قصيدة في خدمة سيد الشهداء ع
يا أميري وانا عبدك
وعمري منذور لخدمتك
شگد چبيره خادم يسموني
شگد چبيره بعابس يشبهوني
*------------------------------------*----------------------------------*
افتخر بــيـــــن المَلَه خادم اصيـر
واسمي الصغير يصير شگد چبير
والله والله اليخدمك يــصبح اميـر
والخدم غــيـــرك يظل بالذل فقير
هذا دربي وللنهايه
اختم ويــاك البدايه
شعندي غيرك اخدمك بعيوني
شگد چبيره بعابس يشبهوني
*-----------------------------------*----------------------------------*
انت التوصل العبد ارفـــــع مقام
انــي عبدك وابعث عليك السلام
بهيچ خدمه وين احصـل احترام
راسي عالي وچني مرجع للانام
انت ديني والعقيده
فازوا الصاروا عبيده
بهالشعيره الوادم يحسدوني
شگد چبيره بعابس يشبهوني
*------------------------------------*----------------------------------*
انت انسان وملك كلش حنون
حقي احبك واوصل لحد الجنون
مالي غيرك يالحبيب احسبني جون
دمعه عمري بمجلسك فوك الجفون
يالحبيب ودنــيــــا شفتك
بروحي عاش وما تركتك
صرت اسيره وحبه صار جنوني
شكد چبيره بعابس يشبهوني
*------------------------------------*----------------------------------*
الله يدري بحبه عابرهه الــحــدود
تبقى ديني وقبلتي ومعنى السجود
بــــلا هناية وقصتي قصت خــلــود
ابتعد واشتاق الك والحب يـــــزود
يا حياتي وسر كياني
شرفتني وعــبدك اني
والله حيره شحچي للاموني
شگد چبيره بعابس يشبهوني
*-----------------------------*---------------------------*
بكل محرم الهج بــذكــــرك واعيــد
بگلبي والساني رفـعت اسمك نشيـد
انــي مـن دونك عدم عمري شيفيـد
تملكت روحي وصرت حبل الوريد
هيمتني ودمعي جاري
يــالــي حـبـك افتخاري
وين اديره شوفي وانت عيوني
شگد چبيره بعابس يشبهوني
*-----------------------------*---------------------------*
ضلمه دربي بالدمع شفتك صباح
صعبه مثلك راسك تشيله الرماح
تنزف عيوني بكثر نزف الجراح
حالي حــال الطير فــاگـد للجناح
ويــبقى عهدي وللمنيه
بدمعي اواسي للزجيه
كله غيره ما يخيب ضنوني
شگد چبيره بعابس يشبهوني
*-----------------------------*---------------------------*
✍ بقلم خادم الحسين ع
الشاعر رعد الچريخي
:
🎤💥💥💥💥💥💥💥🎤⬆️ كروب ثوار الامام الحسين ع
⬆️ 👇🎖رابط الكروب
🎖👇https://t.me/joinchat/Dm7LlFLW9r17mNRkDjTtfw🚫مجموعة قنواة
🚫👇👇👇 #قناة_نعي @pwvhj #قناة_مخزن @alirsvl#تجدون_الحانكم @qrtahu #قناة_خاصه @Alispary❎❎❎❎❎❎❎❎🦋#ادارة_المجموعه_ملا_علي_الوسطي#اشراف_الاخة_ام_يوسف💫
