قناة خطباء المنبر الحسيني للقصائد

#في_الخدمة_المقدسة
#شهادة_السيدة_الزهراء ع
#قصيدة_رباعية


لسان حال أمير المؤمنين(ع) بعد شهادة السيدة الزهراء (ع)

١)بمن العزاءُ أيا كريمةَ أحمدِ
والحزنُ أمسى في حياتي سرمدي
واريتُ روحي مع ترابِ المرقدِ
مَنْ حيدرٌ بعد الرّحيلِ الفاطمي

٢)رفقاً بقلبي من حزينٍ متعبِ
أتغيبُ شمسي عن سماءِ الكوكبِ
وتصيحُ زينبُ أين أمي يا أبي
حولي عيالي في عزاءٍ دائمِ

٣)قد قلَّ صبري يانبيَّ الأمّةِ
أشكو لربي فقد نور أحبّتي
أضحيتُ في أهلي أعيش بغربتي
لرفيقةِ الأيّامِ يحنو عالمي

٤)جاء البغاةُ لكشفِ قبرٍ في الخفا
لم يكفهم ظلمٌ لبنتِ المصطفى
بالسّيفِ أحمي قبرها متلهّفا
أخفيتُهُ عن كلِّ باغٍ ظالمِ


#منال_بجيجي


أعظم الله أجوركم 🙏
لا تنسونا من صالح دعائكم

#قصائد_في_خدمة_الخطباء
#شهادة_مولاتي_الزهراء (عليها السلام)

خلّه فوگ الگبر خدّه .. وصاح آه مْن الهَجُر
صعبه من دون الزّچيّه .. حيدر يْگضّي العُمُر

١/هذا قالع باب خيبر .. راد يوگف ما گِدَر
يحچي وَيْ گبر الحبيبه .. والدَّمِع مثل النَّهَر
علي هذا وِعْلى فاطم .. ظهره من حزنه انْكِسَر
هَسَّه بِغْياب الزّچيه .. منهو يجبُر هالكَسُر؟!

٢/لو رجع للدّار ينظر .. داره صار بْلايه روح
شما يدير عيونه يلگى .. صور أضلاع وجُروح
راح يِگْضي كل حياته .. يبچي عالزّهره ويِنوح
ويذكر الصار على مُحسن .. وونّته بصدره جَمُر

٣/شلون ينظر لليتامى .. زينب حسين وحسن
چانت الزهراء هيّه .. لْعَلي هم الهم وطن
شلون لو رايد يگلهم .. الأشد يخفيه الزمن
ساعد الله الليله حيدر .. جبل صاير من صَبُر

#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#توسل_بمولاتي_الزهراء (عليها السلام)

الى روح سيد شهداء الأمة السيد الأمين وأرواح السعداء...

١/عدنا غالي يالزچيه ما حِضَرناه
إله عْلينا حَگ بَعَدنا ما وِفيناه
وچَم عزيز عْلينا لَسَّه ما دِفَنّاه
نِنْتظر يوم الفَرَج يالزَّهره تدري

٢/ما نِسينا مْصابچ بْرغم المَصايب
رغُم حِزْنِ اللّي بْگلُبنا عْلى الحَبايب
جينا نذكر ضلعچ وذيچ النّوايب
نظره لينا يالزچيه اليوم نُظري

٣/ظلِّلينا بْچَفْ رَحِمتِچ يالزِّچِيّه
وْخَلْنا نصبر عالألم وِعْلى الرِّزِيَّه
خَلْنا نِذكر بس غَريب بالغاضريه 
عالرَّمُل ظَلْ طايِح وْدَم نحرَه يِجري



#عظم_الله_أجوركم ◾️

فاطمة علي رزق
اسألكم الدعاء

#الليالي_الفاطمية١٤٤٦

إحياؤنا للفاطميةِ ذا العامْ
لا يُشبهُ الماضي لتلكَ الأيّامْ

بالأمس في الهيئاتِ كانَ عزاؤنا
و اليومَ ذي الهيئات صارتْ أهدامْ

الآنَ يختلفُ المكانُ و مَنْ بِهِ
ما بيننا جرحى و ثلّةُ أيتامْ

منهمْ ليُحييونَ العزا بجوارها
هُمْ ذاتُهمْ كانوا بيومٍ خدّامْ

و على الثغور لنا يدٌ لطّامةٌ
أُخرى على زندٍ لقتلِ الأخصامْ

"لبيكِ يا زهرا" تُرى في فِعْلنا
كم مُحسنٍ يهوي فداءَ الإسلامْ..

و الأمُّ..كمْ أمٍّ مضتْ معْ طِفلِها
في خلفِها تركتْ بقيّةَ أحلامْ

كمْ مِن أخٍ لأخيهِ يشكو حُزنَهُ
كمْ مِنْ حُسينٍ في حِمى حسنٍ نامْ

كمْ زينبٍ حزنَتْ لفقدِ أُمومةٍ
كمْ حيدرٍ واسى قلوبَ الأرحامْ

لكنْ أمامَ رزيّةِ الزهراءِ قدْ
هانَ المُصابُ وَلوْ تعدَّ الأحجامْ

فمُصابُ فاطمةٍ و رزء حُسينِها
عنّا يُخفِّفُ مِنْ مريرِ الآلامْ

لا يومَ في التاريخِ يُشبِهُ يومَهمْ
مِنهم نُكَوّمُ صبْرنا بالأكوامْ

#أغيثينا
#يا_فاطمة_الزهراء

شهادة الزهراء عليها السلام

نعي فايزي
حال مولانا امير المؤمنين عليه السلام لما اراد حمل النعش الطاهر لمولاتنا فاطمة عليها السلام

😭😭

شال الجنازه وعثر حماي الحميه
مو من ثگل لكن گضت حيله الرزيه


حيله تهدم عمت عيني امن المصيبه
گام وتعثّر والمدامع له سچيبه
راح التصبّر گلهه فاطم مين اجيبه
كيف الصبر ياروح روحي يلزچيه


😭😭

حگه لون حيله تهدم والعزم راح
وطود الصبر منه تهاوه بفگدچ وطاح
بالگوّه ينهض حيدره لازمها لصفاح
مچمن بصدره الغيض حابسته الوصيّه

😭😭

ليث الوغی الكرار قتّال الصناديد
چيفن تغمضله جفن وينام ويهيد
مغصوب حگه وحگ زهرته وجرحه امچيد
حافوا عرينه ارذال گوم الجاهليه


😭😭


حط النعش دون الگبر حيدر بيا حال
رد الامانه لرسول الله ودمعه همال

هاذي الوديعه استرجعت بس صايره اخيال
مكسورة الخاطر اجتك هلمسيه


🏴🏴

ام محمد الحجاج

#صَلى_آلـلـه_عليڪِ_فاطمّةَ
*لحن أخي سوف تبكي عليك العيون*
سلامٌ على البضعة الزاكية
عيون الحيارى لها باكية
لها ~ لا لأجرٍ تسيل الدموع
لضلعٍ كسير من الحانية
〰〰〰〰〰〰
لثأر الضلوع رفعنا النداء
وباسم الشهيدة نقيم العزاء
لها خيمة ها هنا في الضلوع
نجدد فيها عهود الولاء
〰〰〰〰〰〰
أيا أمّ جئنا بك نستعين
ونطرق بابك  أم الحسين
وتحت الكساء اليماني نلوذ
عسى أن نكون من الآمنين
〰〰〰〰〰〰
لجور الزمان بكِ نحتمي
يتاماك جئنا الجراح بلسمي
بكفّك ألا فامسحي للرؤوس
فكلنا لنهج الحسين ننتمي
〰〰〰〰〰〰
نجاتي ملاذي بيوم السعير
وترتيل دمعي لضلعٍ كسير
تبلسم روحي غدت فاطمة
وقد صار قلبي بها يستجير
〰〰〰〰〰〰
ألا عجل الله لابن الرسول
بيوم الظهور وثأر البتول
سيأتي لثأر الحسين الشهيد
وصدر الذبيح بـ رضّ الخيول
〰〰〰〰〰〰
أنين القلوب لقبرٍ يغيب
ودون قباب وصحن تريب
حرمنا زيارة قبر البتول
وقبرها بات بقلب الحبيب
〰〰〰〰〰〰
غدا سوف تشفعْ لنا فاطمة
بها سوف ننجو من الحاطمة
وتمسح كفُّ الحنان الرؤوس
هي رحمة الله والراحمة
〰〰〰〰〰〰
خادمة آل محمد ✍🏻
https://t.center/kadimatAlmouhamad

#وافطماه_واشهيدتاه
*زينب عند قبر امها الزهراء ع تأنّ أنينا وايلاه وافطماه ويُتماه~*
لحن قلب امك يبني مفتت~للشيخ الجفيري♪~
بونّه زينب تجري العبره
تنادي گومي يُمه زهره
ما اسمع ليش يمه جْوابچ
طاب الضلع وجرحه وكسره
يُمه يمه يمه يمه²
〰〰〰〰〰〰〰
تگلها گومي ردّي للدار
واحنا ايتام يا يمه زغار
منهو يمسح دمعة زينب
تعاين عصره وببابچ نار
〰〰〰〰〰〰〰
بلحدچ نامي يم الاحزان
وگلبي يمه بحزنه ولهان
يتّمني دهري من بعدچ
يتيمة ودمعي عالخد غدران
يُمه يمه يمه يمه²
〰〰〰〰〰〰〰
خادمة آل محمد✍

*ليلة الوحشة*
لحن اسمع عتابي~
دار الزچيه ~ ظلمة وخليّه
وزينب تنوحن ~ العبره جريه

سوده هالايام~ مرّت عالايتام
لا تغمض جفون~ ولا تگدر تنام

زهرة عمرها~ تنام بگبرها
الله يصبّر ~ روحي بصبرها

ظلمة المدينه~ وزينب حزينه
والحسن وحسين~ ويعلا ونينه

ايتام الزچيه~ بمحنة وعزيه
عافتهم امهم~ ياللرزيه
خادمة آل محمد✍

#فاطمة_صديقة_شهيدة
*وداع امير المؤمنين ع عند قبر فاطمة ع / لحن الجفيري~*
شلون الصبر يا زهرتي
يلّي خذيتي فرحتي
ادفنها بيدي رويحتي
وبيديّه اوسّدها بلحد
〰〰〰〰〰
طاح وركن حيله انهدم
يبچي على ضلع انهشم
وبگلبه أحزان وألم
مفارگ حبيبه للأبد
〰〰〰〰〰
يشتم تراب من الگبر
وناداها يا ضيّ العمر
من بعدچ الظهر انكسر
وتذبّلت غصن الورد
〰〰〰〰〰
حاچيني چلمه واستمع
يالطابت اوجاع الضلع
گلبي بمحنتچ ينفجع
تودعيني ما تردِي أبد
خادمة آل محمد✍

لحن اسمع عتابي~
ودّعها حيدر ~ ودمعه تحدّر
ولن محني ظهره ~ وجروحه أكبر

ناداها زهره~ محيّر بأمره
ويشبك على الراس~ أصابع العشره

صعبه تروحي ~ يالخذتي روحي
ومن بعدچ انه ~ بحزني ونوحي

زهرة سنيني~ گِعدي حاگيني
فتحي عيونچ ~ لا تعوفيني

گلبي تألّم ~ بضلع التشّم
خلصت حياتي ~ والله أعلم

صعبه الرزيه~ وداع الزچيه
وانا يا زهره~ أدفْنِچ بديّه

خادمة آل محمد✍

"ان قلم الشطب على جميع السيئات هو بيد فاطمة الزهراء عليها السلام " ~الشيخ وحيد الخرساني
*يا فاطمة الزهراء لنا إليك حوائجا وألطافا~ في الحشر منك نطلب الشفاعة وعند الصراط نعبر خفافا~* خادمة✍🏻

#فاطمة_صديقة_شهيدة
*لسان حالرالامام علي ع لما غسل فاطمة ع ورأى ضلعها المكسور*
ليت بضلوعي عصرتچ ولا ينكسر ضلعچ
ليت بعيون سطرتك وتسلم بعد عينچ
يجرحني مشهد لوعتك ويفجعنيِ ونينچ
تچوي دليلي محنتچ يا زهرة سنيني
آيزهره آيزهره آيزهره آه
〰〰〰〰〰〰
يم الحسن شفت الضلع بگليبي جمرة نار
ضرب ولطم شفت الأثر وعصرة بباب الدار
گلبي شيتحمل صبر من عاينت آثار
اعذريني يا زهر العمر زهره فجعتيني
آيزهره آيزهره آيزهره آه
خادمة آل محمد✍

🏴🏴🏴🏴🏴
*دفن جنازة الزهراء ع* لحن قلب امك يبني مفتت♪
ٱدْفنْها حيدر اويلي بْيدّه
وتجري دموعه اويلي بخده
اتمنه يدفن روحه بلحده
ولا فارقها الزهره وماتت
〰️〰️〰️〰️
يونّ وينحب حسره ولوعه
محني عليها اويلي ضلوعه
ويجري جفنه سيل دموعه
وهال تراب اللحد وغابت
خادمة آل محمد ✍🏻
لك العزاء يا امير المؤمنين
في مصاب الشهيدة فاطمة
يلا اريدك تتخيل الموقف وتروح بعين البصيرة لما وقف امير المؤمنين علي ع عند قبر مولاتنا فاطمة الزهراء يعاينها ويزفر الأنة على كسر ضلعها~
لحن جاوبني يا علي~♪
ناداها بالدمع
يا مكسورة ضلع
فدوا روحي إلك
والونة ترتفع

نادها حيدره
وضلعها ينظره
يم الضلع كسير
زهره يالصابره

شلون ادفن بلحد
زهره غصن الورد
رحميني فاطمة
يالرحتي للأبد

محني عليها الظهر
ودمعاته عالگبر
يجري الدمع دمه
للضلع وللكسر
خادمة آل محمد✍🏻

#صَلى_آلـلـه_عليڪِ_فاطمّةَ
#فاطمة_صديقة_شهيدة
*حال الامام علي ع قبل خروج نعش الزهراء من الدار*
حيدر انحنى ظهره عند مصاب فاطمة ع ولما اراد ان يرفع نعشها قال أعينوني… أتدرون ما حلّ بعلي… هذا فارس الفرسان أسد خيبر يقول أعينوني…. لحن. قلب امك يبني مفتت~
حيدر دار شماله ويمين
يجذب حسره ويدير العين
محني ظهره عليها وينحب
عينوني گال عا أم حسين
زهره زهره زهره زهره~²

محيّر بيها وشلون حيره
يدفن روحه وبغير ديره
يعاين وردة ذبلت اللغصون
والله المحنه عليه چْبِيره
زهره زهره زهره زهره²
〰〰〰〰〰〰〰
يگلها
والله حيره~ شلون ادفنچ بـ إديه
والله حيره~ روحي خذتي يالزچيه
والله حيره~ صعبه هاللحظه عليّه
اي لحظة يا امير المؤمنين~؟
آيزهره~ يالخذيتي وياچ روحي
آيزهره~ حيدر محيّر بنوحي
آيزهره~ لحظة وداعچ جروحي

خادمة آل محمد✍

*يا زهراء مدد*
*الليالي الفاطمية وافاطمتاه واشهيدتاه~*
ماتت شهيدة فاطمه~
وجرح الگلب ينزف دِمه~
والله مصيبه مؤلمه~
ما تنشف دموع الجفن~
〰️〰️〰️〰️
صوت الضلع في مسمعي
وصوت الأنين بأضلعي
لو يمي زهره ترجعي
بوجودچ يزول الحزن
〰️〰️〰️〰️
يالرحتي وٱخْذيتي الگلب
ونمتي يا زهره بالترب
لو تدري فرگاچ صعب
وصعبه أشوفچ بالكفن
〰️〰️〰️〰️
عني تروحي وترحلي
وخالي يا زهره منزلي
لو شفتي من عگبچ علي
ما بطّل احزانه ويون
〰️〰️〰️〰️
خادمة آل محمد ✍🏻

*لطم ~ أويلاه يا فاطمة~*⁴
دمع العرش سال بدمه
لاجل الرزية المؤلمه
هالليلة ماتت فاطمة
وقبرها مخفي للأبد
*أويلاه يا فاطمة~*⁴
〰️〰️〰️〰️〰️
قوموا نواسي حيدره
يبكي الضلوع مكسره
دمعاته ويلي منثّره
بيده يدفنها باللحد
*أويلاه يا فاطمة~*⁴
〰️〰️〰️〰️〰️
يلطم على كسر الضلع
ومن عينه سايل هالدمع
يودعها وقلبه منفجع
شيصبّر قلبه عالبُعد
*أويلاه يا فاطمة~*⁴
〰️〰️〰️〰️〰️
بيده حفر ليها الگبر
وناداها يا ضي العمر
من اجيب آنه الصبر
لو رحتي وما جيتي بعد
*أويلاه يا فاطمة~*⁴
〰️〰️〰️〰️〰️
يعاين على خدها انلطم
ينحب عالضلع المنهشم
ختمت عمرها بالألم
وردة وذبل غصن الورد
*أويلاه يا فاطمة~*⁴
〰️〰️〰️〰️〰️
نحيلة وعليلة بيا سبب
من كسر الضلع والضرب
حط ايده ويلي عالقلب
وهال الترب فوق الجسد
*أويلاه يا فاطمة~*⁴
〰️〰️〰️〰️〰️
صاح بصوته يا زهرتي
يا عمري انت ويا فرحتي
يمك اخذيها رويحتي
ادفنها يمك باللحد
*أويلاه يا فاطمة~*⁴
〰️〰️〰️〰️〰️
جذب ونّة ساع الدفن
وناداها يا أم الحسن
بيدي لفيتك بالكفن
وظهري انكسر وانت السند
*أويلاه يا فاطمة~*⁴
خادمة آل محمد✍

نحط الرحال عند باب فاطمة ع~ في الليالي الفاطمية ونطرق بابها بعيون عبرى وصدورٍ حرّى وجروح كثره~
(إنَّ حديثَ البابِ ذو شجونِ)
قد أُسقطتْ منْ هجْمةِ الخؤونِ
أين الطالب بضلعها المكسور~ وجنينها المسقط وعينها الملطومة~
أدركها يا صاحب الزمان أوما تسمع انين الضلوع~
بأنين قلوبنا نعزي صاحب العصر بمصاب أمه الزهراااء في هذه الليالي يا زهراااء سمّع امام زمانك~ يا زهراء~
*لحن جاوبني ياعلي*~
لك كل العزاء
والدمع والبكاء
وصيحات النداء
مدد يا فاطمة
〰〰〰〰〰〰
يا صاحب العصر
قم واطلب الثأر
لـ شهيدة الحجاب
بـ أيدٍ آثمة
〰〰〰〰〰〰
لقلبك الجزوع
وأنّات الضلوع
ها نذرف الدموع
لـِ ثأر فاطمة
〰〰〰〰〰〰
وآيات الكتاب
لاذت وراء باب
قدْ هُتِكَ الحجاب
بـ أيدٍ ظالمة
〰〰〰〰〰〰
بضلعها الكسير
جئناها نستجير
تقي حرّ السعير
ونار الحاطمة
〰〰〰〰〰〰
ملطومة لـ عين
محروقة اليدين
مسقطة الجنين
للعين لاطمة
〰〰〰〰〰〰
بسورة الضحى
والقطب والرحى
بها الذنب انمحى
وحسن الخاتمة
خادمة آل محمد ✍🏻
https://youtu.be/pG7w5cv2zmE

#فاطمة_صديقة_شهيدة
لحن الفراق
كلمه يُمه~كلميني يالحنينه
كلمه يُمه~ ارحمي گلبي وأنينه
كمله يُمه~ ولا تروحي من ايدينه
رحمي حالي~ من انحرم انه حنانچ
رحمي حالي~ من انظره خالي مكانچ
رحمي حالي~ افْجَعني يا يُمه زمانچ
انه زينب~ دنيتي غربه بغيابچ
آنه زينب ~ محنتي تشبه عذابچ
آنه زينب ~ وذكرياتي هنا ببابچ
يُمه يُمه~ گلبي ذايب بالقهر
يُمه يُمه~ صعبه يُتمي بالزّغر
يُمه يُمه~ صعبه اشوفچ بالگبر
خادمة آل محمد ✍🏻

#في_الخدمة_المقدسة (للخطباء)
#شهادة_السيدة_الزهراء ع
#الرواية_الثانية

لسان حال السيدة الزهراء ع تخاطب والدها النبي الأكرم (ص)

(طور الجفيري)

١) ذبلتْ يابويه زهرتك
مشتاگه والله لعزوتك
هضموني حقي أمّتك
والدّنيا بعدك مظلمه

٢) هجْموا على داري العدا
والنّارِ بّابي صاعده
وحيدر چفوفه مقيده
وسفه على أمّة مسلمه

٣) ماراعوا بنيتكَ يا النّبي
يلطمني بيده الأجنبي
يكسر ضلوعي النّاصبي
والعصره کانت مؤلمه

٤) أخذوا غصب عنّي علي
خلفه صحت ردوا الولي
والظالم سوطه مد الي
ومتوني بضربه مورمه

٥)عين الله ترعى كسرتي
وحيدر يطبب علّتي
وعيالي تمسح دمعتي
يودعون بنيتك فاطمه

#منال_بجيجي


يهدى ثوابها إلى أرواح الشهداء وروح شهيدنا الأقدس

استشهاد سيدة نساء العالمين الصديقة الطاهرة فاطمة الزهراء عليها السلام
الرواية الثانية 

🏴🏴

ظلمه ليام صفت من دونچ
نورهن چان يشع بعيونچ

بنورچ مضويه السمه
الدنيه بعدچ مظلمه
ظلمه ليام صفت من دونچ

🏴🏴


شموعچ ابساع وطفاها الزمن
سنينچ اگصار اتعدّن ونگضن
حلوه الايام وراحن مايجن
يمه لهموم عله بنيتچ بدن

حايره ومتألّمه
الدنيه بعدچ مظلمه
ظلمه ليام صفت من دونچ

🏴🏴

ثوب الهموم لبسته من الزغر
بعد ماشوف مسرّه بهل عمر
كسر الگلوب تراه ماينجبر
وانتي تدرين بگلبي المنكسر

بسهم فرگاچ انرمه
الدنيه بعدچ مظلمه
ظلمه ليام صفت من دونچ

🏴🏴

بسهم فرگاچ رمتني دنيتي
بثگل الاجبال عذابي وحيرتي
بس مشيتي بديت بغربتي
ينگضي الليل بنيني ودمعتي

بذكرياتچ هايمه
الدنيه بعدچ مظلمه
ظلمه ليام صفت من دونچ

🏴🏴

بعازة ارباچ بعدني زغيره
انتي للروح امان وديره
حالي ياحال صفيت ابحيره
جروح الوداع عليه اچبيره

حزن روحي مغيّمه
الدنيه بعدچ مظلمه
ظلمه ليام صفت من دونچ

🏴🏴

يمه حنّيت لمان احضانچ
من يجي الليل اشم امچانچ
اجي لرماد حرگ بيبانچ
واجري دمعي اعلباب احزانچ

الگه بالحايط دمه
الدنيه بعدچ مظلمه
ظلمه ليام صفت من دونچ

يازهراء
اللهم العن من ظلمها واغضبها  وسلب حقها


ام محمد الحجاج