🎵🎼گُلوَنی💥Laki🎶🎶

#قسمت_هفتم

بالاخره نومَنه واز کردم
چَنی هم دَسخط قشنگی داشت
🐞
اوّل صو رتم پشت حونه ولی بردیانه نئیم
وه گمونم او روز نتونس بیایه سی آو
ورگشتم حونه و رتم تِه لیلا
بابت همه مهربونیاش دِش تشکر کردم و وش گوتم که بردیا نومه ای سیم  نوشته
لیلا یه گِل هَنی نومنه بلند وَن:
"سلام دختر خان!
ببخشید که نومه سیت نوشتمه ، وه خدا مه اصلا اهل ایـ مسائل نیسم
نومم بردیائه ، امسال اومامه وه آبادی شما ، پارسال وه دستور رضاشاه
ژاندارمری ایل و طایفمونه تبعید کرد وه ولات دیری
دِه یه شو زِمسونی ، قَری دُز و غارتگر نِصم بیشتر گَله طایفمونه بردن
من و بوئم و چارنفر هَنی وا اسب و تفنگ رتیم وه دماشو و دِه مین تَنگی گیرشو آوردیم و واشو درگیر بیِم
گَلنه دِشو گرتیم ولی بوئم گولَه ای هَرد و فوت کرد ، دام هم بعد فَهمسن چاو بوئم خودکشی کرد...
بعد چَن وخت ، من و برارم ، شوئاشو جِستیم و ورگشتیم لُرسو
اومائیم ته بوئت و دِه آبادیتو جایی وِمو دَه
ایسه هم هرروز من و برارم گَله آبادیتون جمع میکیم و موریمشو وه کوه تا ایواره!
یَه شرح زندگیم بی
دِه روز اوّلی که دیمته عاشوقت بیمه❤
ولی چه فایده...
تا ایسه هیچ کَس نه دیَـه و نه شِنفته که خانی دخترش بِیه وه چوپونی...
🐞
لیلا گوت:
خا ایسه وه نظرت چی بکیم؟
وش بو اَر عامویی ، حالویی چیِه داره بَفرسنه کیخایی تا مه وا خان صحبت بکم
گوتم: مَر نَوَنی که مین نومه گوته هیچکَسن نارم!
لیلا گوت: چِنی که نموئه! ایما هم رسم و رسوماتی داریم...
🐞
اوّل صو ساعت شیش دوارته رتم سر چشمه ، مَنم تا بردیا اوما
وا تَرس و لرز وش گوتم: اَر کَسینه داری بفرس کیخایی تِه لیلا ، فقط یادت با تِه ننه قمرتاج نروئه!
گوت: کِچیه دارم دِه شهر ، حتما ایـ هفته هرطوری بیه میارمش
🐞
ورگشتم وه حونه
او یه هفته خیلی سخت وم گذشت ، فقط یه خَوَر خو میتونس حالم خو بکه!
یکی دِه بیترین خَوریایی که دِه عمرم وم گوتنه👇
لیلا فارغ بی و کُری آورد...
خیلی خوشحال بیم
نه سی خوم نه سی بوئم ، فقط سی لیلا!
حیف بی که لیلای مهربون وه سرنوشت دام گرفتار با...
🐞
بالاخره بعد یه هفته ، زینه تقریبا پنجاه ساله ای که دِه سر و تیپش معلوم بی که دِه شهر اومائه ، اوما حونمو
تا چَشم هَرد وش دونِسم کِچی بَردیائه
دوئسم تِه لیلا گوتم:
لیلا!!! اومااااا
گوت: کی؟
گوتم: کِچی بردیا! فقط سریع تا ننه قمرتاج نئیشه بیا!
لیلا اوما و کِچی بردیانه مِکیس کرد وه حونه
مه هم خسرو کُر لیلانه گرتم بغل ، کُوشیا کِچینه قایم کردم و نگهبانی دَم که یه موقه ننه قمرتاج نیا و قضیَنه بفهمه...

#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_ششم

کم کم وا لیلا احساس راحتی میکردم
لیلا فقیر زینه مهربونی بی و هیچوَخت گَنیه دِه حق ایما نکردی ، تازه بالاخره اَر لیلا هم نئیه بوئم یَکی هَنینه میهاس!
دوس داشتم دوارته ساعت شیش روئم سر چشمه بَردیانه بئینم ، دِه یه لا هم میگوتم اَر یکی اوچه بئینم و وه بوئم گزارش بِیه بوئم گیسیام موئرّه...
تازه ممکن بی اصلا بردیا وه مه علاقه ناشتوئه ، بعدا روئه تِه همه چاو بونه که دختر کدخدا سِه مَخو "موس موس" کرده وه دُورم ، بی محلش کردمه...
🐞
او شو خیلی وا خوم کلنجار رتم که نروئم سر چشمه ولی بالاخره رتم...
رتم پشت دیوار حونه و دِه ترس یِنه که کَسی اوچه نئینم ، مَنم و مَنم تا بردیا و برارش دِه دیر دیاری بین
هاسِم روئم وه طرفشو ، پایام رِکو میزن و لَرزی بورّس دِه بدنم
بالاخره وه تَپ و سُرّ رتم وه طرفش
بَردیا سِیلی دِم کرد ، لوخَنی زَه ، هاسِم روئم طرفش ، یِه دَفه دوتا زینه وا مشکه اومان سر چشمه ، ورگشتم وا دِما...
بالاخره حداقل اوچه مطمئن بیم که بردیا هم مِنه دوس داره...
🐞
موقه ورگشتم وه حونه ، ننه قمرتاج تِه طویله بی گوت: هووو! گیس تاشِسه اوّل صو کجا بیئیه؟ گَمو نکو ناوِنم چه غلطی میکی😲
🐞
جِستم دِه حونه و چِنو زَلم رَت که نِزیک بی سِتکه بکم
دِه ترس یِنه که رُسوا نوئم کاملا لال بیم ، لیلا گوت: دخترکه هم چته؟ جواوش نَدم و رتم زیر پتو
🐞
دوارته عار وِم نِفتا و ساعت شیش رتم وه وعده جا!
پشت درختی قایم بیم ، بردیا و برارش،که اومان ، اومام وت دیار!
برار کوچکش وا نومه اوما طرفم ، نومَنه دَه وم و رت!
چِنو خوشحال بیم ، نومنه گرتم و نیام وه دو ریـ وه حونه
سریع سورمه چَشم پاک کردم ، لباسیام عوض کردم و جِستم زیر پتو
دِه ترس یِنه که ننه قمرتاج نیا و مُچم بیره نومنه قایم کردم
او روز تا شو فک میکردم کُل مردم آبادی مِنه اوچه دینه ، احساس میکردم اَر نومنه واز بکم ، هزار نفر میا بالا سرم!
بعد شوم هاسم روئم مین اتاقم سراغ نومه ، لیلا گوت:
تیام ، ایمشو حالم خو نی! بی زحمت بِس بالا سر بچه تا بوفته!
اعصابم هیرد بی ، هاسم هِه اوچه خفش بکم!
بالاخره بچه هوفتی و مه هم رتم مین اتاق
هیشتم تا نِصم شو ، مطمئن بیم حتی چوپونیا آبادی هم هوفتینه اوسه وازش کردم...
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥