
تا وَ یِه فَنِی اُو بُرِی اِ نُوم
چوینگِه رّی وَ دَر پِشتِنا دیری
اما تو دِلِت بیسَه کُچِکِی
چُی کُچِککُنا یِه کُنا دیری
تِیخِم نِمورّی بِیل بِنیشمِی سا
نِموشی امیر هم گُنا دیری؟
معنی برخی از واژگان:
اِ بِنا:از ته دل،ریشه ای
رِٓن:مکر،فریب،شیوه ،روش
مِنا:منع،ممنوعیت
دَوّ دسور:شیوه،روش
تُن:تند،تندی
یِخِن:گِل آلود
هِنا:صدا،دید چشم،سوی چشم
قَص:قصد
چاوی ریژ:آبدارچی
کُچِک:سنگ
کُنا:سوراخ،راه
#امیر_شعبانی#دل_کچکی#لکی_چر#لکی_وش#شعر_لکی⚘
🦋 به کانال
#گلونی_laki بپیوندید.
@Alshtariii 🦋 ⚘
