من الحاجات البتأذينا ونحن بنكون سبب رئيسي فيها اننا بنخت توقعات كبيرة للشخص القدامنا مفترض يعاملنا زي ما بنعاملو مفترض ما يكسرنا مفترض يجبر بخاطرنا دائما مفترض نعرف كل التفاصيل عنو مفترض ومفترض ومفترض ما مفترض ابدا انك تخت لاي بني ادم شكل التعامل حقو يكون كيف ما مفترض يكون بشبهك ولا يعاملك زي ما بتعاملو اي شخص عندو طبيعة غيرك عندو تفكير غير تفكيرك انا من الناس الكنت بجري واحكي اي حاجة حاصلة للشخص الفلاني او لفلانة كنت بزعل لمن تحصل حاجه او اتفاجأ بشي حاصل معاهم وانا ما عارفاهو وازعل منهم اكتشفت انو انا الغلطانة ما لانو بطبعي بجري واحكي اي حاجه مفترض القدامي دا يكون بعمل كدا او يتعامل معاي كدا هو شخص طبيعتو انو ما بتكلم كتوم ما بحكي اي شي يحصل معاهو للقدامو فاخد خطوة لوراء واقعد مع نفسك وعيد ترتيب الحكايات كلها حتلقى في تفاصيل كتيرة ما كانت كدا انت شفتها كدا من وجهة نظرك ومن طريقة تفكيرك وطبيعتك #Màì