#يازينبرجعنه سبايه---واجينه بحمايه
من اجيت الكربله انه ابأمانك
انته دكيت الصدر صرت بضمانك
هسه اباوع للضعن خالي مچانك
يالرحت شبساع مو هذا اوانك
ضربني ونخيتك--حمتني العبايه
-----------------
من مشه الحادي وحدانه للمدينه
خويه من عيب الخلك ضمينه ادينه
انه زينب وارجعلهه مجتفينه
شكد فرق لمن مشينه ومن اجينه
رحيلك كسرني---وصلت النهايه
----------------
يابوفاضل اكعدلهم شتموني
خويه واشكال الكلام السمعوني
هايه اول مره انادي وماتجوني
وينكم يالجنتو ضلي ادللوني
امامي الشماته--وعدوي ورايه
-----------------
كمت اسولف للرمح عن الجرالي
زحمه صوتي من ارفعه الرمح عالي
احجي عن الصار بيه و عن عيالي
لو اصد لجروح عينه انشده بالي
حقيقة اخيتك---رماد وبقايه
-------------------
خويه والناكه اتعثر ياهو ال اليه
كلهه خويه تصيح جبناهه سبيه
كوم من يم النهر يابو الحميه
وانته تفزع لو سمعت ابهاشميه
سبوني وخذوني--تمنيت المنايه
-----------------
عل رمح راسك تحرك انه شفته
كلي زينب اعذريني من لمحته
زلمه وكباله يشاهد طكو اخته
رغم كل هذا الجرالي بس عذرته
عباتي احركوهه--وتغطيت بسمايه
مهند الشمري
@mohand8989