🎵🎼گُلوَنی💥Laki🎶🎶

#قسمت_هشتم

کِچی بردیا نِزیک نیم ساعت مین اتاق وا لیلا چِنه میزَه ، او نیم ساعت چَن یه سال سی مه گذشت
همش دِه هول یِنه بیم که ننه قمرتاج نیا!
بالاخره بعد نیم ساعت اوما وه در خدافظی گِرت و رت
فوری جِستم مین اتاق گوتم:
لیلا!! چی بی؟ چی گوت؟
لیلا گوت: الحمدالله مِنی لیوه بیئیه! خو معلومه سیچی اومائه و چی گوت!
گوت: هَرچن دونم که ایما و شما وه باو یَک نیسیم ولی ایـ کُر تیامن دوس داره ، ایسه تو گوش خدا! دِه خان اجازه بیر که بیایم کیخایی!
ایسه هم قراره مه وا خان صحبت بکم ، امیدخدا که قبول بکه
گوتم: لیلا! امشو واش صحبت میکی؟
گوت: تا بینم چی پیش بیا! ولی بِیل وت بوئم که خان وه ایـ راحتی قبول نمیکه...
🐞
خومم دونِسم که محاله خان قبول بکه ولی حاضر بیم سی عشقم دَس وه هر کاری بزنم
آخه دوس ناشتم شی بکم وه کُر خانی!
دام همیشه وم میگوت: روزی که خان اومائه وه کیخائیم ، هرچی دختر دِه آبادیمو بی وِم حسیدی میکردن آرزو داشتن جا مه بان
ولی بعدا پشیمو بیم
زینه خان که بویی وه راحتی هوو میاره وه سرت...
هِه اوچه تصمیم گرتم که هیچوَخت وه خان و خانزاده جماعت شی نکم!
🐞
تا نِصم شو حواسم وه بچه لیلا بی تا خاوِم گِرت! نِزیک صو که وریسام سی نماز ، لیلا هوفتیه بی سر جا مه ، وِرداشتمش سی نماز ، وش گوتم: لیلا وش گوتی؟
گوت: وَلا چی بوئم! وش گوتم ولی هِه چِنو که حدس زَم قبول نکرد ، گوت: دِه که تا ایسه رعیت جرئت کرده بیایه کیخایی دختر خان؟!
دِه تو که زینه خانی بعیده که هِه اوچه جَواوش نکردیه!
تازه وش گوتم: کُر خوئیه! گوت: تو دِه کجا دونی؟ ، هول بیم چییِه نگوتم..
🐞
خیلی ناراحت بیم ، مِنِسی کُل دنیا دور سرم غِرّ میاره
یه هفته گذشت!
نه خوم جرئت میکردم وا بوئم حرف بزنم نه لیلا
🐞
تا بالاخره یه روز کِچی بَردیا اوما سی جَواو
زیتر خو تلفن وجود ناشت که قبل اومائن وِمو خَوَر بِیه
یه گِلی اوما مین حونه و ننه قمرتاج دیش!
وش گوت: بفرما! وا کی کار داری؟
گوت: وا لیلا کار دارم!
ننه قمرتاج گوت: واش چاری؟
کِچی هم همه چینه نیا کف دَسش!
ننه قمرتاج چار رنگ عوض کرد گوت: خیلی غلط کردیه تونو لیلا و تیام!
وا چه جرئتی اوماییه کیخایی دختر مه سی کُر چوپونی!
لیلا!! بیا ایچه بینم! سیچی وه مه نگوتیه کیخایی کو اومائه سی تیام؟
نکنه فِک کردیه دِه گَپ ایـ حونه تونی!
حتما مین دلت هم خَنسیه وم گوتیه: ایـ دایا خِرفتن ول کو!
بِیل ایواره خان بیا تا چی خویی سیت بوئم!
هِرّییيیی خانم! ایما تیله سگ هم وتو نمئیم چه برسه وه دختر!
لیلا وه ننه قمرتاج گوت: خان همه چینه دونه! وش گوتمه!
کِچی فقیر سِیلی دِه مه کرد ، سرش وَن هار و رت..
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_هفتم

بالاخره نومَنه واز کردم
چَنی هم دَسخط قشنگی داشت
🐞
اوّل صو رتم پشت حونه ولی بردیانه نئیم
وه گمونم او روز نتونس بیایه سی آو
ورگشتم حونه و رتم تِه لیلا
بابت همه مهربونیاش دِش تشکر کردم و وش گوتم که بردیا نومه ای سیم  نوشته
لیلا یه گِل هَنی نومنه بلند وَن:
"سلام دختر خان!
ببخشید که نومه سیت نوشتمه ، وه خدا مه اصلا اهل ایـ مسائل نیسم
نومم بردیائه ، امسال اومامه وه آبادی شما ، پارسال وه دستور رضاشاه
ژاندارمری ایل و طایفمونه تبعید کرد وه ولات دیری
دِه یه شو زِمسونی ، قَری دُز و غارتگر نِصم بیشتر گَله طایفمونه بردن
من و بوئم و چارنفر هَنی وا اسب و تفنگ رتیم وه دماشو و دِه مین تَنگی گیرشو آوردیم و واشو درگیر بیِم
گَلنه دِشو گرتیم ولی بوئم گولَه ای هَرد و فوت کرد ، دام هم بعد فَهمسن چاو بوئم خودکشی کرد...
بعد چَن وخت ، من و برارم ، شوئاشو جِستیم و ورگشتیم لُرسو
اومائیم ته بوئت و دِه آبادیتو جایی وِمو دَه
ایسه هم هرروز من و برارم گَله آبادیتون جمع میکیم و موریمشو وه کوه تا ایواره!
یَه شرح زندگیم بی
دِه روز اوّلی که دیمته عاشوقت بیمه❤
ولی چه فایده...
تا ایسه هیچ کَس نه دیَـه و نه شِنفته که خانی دخترش بِیه وه چوپونی...
🐞
لیلا گوت:
خا ایسه وه نظرت چی بکیم؟
وش بو اَر عامویی ، حالویی چیِه داره بَفرسنه کیخایی تا مه وا خان صحبت بکم
گوتم: مَر نَوَنی که مین نومه گوته هیچکَسن نارم!
لیلا گوت: چِنی که نموئه! ایما هم رسم و رسوماتی داریم...
🐞
اوّل صو ساعت شیش دوارته رتم سر چشمه ، مَنم تا بردیا اوما
وا تَرس و لرز وش گوتم: اَر کَسینه داری بفرس کیخایی تِه لیلا ، فقط یادت با تِه ننه قمرتاج نروئه!
گوت: کِچیه دارم دِه شهر ، حتما ایـ هفته هرطوری بیه میارمش
🐞
ورگشتم وه حونه
او یه هفته خیلی سخت وم گذشت ، فقط یه خَوَر خو میتونس حالم خو بکه!
یکی دِه بیترین خَوریایی که دِه عمرم وم گوتنه👇
لیلا فارغ بی و کُری آورد...
خیلی خوشحال بیم
نه سی خوم نه سی بوئم ، فقط سی لیلا!
حیف بی که لیلای مهربون وه سرنوشت دام گرفتار با...
🐞
بالاخره بعد یه هفته ، زینه تقریبا پنجاه ساله ای که دِه سر و تیپش معلوم بی که دِه شهر اومائه ، اوما حونمو
تا چَشم هَرد وش دونِسم کِچی بَردیائه
دوئسم تِه لیلا گوتم:
لیلا!!! اومااااا
گوت: کی؟
گوتم: کِچی بردیا! فقط سریع تا ننه قمرتاج نئیشه بیا!
لیلا اوما و کِچی بردیانه مِکیس کرد وه حونه
مه هم خسرو کُر لیلانه گرتم بغل ، کُوشیا کِچینه قایم کردم و نگهبانی دَم که یه موقه ننه قمرتاج نیا و قضیَنه بفهمه...

#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥