مسافة آمان ... من أكتر الأمور الهامة هي أنو تعطي نفسك مساحة ترتب حالك من جوا .. و تترك مسافة أمان بينك و بين الأشخاص يلي مو حابب تخسرهم . وقت تلاقي انو صار في بينكم حالة من الملل و البرود و اللا مبالاة او عدم الاهتمام . اترك لهم فرصة يفقتدوك و يشتاقوا لك ... وقف عن اللوم و العتب و المطاردة تماماً . مسافة أمان و تخفيف من التواصل يلي بسبب أي مشكلة أو حدة بالحكي . متل ما انخلقت مسافة آمان بين الشمس و القمر حتى ما يصطدموا و تنفجر المجموعة الشمسية . متل ما لازم يبقى بين السيارة و السيارة مسافة أمان حتى ما يصير حوادث . هيك العلاقات أحياناً لازم ينترك مسافة أمان حتى نعطي الطرف التاني فرصة يشتاق النا .. يحس بوجودنا .. و يبادر ... فرصة للمبادرة رح تكون كفيلة دائماً انك تحط الكرة بملعب الشخص الثاني و تتأكد إذا هو فعلا افتقدك او لا .. ك شاب او ك بنت .. بعض الأمور الي بتزيد عن حدها غلط تماماً .. متل ما الملح زيادة بيعمل ضغط و متل ما السكر زيادة بيعمل سكري ... التجاهل زيادة بيخرب أي علاقة و بيقتل أي لهفة و بيسرق أي حنية ... و الاهتمام زيادة كمان بخلي الشخص يضمنك .. و أوقات يستغل طيبة قلبك .. و يبطل يهتم فيك و يسأل عنك لأن خلص ضمن انك بالجيبة .. التوازن و الاعتدال هو طريقة لتحافظ على أي شخص بتتمنى يبقى بحياتك طالما أنت مرتاح معو . عزز قيمتك و لا تركد ورا حدا كتير ... و ابني نفسك و ريح روحك كل ما حسيت بالتعب ب انك تكون لحالك و بعيد شوي عن الضجيج يلي حواليك .. .. اهتم بمظهرك و بصحتك و بعملك و بدراستك ... إياك ثم إياك و أنت عم تبني غيرك تهدم نفسك و صحتك ... كون قوي و أي شخص رح يشوفك قوي و يتأكد أنك سند الو ما رح يفكر غير يكون معك ... خليك واعي ... و إذا وعيت متأخر مافي مشكلة المهم تكون صاحب تفكير منطقي و تفهم طريقة التفكير للناس يلي بحياتك حتى تقدر تتعامل معهم صح . و بسلامتكم يا حلوين .