چاي وشعر .

يا الله يا كريم

كتلك كضاني المرض
حط ايدك على الوجع خاطر تطيبني
تسحك برجلك كمت وين اليتعبني !
وياك طاير چنت ومأمن تحبني
شمدريني من سابع سما من نوصل تذبني

تانيت حُضنك دفو
وطالت ليالي البَرد
وضليت اسولف واحَن
واسهِر واروحِن وارد
ومِن تُغفى بيدي اسَتحي
وأشتاگ مَن تبتعد .

جبت بيدي .

غريب أحساسي هالفترة
يومية ملامح وجهي تتغير
ضياعك هذا ما أعبرة
گلب ماعندي مثلك
حتى أنسة الصار
فراغ بداخلي
ولو تعرف شگبرة
واصل مرحلة
الطير اليحط ع البيت
جايبلي رسايل منك أعتبرة .

والكاهم .

لمّن عَفتني وانا راجَع
مُثل المتيه گمّت اباوع
شارع يوَديني على شِارع
بويهَ شثگل جدَمة اليوادع
حَسبالي مِن تروح سهله
ومَا أعيش بعَدك هيج ذلة
اليسّألني رايد شيّ شگلة
بيت اهَلي صّاير مَا اندله .

بنص اهلي .

يا الله يا كريم

عطرك بدة يختفي
من ياخة هدومك
وشلون بية بعد
لا عطر منك بقى
ولا جية رسومك
صح انا مشتاگ الك
بس والله مالومك
والموت لو ينشگف
چان شگفت عنك
دورتك بكل كتر
بس ماكو اثر منك
تريد الصدك والصدك ؟
مشتاگ اشوفنك
وياريت هسه وتجي
ونگعد سوة وتبتسم
وياريت ذاك الحلم
يطلع صدگ مو حلم
شايف جدار وعتگ
هيچي انا جاي انثلم
وبدونك تغيرت
مو نفسي ذاك القبل
لـ عيون هاي نعمت
والوجه ذاكَ ذبل
لا والتحز بالگلب
گالوا فراگك سهل .

دورتك عمر .

فَلَيتَكَ تَحلو وَالحَياةُ مَريرَةٌ
وَلَيتَكَ تَرضى وَالأَنامُ غِضابُ
وَلَيتَ الَّذي بَيني وَبَينَكَ عامِرٌ
وَبَيني وَبَينَ العالَمينَ خَرابُ
إِذا نِلتُ مِنكَ الوُدَّ فَالكُلُّ هَيِّنٌ
وَكُلُّ الَّذي فَوقَ التُرابِ تُرابِ
فَيا لَيتَ شُربي مِن وِدادِكَ صافِياً
وَشُربِيَ مِن ماءِ الفُراتِ سَرابُ .

ايا ليت .