نزانستم کِه گُر گیسِت کُشا نوی
تنگی قورِت وَناخوین دَروِشانوی
تو مال هومسا وَکاسِمسا گِلا داین
گَنِم هواردی هُ روش درپاگشانوی
نزانستم که آو هار نوم چه کِرتی
عِه ویژنگ آو بِرین دل اَر خِشانوی
وَهر لا وا بچو گیسِت وَشنیار
حَلاجی پَم عِه پَم دسَ ار دِشا نوی
اگر چیمت نموینی، دَم گِلاده
تَلِت اَربان لَشی بِریا که شا نوی
یِ لا اَر تَش اَلا اَر تَش سوزانی
سَرِت اَر مُهر و مِهرت سَرعِشانوی
مه پولا تا تو پولا اَر یِه کولا
گِرِک کِردی وِتِت جامان بَشا نوی
اَرا ماچی عِه دَم کوانِگ دَمت بیم
نزانستم دَمِت مشکل گشا نوی
#رضا_رضایی#شعر_لکی⚘
🦋 به کانال
#گلونی_laki بپیوندید.
@Alshtariii 🦋 ⚘