قناة خطباء المنبر الحسيني للقصائد

#القاسم_ع
*السيدة رمله تنعي إبنها القاسم ...*

*أبيات مناسبة لمجالس النعي ... كُتبت على أحد ألحان الملا باسم الكربلائي ومنها قصيدة " دنيا .. ما بيها بس هم و غدر "

يبني ... اشلون ازفك للگبر
يبني ... من دونك ما يسوى العمر
يبني ... يا ليته قبري المنحفر
يبني ... كسري أبد ما ينجبر ... يبني

صعبه .. يبني يجاسم حالتي
صعبه ... اشلون افارق مهجتي
صعبه ... معرس ازفه ابونتي
صعبه .. الـ قبره احمل شمعتي... صعبه

بعدك ... أمك تراها اتمرمرت
بعدك ... ادموعها من دم جرت
بعدك ... و إعلى الهزل اتركبت
بعدك ... للكوفه يبني اتأسرت ..بعدك

شفتك .. مثل البدر يبن الحسن
شفتك ... معرس لبس ثوب الكفن
شفتك ... خلفك جيوش اتهلهلن
شفتك ... صدرك خيول ترضرضن ... شفتك

قلبي ... بعدك يمعرس انفطر
قلبي ... حال الذي ابغربه افتقر
قلبي ... حاله يفت حتى الصخر
قلبي ... طير الذي جنحه انكسر .. قلبي

ميته ... روحي على فقد الشباب
ميته ... مثل الذي يتبع سراب
ميته ... مثلك على حر التراب
ميته ... دموعي الدمك خضاب ... ميته

*الرد من القاسم* ؛

يمه ... قاسي عليه أودعچ
يمه ....ما احتمل ما أسمعج
يمه ... لو بيدي امسح مدمعچ
يمه ... يمچ أظل او لا افجعچ

🖋 عبد مُحمد وآل مٌحمد / #مفضل_حبيب السهو - القطيف
٧-١-١٤٤١
----

#شهادة_الامام_الباقر

من نذكر جرِح عاشر
نذكــر دمعــة الباقــر
-----
(١)
من طف كربلا صوره
رسمها الباقر ابنوره
حبرها دمعه مقهـوره
من ونّة طــفل حــاير

-----
(٢)
بس من حرگوا اخيامه
و عدوه أمطر اسـهامه
تـــبدد گـلبه وأحـــلامه
وأصبح للســما يناظر

-------
(٣)
يشكــي للنبي حــاله
و اشلون الشمر جاله
من ذيك الخيم شــاله
و بشتم وزجر ساخر
----
(٤)
و هام ابغبرة الحومه
يدور جثـــة مدمــومه
بلكت يشكي اهمومه
ويصبح للابو ناصــر

-----
(٥)
شاف الجـــثه ابلا راس
بس باقي عطــر لنفاس
يدري بالابــــو حســاس
وقعد يشكي له الصاير

---
(٦)
دنى جسم الابو يقبله
ومـن گلبــه نـــزع نبله
همس يم نحـره يسئِله
منهو كافــلي باچـــر

---
(٧)
قلّه يـ ابنــــي الغــــالي
جيتك مرمــرت حــــالي
اخاف امن الشــمر تالي
يدوس الصدرك الطاهر

-------
(٨)
اخـاف اعـليك يوليدي
يطحن صدرك إيزيدي
يولدّي والله مـو بيدي
اخليــكــم بلا ناصــــر


-------
(٩)
يـ ابني يصعب اقدومك
ليه محـترگه اهــــدومك
و ليه متغيره ارســومك
و على خدك جرح ظاهر

------
(١٠)
يبني يا ابن لكـــرام
باچر تنسبي الايتام
و تروح بأسر للشام
و تدخل مجلس الفاجر

------
(١١)
ارجع يـ ولدي لأمــك
ادعــي ربي ايسلمك
يَـ ولدي مگدر اضمك
و صدري منطبع حافر

------
(١٢)

و عن جسمي الذي اتسلب
بلـــــــــغ عمتـــــــك زينب
وقول إلها الوضـــع يصعب
من بعد الاخـــو الناصـــــر

------
(١٣)
و لا تنسى عن الوالـد
تمسح دمعة الساجـد
ساعد قلبه الفاقــــــد
الما مثله قلب صـــابر

-----
(١٤)
وانته من بعــد هالهــم
جرحك ما أظـن يلتـــم
و تتجرع مـرار الســــم
من كاس العـدو الغادر

عبد_مُحمدوآل_مٌحمد / #مفضل_حبيب
القطيف