قناة خطباء المنبر الحسيني للقصائد

#الامام_السجاد
⬛️◼️القصيدة-1-◼️⬛️

اللهُ للسجادِ في شكواه ُ
بعد الحسينِ تزايَدَت بلواه ُ
بكَتِ القيودُ على بكاهُ بعبرةٍ
وعلى أبيهِ تَقَرَّحَت عيناه ُ
ومعَ السبايا فوقَ ظالعهِم سرى
في محنةٍ يحكي أليمَ نِداه ُ
{ويصيحُ وآغوثاهُ أينَ عشيرتي}
والشتمُ في أهليهِ قد آذآه ُ
قد كتَّـفَت فخرَ النساءِ حبالُهُم
وسلاسلُ الباغينَ في يُمناه ُ
هذي المآسي لم تزلْ مطبوعةً
في قلبهِ والنوحُ ما أخفاه ُ
يرثي الحسينَ بدمعِهِ وحنينِهِ
في الصبحِ ينحبُ والمسا ينعاه ُ
بالسُمِ يقضي بعدَ ذلكَ غيلةً
وبقتله إذ أجرَمَت أعداه ُ
أثرآنِ في جسمِ العليلِ توَرما
لطعامِهِ المسكينَ أو سُقياه ُ
وبجيدهِ عضٌ لجامعةِ العدا
منها الدمآءُ تسيلُ وآ حزناه ُ
ولباقرِ العلمِ الوصيةُ أُسنِدت
بثرى البقيعِ هناكَ قد وآرآه ُ

#سمير_الصالحي
#البصرة_الموالية

#دفن_الاجساد

⚫️ قصة الدفن وآلآمها ..
🌑 بحر طويل
🏴حضر زين العباد يريد
يدفن والده المذبوح
🏴حسين اعله الترب نايم
وجسمه بالشمس مطروح

◾️ثلث تيام ابو السجاد
محد غسله وشاله
أنصاره وأهل بيته
يمه وراحت اعياله
تعنت من بني سد ليه
نسوان انظرت حاله
ردت للزلم تنخه
بلچن لعد جسمه تروح

◾️ياحيف والف ياحيف
يظل حسين فوگ الگاع
ولاواحد البيكم حيد
يگوم وينتخي فزاع
گاموا حضروا ولاجن
حاروا بالدفن هساع
جثث ومگطعات الروس
ودمهااعله الترب مسفوح

◾️لن شافوا اعليهم جاي
فارس شهم وملثم
مرعوبين مشدوهين
ومنهو الجاي ماتعلم
وصل ليهم وگاللهم
اشعدكم عگب ماسلّم
گالوا جينه نتفرج
عطر من هالاجساد يفوح

◾️رد اعليهم وگلهم
تعالوا ندفن الأجساد
شيلوا الخوف من عدكم
سيدكم انا السجاد
احفرولي حفيره هنا
وهم سوو مثل ماراد
دفن لانصار وياهم
حبيب وظل عليه ينوح

◾️ياويلي اعله ابوه حسين
يحضنه وتنزل دموعه
موذر خنصره مگطوع
عاري مرضضه ضلوعه
بحصيره جمّع اوصاله
ويجر حسره امن اثر لوعه
بلحده نزله وشمه
ونادى ياعزيز الروح

◾️رد اعله الاخو الاكبر
يوسده بگبر ابوه حسين
محني الظهر لمصابه
ولن يسمع صدى وونين
عله صدري الرضيع بهون
نزله هنا يماي العين
جروحي ياعلي كثره
وگلبي اعله الطفل مجروح

◾️هناك ويسمع يصيحون
يم المشرعه موذر
جسد چفينه مگطوعه
ومخه سايل مطشر
ذب روحه عليه وصاح
يا عمي يا لمشكر
ياعباس تبچي عليك
ملايكة العرش و اللوح

◾️وزينب باقيه بحيره
وگلبهه اعله العليل احتار
لحد مارد تگله وين
چنت ياشبل حامي الجار
يگلها عظم الله اجرچ
يعمه بدفنة الأطهار
شاگلچ لون شفتي حسين
كثره جروحه فوگ جروح

◾️صاحت يخوتي ويلاه
صدگ مااحضرت دفنتكم
يبو السجاد ياعباس
مدري اشلون افارگكم
ولو بيدي يخُوّاني
أظل طول العمر يمكم
أبچي عليكم وانعى
ولشام العده ماروح

#سمير_الصالحي
#البصرة_الموالية


⚫️ ليلة الدفن
🏴حدي

متنطرتك ياعلي
شنهي الخبر ياعمه
گاللها رحت الكربلا
وارجعت ليچ بهمه
لحسين حرت بدفنته
امگطع وذر شيلمه
بالباريه وسط اللحد
نزّلت ابوي بگبره

ياعمه شاحچي وخنصره
مبتور ويا چفه
رديتهن بس الجسد
بلا راس حيف اوسفه
لن صوت أسمع ياعلي
يبني تراني بلهفه
عبدالله نيمه عل الصدر
ونحري اطبگه بنحره

تدرين بالاكبر علي
يم والده وسدته ؟
ويم الشريعه اعله النهر
عباس نايم شفته ؟
وزنوده مگطوعه وصحت
ياعمي من احضنته
خليت اخيك منحني
ظهره ويجر ابحسره

نادت وعبرتها جرت
ياريت اموتن يمك
واندفن آنه وكافلي
وسط التراب الضمك
يحسين ابد ما حسبت
معقوله گبر يلمك !
ياهضمتي ويالوعتي
نار البگلبي موجره

#سمير_الصالحي
#النجف_الأشرف




🏴 نعي -مجردات
السيدة ع حينما علمت بدفن الحسين ع

ياحيف خويه ماحضرتك
ولاجمّعت يحسين جثتك
ولا شاهدت وسفه دفنتك
چا موش يبن امي آني اختك!
وشلون أتحمل فرگتك !!

🏴 حرقة قلب العقيلة ع

⚫️ياهضيمه
ماحضرتك يابو الاكبر
ياهضيمه
ميسره وتعرفني مااگدر
ياهضيمه
والله عنك مااتعذر
⚫️ياهضيمه
من شفت جسمك مگطع
ياهضيمه
عل الترب ويلي موزع
ياهضيمه
گلبي يابن امي تلوع
⚫️ياهضيمه
لو يصح بيديني احضنك
ياهضيمه
أجمع اوصالك وادفنك
ياهضيمه
ولا أروحن دوم عنك
⚫️ياهضيمه
راح أمشي وراسك وياي
ياهضيمه
ومن اصدله تسيل عيناي
ياهضيمه
وبالدرب ياخويه سلواي
⚫️ياهضيمه
أدعي أرجع تالي يمك
ياهضيمه
وادفن الراس ويه جسمك
ياهضيمه
يمتى ازورنك واشمك !
⚫️ياهضيمه
بغربتي وبالشام تالي
ياهضيمه
بلا كفيل بلايه والي
ياهضيمه
آه من ضيم الليالي

#سمير_الصالحي
#البصرة_الموالية