سئوگيليم هیجران منی ، دؤندَردی بير ديوانه يه
اؤخشاديم شمعه يانان بی بال و پر، پروانه يه
سن منی قؤيسايدين عشقين باده سيندن مست اؤلام
ايندی من يالوارمازيدئم ، ساقی و پيمانه يه
اغيارين گؤيلون يامان شاد ائيلَدين ديداريلا
آمما افسوس بيلمه دين كونلوم دونوب غمخانه يه
دونيايا جنّت دييرديم ، سن يانيمدايدين ولی
آيريليق دؤندردی دونيانی بوتون ويرانه يه
چؤخ سنی ، آختارماقا گلديم دالينجا ، بيلمه دين
عاقبت دؤندوم گولوم آختارمادان آواره يه
بسكي تاريخده اؤلان عشّاق تک گولدون منه
عاقیبت ، عشقيم ياييلدی گؤر نئجه افسانه يه !!
من سنين عشقينده دیلبر ، مطلقی قوربان دئديم
اینصافين یؤخدور ، اوجوز ساتدين منی بيگانه يه
#ناشناس🎙#شیدا@navayemastaneh@avayehsheyda2271