♥️قنآة نعي للشعراء♥️

Channel

3.69K

subscribers

قناة نعي لكل الشعراء الحسينيون كل ماهو جديد بادارة ملأ علي الواسطي بوت تواصل 👈 @Alizbynewbot @Xfwrtas_bot

Love Center - Dating, Friends & Matches, NY, LA, Dubai, Global

Find friends or serious relationships easily

♥️قنآة نعي للشعراء♥️

نعي للامام الكاظم عليه السلام
****
فوگ الجسر مطروح نعشه
وبغداد كلها اليوم وحشه
اشلون العزيز يموت غبشه
خل ناخذ افراشه ونفرشه

ناده المنادي وبجه العيون
راح ابن جعفر لا تتانون
خلص حياته بسجن هارون
ونعش الغريب ايريدله امتون

ون الجسر وشتد نحيبه
وامصيبة الكاظم مصيبه
وجنازته ضلت غريبه
وبعلته تحير طبيبه

محروم من الشمس محروم
اشلون الغريب يموت مسموم
طحنه وبعد ما نكدر نگوم
ومهموم يتوجه اعله مهموم

كلش خسارتنه جبيره
ومن شال شيله عشيره
حيرتنه بعده اشلون حيره
راح البعد ما نلگه غيره

للمكبره خل نمشي وياه
مو عالمتن عالروس شلناه
اتراب الكبر ياحيف غطاه
الشايل عزيزه وين نلگاه
**
الشاعر
تحسين الخفاجي

155 viewsامي في ذمة الله 😭😭, 09:19

♥️قنآة نعي للشعراء♥️

نعي مفجع
الى مولاتي زينب ع

ويـنـه الـيـجـي ياخـذ رسـالـه
مـنـي لــعِــد راعـي الـكـفــالـه
ايـگـلـه بغرب حالـتـهـه حـالـه
گـرّب يـومـهـه وذكـرت دلالــه

ويـنـه اليروح الـوادي لطفوف
ويكتب عـلـيّـه بـهـاي معروف
يگصـد اخـوي الشهم ويشوف
يوصّل سلامي بگـلـب ملهوف

ويــنـــه الـدره بـالـصـار بــيــه
مـهـتـم اريــده ايـمـــر عـلـيــه
اوصّـيـه بـس هــاي الـوصـيـه
ايـذكّــر هـلـي عـدهـم سـبـيـه

ويـنـه الـيگـلـهـم زيـنـب اتـريـد
تحضر نـعـشـهـه نـاس اجـاويـد
بـلـكـت اخوتـي تـگـطـع الـبِـيـد
وتطوي الفيافي ودرب البـعـيـد

*----------------------------*-------------------*

✍خادم السيده زينب (ع)
الشاعر رعد الجريخي

139 viewsامي في ذمة الله 😭😭, 09:19

♥️قنآة نعي للشعراء♥️

الابوذيات
((السيده زينب عليها السلام))

الزمن من ريحة الاحباب خـــلاچ
ورحل عنج بطف ابعاشور خلاچ
وحـــــيده ابولية الشمات خـــلاچ
وصارت حــــــــظرتج مثلج سبيه
~

الدهر مارحم حالچ ليش يمعون
وگلبچ من مرار الحزن يــــمعون
مادفنـــوچ يم عباس يـــم عون؟
اظن احـــــسين رادچ يــم رقيـه
~

أنه زينب وچـــم حـسره ترابي
ومتت وعيوني لخــواني ترابي
غريبه وبالغرب هـــــــالو ترابي
اولا واحد من اهلي مــــر عليه

~

يــــوم حـــسين للدلال وياه
على امصابه لجــر الاه وياه
يــاخذني يريت الموت وياه
ولا عيش ابغرب واشبع أذيه
~
حيدر بشار الدراجي

110 viewsامي في ذمة الله 😭😭, 09:19

♥️قنآة نعي للشعراء♥️

نعي مفجع

وحـدچ غـريـبـه شـلـون هالـعـام

خـالـي الـصـحـن مـن دون خِـدام

اتـريـد الـمـجالـس شَـدّت احـزام

ودگ الـصــدر يـوصـل لـلـعـظـام

يــاهــو الـبـچـالـچ هــاي الايــام

ومـحـزن عـلـيـچ ولآفـلـه ألـثـام

لالـچ عـشـيـره ولالـچ أعـمــام

ديــرت اعــادي ديــرت الــشـام

عـادوا ابــوچ الــهَــد الاصـنــام

الـلــه يـعــيـنــچ بــيـن ضلام

*------------------------*-------------------*
✍خادم زينب (ع)
الشاعر رعد الجريخي

109 viewsامي في ذمة الله 😭😭, 09:19

♥️قنآة نعي للشعراء♥️

ابيات نعي لمولاتي وسيدتي ام البنين ع

تظل لام البنين ادموعنه اسيل
ونحس وياهه عدنه اهواي تقصير

الحاجه الماتصير وتصعب امرار
بس نذكر حسين اگباله اصير

وذا الزهره ضلعهه صابه بسمار
بضلع ام البين اشكد بسماير

شافت ويل من إفراگ الضعون
وكل يوم اليمرهه تنوح وتحير

تدير الوجه ساعه وتبچي ساعات
وجهه لكربله كل مغرب أدير

تگله افراگ وجهك يبني چتال
لون ترهم وراهه اضعونك نسير

ونمشي لكربله وياكم اهناك
ونخلي الخيل فوگ اصدرونه تغير

وكبل كسرت اضلوعك يبني حسين
تكسر اضلوعي كون الخيل تكسير

واذا يجبر كسرهه الودام وطاب
عسن لا طاب كسرى ولاله تجبير

ومثل ما حالك تغير بالخيول
عسن حالي ييمه يصيبه تغير

الچ يام البنين الدمع ياريت
عيوني وكون أزور الگبر ياريت
الدنيا وي الزمان عليج ياريت
وصبح گبرچ مثل گبر الزجيه

الشاعر احسان الحميداوي

822 viewsامي في ذمة الله 😭😭, 09:40

♥️قنآة نعي للشعراء♥️

#نعي 😭

مولاتي أم البنين تسأل مولاتي العقيلة كيف كان الوادع بين الإمام الحسين وسيدي ومولاي قمر بني هاشم صلوات الله عليهم اجمعين

فقالت 😭:

همزين مـاچـنـتـي تـشـوفـيـن
مــن ودع الـعـبـاس الحســين
كونـچ شايفه الموقف تموتين
من إتشابـگــوا يــم الصواوين

أم البنين ع
بـعـــد يـمـه يزينب سولفيلي
واشسوه ابو فاضل إحچيلي
مــن راح وصــانــي اندعيلي
وحــزّن الچـلــمـات بـدلـيـلي

زينب ع
مـــن ودعـــــاه ودار مــگــــفــاه
وظـل حســين يمه مــحـد وياه
ولعد صوب الشريعه تدورعيناه
ايخاف اعلى اخيه أتغدره اعداه

أم البنين ع
كون حسين يمه راضي اعليه
عـبـاس دونـه ايـمـــوت خليه
راس امــه باچــر يــرتفـع بيه
مـن يـنـذكـر عـبـاس طـــاريه

زينب ع
من طاح صــاح الحگ عضيدك 😭
يم راســي گبل لا اموت اريدك
انـت التغمض عـيـنـــي بــيـدك
ولو حـالـي يبو اسكينه يچيدك

وتالي اتـشـابـگـن وعـيـونـهـن دمـعـن
وطـبـن دار الحســين وغـدن يـبـچـن
والــنـســــوان ملـتـمـات وايـسـمــعـن
زينب لأمها شنهـي اتگول واشيحچن

محد مثل ابو فاضل /وفي چان
سـور وســتر لعياله /وفيّ چان
چفه وهامته وعينه / وفا چان
كله ومستحي امن أمه الزچيه

نسألكم الدعاء

سيد حسين الياسري

#اللهم_عجل_لوليك_الفرج

628 viewsامي في ذمة الله 😭😭, edited 09:39

♥️قنآة نعي للشعراء♥️

ابوذيات بمناسبة وفاة ام البنين
سلام الله عليها

مصايب لفت يصعب حيل عدها
شگد چانوا بدور وگمر. عدها
حرب لأم البنين الوكت عدها
خله الدار بس وحشه وخليه
★★★★★
الوفيه ام البنين الآل طالب
لفاها الدهر الها بيش طالب
الوفه اتعلم وفه من صار طالب
ابمدرسة الوفاء الكلابيه
★★★★★
بچبدها لوعة العاشر ومرها
لفاها الموت من راحوا ومرها
ابحيره رايها اصبح ومرها
عگب ذاك الجره بالغاضريه
★★★★★
بآل المصطفى دايم وجدها
الضَيَّعها ابمحبتهم. وجدها
من ابوها أمأصله فاطم وجدها
اشگد ضحت الحماي الحميه
★★★★★
عدها ورورد من تذكر وردها
خذاها الشوگ يم الطف وردها
خبر من كربله يكتل وردها
اهلها اتذبحوا. فوگ الوطيه

الشاعر حسن لعيبي الحريشاوي

478 viewsامي في ذمة الله 😭😭, edited 09:39

♥️قنآة نعي للشعراء♥️

نعي لسان حال ام البنين (ع)

كل البجي لولد الزجية
وافديتهم بهل الحمية
و ما كصروا دون السبية
بس كون ترضى امهم عليه
____
يامن على مصابي تونون
كل البجي والنوح لام عون
وياي اريدنكم تنوحون
نواسي الغريبه بدمع العيون
_
كل يوم اصيح وتهمل العين
الله يعينج يخت الحسين
شفتي هلج كلهم مطاعين
لمصيبتج ما يكفي الونين
____
هل دنت ساعات المنية
وين اليصل للغاضرية
خل ولدي تحضر كلها اليه
وتشيل نعشي بهالمسية
___
الام بالمنازع يهالناس
لولادها يوديها الاحساس
وام البنين بآخر انفاس
صاحت اريد وليدي عباس
__
يعباس نعش امك تشيله
وفوكي الترب بيدك تهيله
ودمعك على كبري تسيله
مال الزمان شلون ميله
___
خادم اهل البيت ع
الشاعر عبد العظيم احمد الابراهيمي

438 viewsامي في ذمة الله 😭😭, 09:39

♥️قنآة نعي للشعراء♥️

ابو ذيات بحق ام البنين عليها السلام.
------------
ثدايه الطيب در الوفه داريت
وعلي دنياي دورة حزن داريت
انه ام البنين شكثر داريت
وفديت اشبول للزهره الزجيه
------------------

عگب شباني هذا العمر مارد
وسهم افراگهم للچبد مارد
ليش حسين ويه الظعن مارد
وكواكب اربعه امقدمه هديه
---------------------
آنه اشچم عين لمصابي بچتلي
وعيون السمه اوياهن بچتلي
فگد حسين سيف وهم بچتلي
فديته باربعه ومارجع ليه
------------
سيد عدنان الحمامي

372 viewsامي في ذمة الله 😭😭, 09:39

♥️قنآة نعي للشعراء♥️

#تراث #نعي
گصد بشر ابـن حـذلم للمدينه
گام ايصيح ويهـل دمـع عـينه
يهل يثرب غـدت مـنكم العـينه
عليكم وطـن يثرب بعد يحـرم
ــــــــــــــــــــــــــــــــــــــ
طلعت كل أهل يثرب امن الدور
تصیح ابهون يالراجب على الكور
صوتک صار يشبه نفخة الصـور
اخذ منه الگلوب او لا عگـل تم
ــــــــــــــــــــــــــــــــــــــ
لفتله أم البنين اتـصيـح بـالهون
يبن حذلم رجنت ابصوتک الکون
الي غياب عدهم حـرم و ضعون
اومن صوتک رجف گلبي او تشئم
ــــــــــــــــــــــــــــــــــــــ
دگلي امنين اجيت اونیتک وین
واشعندک خبر گلي امن الحسين
نشد یا ناس هاي التنشد امـنين
أم عبـاس صـاحوا يـبـن حـذلم
ــــــــــــــــــــــــــــــــــــــ
یگـلها عـظم الله اجرج ابجـعفر
وعبدالله و عثمان المشكـر
وبوفاضل گـمـر هـاشم تگنطر
ابشاطي العلكمي اوجسمه تخذم
ــــــــــــــــــــــــــــــــــــــ
تگـله و الجـفـن تـيـار دمـعه
كـل الـكـون و الساجن الوسـعه
يبن حـذلم او ويـلادي الاربعه
فدوه اتروح بس احسين يسـلم
ــــــــــــــــــــــــــــــــــــــ
یگلها عـظم الله اجـرج بلحسين
بگه ابوادي الطفوف ابغير تچفين
او لفه السجاد بضعون النساوين
او نصب بـره المدينه الهـم الخـيم
ــــــــــــــــــــــــــــــــــــــ
سمعت ابهـذا الخـبر مـنه
كثر ويد البچه او صار الهـا حنه
طـلعت تجذب الوادم الونـه
تدگ عالروس و على الوجه تلطم

السيد عبد الحسين الشرع

#اللهم_عجل_لوليك_الفرج

392 viewsامي في ذمة الله 😭😭, 09:38

♥️قنآة نعي للشعراء♥️

نعي بحق ام البنين عليها السلام
___
يا نبع الوفة ونبع المحنة
يم كَلب الحنين الماكو منة
ياحرة دليليچ ما تهنة
شالوا كل هلچ حكَچ تونين
____
عليچ الدار وحشة ابلاية والي
بدار حسين دمعچ ظل يلالي
تصيح احاه اه يبني يغالي
بعد روحي تنادي يبني يحسين
__
دنت ليها المنية ام كَلب محزون
تتمنى الولد يمها يحظرون
على فراش المنية ادير العيون
تنادي الموت اجاني ها يطيبين
___
هاي ام البنين اتعالج الموت
چا وين الولد ما سمعوا الصوت
خل عباس يمشي اليوم زاتوت
عزيزة الوالدة تستاهل ونين
____
يشيلون النعش تتمنى الاولاد
لچن يا حيف عنها شالوا ابعاد
يفكَد الوالدة للچبد مراد
وحيدة والولد عنچ بعيدين
____
يهيلون التراب عليچ ولدچ
تمنيتي يجون ابيوم لحدچ
تلكَاچ الحسين وموش وحدچ
واجوچ امه وابوه الكل محزنين
__

أسالكم الدعاء رائد الاسدي

551 viewsامي في ذمة الله 😭😭, 09:38

♥️قنآة نعي للشعراء♥️

نعي بحق ام البنين عليها السلام
___
يا نبع الوفة ونبع المحنة
يم كَلب الحنين الماكو منة
ياحرة دليليچ ما تهنة
شالوا كل هلچ حكَچ تونين
____
عليچ الدار وحشة ابلاية والي
بدار حسين دمعچ ظل يلالي
تصيح احاه اه يبني يغالي
بعد روحي تنادي يبني يحسين
__
دنت ليها المنية ام كَلب محزون
تتمنى الولد يمها يحظرون
على فراش المنية ادير العيون
تنادي الموت اجاني ها يطيبين
___
هاي ام البنين اتعالج الموت
چا وين الولد ما سمعوا الصوت
خل عباس يمشي اليوم زاتوت
عزيزة الوالدة تستاهل ونين
____
يشيلون النعش تتمنى الاولاد
لچن يا حيف عنها شالوا ابعاد
يفكَد الوالدة للچبد مراد
وحيدة والولد عنچ بعيدين
____
يهيلون التراب عليچ ولدچ
تمنيتي يجون ابيوم لحدچ
تلكَاچ الحسين وموش وحدچ
واجوچ امه وابوه الكل محزنين
__

أسالكم الدعاء رائد الاسدي

924 viewsامي في ذمة الله 😭😭, 11:02

♥️قنآة نعي للشعراء♥️

#نعي

لمولاتي ام البنين صلوات الله عليها

لما دخل بشر بن حذلم الى المدينة منادياً يا اهل يثرب لا مقام لكم بها .قتل الحسين فأدمعي مدرارُ ، تجمعت عليه اهل المدينه مالخبر ايها الناعي قال الخبر عند قبر رسول الله ص .وبعدما ارتفع صوت الناعي إذا وصل الئ مسامع السيده ام البنين ع ولما سمعت قول الناعي قُتل الحسين ..قامت ووقعت على وجهها ثلاثاً وصارت تتبع صوت الناعي وهي تحمل على منكبها الفضل بن العباس ع ..وكأني بلسان حالها..

مـحــد گــــال للناعـي أيـتــوانــه
مـــر بــديــارنـه ابسـاع وجزانــه
والــخــوف مــن صوتـه خـذانــه
بخبر ميشوم أظن عنده أمنجانه

بعد شتكول :

وينـــه الــيـعـطـل الناعــي وينـه
گبــل لايطــلـع ويــجـزي المدينه
وبلكي اخـبـار سامــع عـن ولينـه
أفــرجــوله الدرب خلـــوا يجينـه

وحين الــوصـل يم الباب ناعيها
والتمت علــيه يثــرب بأهــاليها
سولف يهل ناعــي كربله اشبيها
گاللهم مـــره توصــل امـتــانيها

مــن مـر بالمدينه اطـلـعـت كلها
وگام يصيح زيـنـــب وين أهلها
زيـنـب تــــــــرى مــــات الكفلها
وشافـــوا طـولـهـا الماطلع ظلها

صدگ من گالي الناعي او خـبرني
أبچتل عباس فت گلبي أوضهدني
لــچـن روحـــي يم زينب خــذتني
ونسيت الطفل شايلته اعلى متني

رســالـه للسـمـــع بــــيّه ارد أودي
واريد الماعرف يفتـهــم گــصـدي
ترى الزينب دمعــتـي مــو الولدي
وهــــــذا الـيــوصـل وينفهم ودي

نسألكم الدعاء

السيد حسين الياسري

#اللهم_عجل_لوليك_الفرج

734 viewsامي في ذمة الله 😭😭, 11:02

♥️قنآة نعي للشعراء♥️

#نعي

مولاتي ام البنين روحي فداها

حانت منيتي وهذا حدي
وياهو اليوسد بيده خدي
چانو خمس اولاد عنـدي
وهسه وحيده بغـير ولـدي

ريض الدفن ما كفت العـين
لهسه تتاني يلفي الحــسين
يرجعولّي بلكي المضعـنين
الصاير عليهم گلبي نصـين

ياهو اليگلهم امكم تـنوح
والنعش فوگ الگاع مطروح
تنتضر واحد مات مـذبوح
وهيه بنعشها النضر مشبوح

لأربع ولـد ما صـار وني
بس فگد ابو سكينه كتلني
روحي وعزيز الگلب يبني
شمحلاها لو بـيده دفنّـي

سنين الفگد للدلال -- ولمن ( آلمن)
ونوحي واللطم بجفاك -- ولمن
المن عايشه يحسين -- والمن
اشتم هوه وما ترجع عليه

عبد العليلـه
✍حيدر ابو كيان الفاطمي

#اللهم_عجل_لوليك_الفرج

602 viewsامي في ذمة الله 😭😭, 11:02

♥️قنآة نعي للشعراء♥️

#نعي

لمولاتي ام البنين صلوات الله عليها

لما دخل بشر بن حذلم الى المدينة منادياً يا اهل يثرب لا مقام لكم بها .قتل الحسين فأدمعي مدرارُ ، تجمعت عليه اهل المدينه مالخبر ايها الناعي قال الخبر عند قبر رسول الله ص .وبعدما ارتفع صوت الناعي إذا وصل الئ مسامع السيده ام البنين ع ولما سمعت قول الناعي قُتل الحسين ..قامت ووقعت على وجهها ثلاثاً وصارت تتبع صوت الناعي وهي تحمل على منكبها الفضل بن العباس ع ..وكأني بلسان حالها..

مـحــد گــــال للناعـي أيـتــوانــه
مـــر بــديــارنـه ابسـاع وجزانــه
والــخــوف مــن صوتـه خـذانــه
بخبر ميشوم أظن عنده أمنجانه

بعد شتكول :

وينـــه الــيـعـطـل الناعــي وينـه
گبــل لايطــلـع ويــجـزي المدينه
وبلكي اخـبـار سامــع عـن ولينـه
أفــرجــوله الدرب خلـــوا يجينـه

وحين الــوصـل يم الباب ناعيها
والتمت علــيه يثــرب بأهــاليها
سولف يهل ناعــي كربله اشبيها
گاللهم مـــره توصــل امـتــانيها

مــن مـر بالمدينه اطـلـعـت كلها
وگام يصيح زيـنـــب وين أهلها
زيـنـب تــــــــرى مــــات الكفلها
وشافـــوا طـولـهـا الماطلع ظلها

صدگ من گالي الناعي او خـبرني
أبچتل عباس فت گلبي أوضهدني
لــچـن روحـــي يم زينب خــذتني
ونسيت الطفل شايلته اعلى متني

رســالـه للسـمـــع بــــيّه ارد أودي
واريد الماعرف يفتـهــم گــصـدي
ترى الزينب دمعــتـي مــو الولدي
وهــــــذا الـيــوصـل وينفهم ودي

نسألكم الدعاء

السيد حسين الياسري

#اللهم_عجل_لوليك_الفرج

595 viewsامي في ذمة الله 😭😭, 09:15

♥️قنآة نعي للشعراء♥️

#نعي
عزاء الفواطم ومولاتي أم البنين
صلوات الله عليهن

ياهي الجايه ومنتظره عالباب
اظن هاي الوفيه وام الاطياب
تعالي ياشـريجـتـنه بالامصاب
الج حگ البجي ولازم تنـوحين

تعالي وجابـليـني وخـل نـون حيل
انمـنعـت امن البواجي اهناك بالليل
وشيسكت لاخـوها داسـته الــخـيل
گلبي امن الهظم مجسوم نصين

و اجت ام البنين وحــسها مبحــوح
و خدها امن اللطم عالوالي مـجروح
صاحـت صـدگ عود احسين مذبوح
وضل مطروح جسمه بالميادين

ولـدي اهناك خوما قـصرو اوياج
انه مــربـيـتهـم يـمـوتون جــواج
من رحتي اعله هزله ياهو ماشاج
ومحد صاح زينب وين ماوين

زينـب گالت الها . اهناك عــبــاس
وگف وگفه لخواته تــرفع الـراس
بس من طاح هدت عالخيم ناس
واخيالي انلمح يايمه بالعين

اجروح اتگابلن يبجن عله الصار
ثكله بثكله لطــمن واللـطم حـار
مــافـتّــر لطـمــهن بــالــگلب نار
لطم الفاجدات الفگدن ابنين

وام عــباس شـگهت رادت اتمـــوت
ولاجـت من وجعها وصاحت بصوت
صدگ جسمه بحصيره وماكو تابوت
صدگ مسلوب ضل بالهيمه لحسين

ابو حميدة الشويلي

#اللهم_عجل_لوليك_الفرج

553 viewsامي في ذمة الله 😭😭, 09:14

♥️قنآة نعي للشعراء♥️

#نعي 😭

مولاتي أم البنين تسأل مولاتي العقيلة كيف كان الوادع بين الإمام الحسين وسيدي ومولاي قمر بني هاشم صلوات الله عليهم اجمعين

فقالت 😭:

همزين مـاچـنـتـي تـشـوفـيـن
مــن ودع الـعـبـاس الحســين
كونـچ شايفه الموقف تموتين
من إتشابـگــوا يــم الصواوين

أم البنين ع
بـعـــد يـمـه يزينب سولفيلي
واشسوه ابو فاضل إحچيلي
مــن راح وصــانــي اندعيلي
وحــزّن الچـلــمـات بـدلـيـلي

زينب ع
مـــن ودعـــــاه ودار مــگــــفــاه
وظـل حســين يمه مــحـد وياه
ولعد صوب الشريعه تدورعيناه
ايخاف اعلى اخيه أتغدره اعداه

أم البنين ع
كون حسين يمه راضي اعليه
عـبـاس دونـه ايـمـــوت خليه
راس امــه باچــر يــرتفـع بيه
مـن يـنـذكـر عـبـاس طـــاريه

زينب ع
من طاح صــاح الحگ عضيدك 😭
يم راســي گبل لا اموت اريدك
انـت التغمض عـيـنـــي بــيـدك
ولو حـالـي يبو اسكينه يچيدك

وتالي اتـشـابـگـن وعـيـونـهـن دمـعـن
وطـبـن دار الحســين وغـدن يـبـچـن
والــنـســــوان ملـتـمـات وايـسـمــعـن
زينب لأمها شنهـي اتگول واشيحچن

محد مثل ابو فاضل /وفي چان
سـور وســتر لعياله /وفيّ چان
چفه وهامته وعينه / وفا چان
كله ومستحي امن أمه الزچيه

نسألكم الدعاء

سيد حسين الياسري

#اللهم_عجل_لوليك_الفرج

503 viewsامي في ذمة الله 😭😭, 09:14

♥️قنآة نعي للشعراء♥️

نعي للسيده ام البنين ع

>>>>>>>>>>>>>>>>>>>>>>>>>
خذاني الليل وانه امعاتبه الاحباب
وتاني ابيا جرح بس دگة الباب

آلي اعزاز   عندي وراحو الأعزاز
تلوج   الروح   ما ترهم بالغياب

ذبحوني الاحبهم بالهجر ياحيف
تظل اعيوني تذرف دمع سچاب

يجيني الليل ابجروحي اشتكيله
***
اريد احسين وانه الگلب ولهان
كتبت من الهجر ابيات الأحزان

يريت حسين لو يرجع بالضعون
تضوي الدار كلها اگبالي الاحنان

ياوسفه الدهر   خلاني لچمات
وعيش انه الغرب بأهات الاوطان

انه   ام البنين اجروح بجروح
يحسين انذرتهم   فدوه قربان

الگلب مكسور بأهاته ودليله
*
نويت وكون اطب انه .....بلادين
اواسي زينب ابدمعي........بلادين
وصل عباس لخيامه........بلادين

يوصل ماي لسكينه ورقيه

***
تمت بعون الله تعالى الشاعر_يوسف_الفتلاوي

906 viewsامي في ذمة الله 😭😭, 11:41

♥️قنآة نعي للشعراء♥️

Forwarded from قناة خاصه بالمجالس

مو حلو الوداع بهل مسيه **ياحامي الحميه
نعشك هاذه لو نعش الزجيه
ــــــــــــــــــــــــــــــــــــــــــــــــــــــــــــــــــــــ

علي اليله يودع فاطمه الزهرة ** بدموعه الجريه
صعب يتعافه لو يلتم بعد كسره **بفراك الزجيه
اول تالي حيدر منحني ضهره ** والونه خفيه

خل اتصب دمعته ماترجع زهرته
دفن روحه علي حدر الوطيه

ــــــــــــــــــــــــــــــــــــــــــــــــــــــــــــــــــــــ

حمل نعش الحبيبه وصبن ادموعه ** وكاتلته هضمته
علي مثل الزجيه مكسره ضلوعه ** وشيطيب كسرته
هضيمه يون علي وناته مسموعه ** من ودع زهرته

علي اتمنه مماته وي زهرت حياته
دفنته ودفنة الزهرة سويه

ــــــــــــــــــــــــــــــــــــــــــــــــــــــــــــــــــــــ

رجع من الدفن بس راجع اجنازه** دافن بيده روحه
شني ضلته بحياته اليفكد اعزازه** والله يكتله نوحه
اليجازي بخير ليش بجرح يتجازه **ويكثرن جروحه

حيدر ينعه روحه ويامكثر جروحه
ودمعته بفكد فاطمته جريه

ــــــــــــــــــــــــــــــــــــــــــــــــــــــــــــــــــــــ

علي الزينب رجع بس من رجع كبران *بأن بوجها شيبه
وصل البنيته بس من الهضم ذبلان * ياعظم المصيبه
بجه ودنك علي ودمعه يصب نهران **الفراك الحبيبه

مهضوم ويكابر وجرحه بطوله صاير
يزينب راحت الزهرة من اديه

ــــــــــــــــــــــــــــــــــــــــــــــــــــــــــــــــــــــ

يزينب ماتت امج صبي المدمع ** راحت من ادينه
اليضمه اتراب بويه بيادمع يرجع**ايسي ماتجينه
يبويه الروح احس من الجسد تطلع *منذكرها الحنينه

الروحي شكد تودها موتني بعدها
الفكدها كلبي نيران سريه

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

805 viewsتصـــ(ملا علي الواسطي)مــيم...., 11:37

♥️قنآة نعي للشعراء♥️

Forwarded from قناة خاصه بالمجالس

قصيدة ( وحشه داري ) من الحان التراث على وزن المرحوم حمزه الزغير ( دهري ذبني )

وحشه داري يوم المشيتي يمّه يالزهره

*
يـــا يمّـــه وحشه الـــدار هــاي المسيه
وليلي اليمـــر بچـــفاچ ليـــل الــرزيه
يفجعنــي يمـــه الليل لـــو مــر عليـــه
چــم ليله بيها أنصـــاب سهــم المنيــه
وأبقى بحيره يوم المشيتي يمه يالزهره

*

وحشه يــا يمّـــه الدار مـن غبتي عنّـي
من عمري خمس أسنين صاحبني ونّي
بيـــت الحــزن بجفـــاچ وارثتـــه چـنـّي
وادري يظـل للموت يـــا يمّــــه حــزني
ثوبي حزني يوم المشيتي يمه يالزهره

*

يا دمعه أهلها اليوم يا عبره اجـــرهـا
عالمــا وصل عشرين أمـــي عمـرهـا
بخدي أشوفه يصير چــف السطـرهـا
ابصدري أحس تندار لــوعة صدرهـا
وناري تسعر يوم المشيتي يمّه يالزهره

*

يا يمّه شفت النــار ابابـــچ ســـريــه
اتراوتلي چنها أخيـــام بالغاضــريــه
وظلعچ لمَن كسروها أهــل الـــرديه
چني نظرت حسين فوگــــه اعوجيه
أبصدره سحگت يوم المشيتي يمه يالزهره

*

ليل اليمر بجفاچ يسعـــر لهب نــار
سولفتي عنه أهواي وكليبي محتـار
بلا والي اظلن بي ومحاوطه أشرار
لا خيمه لا وليان لا من حمّه وجــار
ليلي يرهب يوم المشيتي يمه يالزهره

*

وصيتي گلبي و نـــار شبـت مسعـــره
وكسر الگلب هيهــات يــداوه كــسـره
گلتيلي قبلــي حسين واشتمّـي نحـــره
يـــا يمه گبـــل الخيل تسحگله صدره
صدري يلهب يوم المشيتي يمه يالزهره

**

الشاعر
موسى البديري

714 viewsتصـــ(ملا علي الواسطي)مــيم...., 11:37