الحجاب يسأل علاء حامد الرد على أكثر الأسئلة الشائكة حول الحجاب 💕 إزاي أحب الحجاب الشرعي ❓ إيه شروط الحجاب الشرعي ؟ و يعني إيه لا يكون ملفتاً ❓ إزاي أقنع أهلي بلبس النقاب ؟ طيب وأقنع زوجي إزاي ❓ بناتي امتى المفروض يلبسوا الحجاب ❓ هل الحجاب له صورة واحدة فقط ؟ ما حكم الحجاب الفرنسي والماليزي ❓ حكم كشف منطقة أسفل الذقن في الصلاة ❓ لبست النقاب وحاسة إني تسرعت وعايزة أخلعه ❓ أسئلة كتييير من النوع ده سنجاوب عليها بالتفصيل في هذا اللقاء الماتع
استفدتم إيه من اللقاء ... اكتبوا قصة حجابكم لتشجيع غيركم
• هو لبس الخمار مهم ؟؟ 👈 أكيد مهم .. لأن الخمار هو الحجاب الشرعي اللي ربنا أمر بيه فقال: {*وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ*} وده معناه إن المطلوب ان الخمار او غطاء الرأس ده ينزل من على الرأس لحد مايغطي "جيوبهن" وده هو منطقة الصدر هو ده الحجاب الشرعي المطلوب...خمار أو طرحة طويلة تنزل من الرأس وتغطي منطقة الصدر كمان مش بس طرحة قصيرة حوالين الرقبة
👈هتقولي بس الخمار ده هيكبرني .. هقولك أول حاجه ..ماتخافيش ياست البنات مش هيكبرك ولا حاجه ثانيا بقى قوليلي ايه الأحسن ...خمار حاسه انه هيكبرك بس هتاخدي حسنات بكل خطوة مشيتها لأنك رضيتي ربك ولا ... لبس تاني مش هيكبرك بس هتاخدي بيه جبال من السيئات مع كل خطوة
👈 سامعك بتقولي ..بس مافيش حد من اصحابي لابس خمار ، أنا كده هبقى وحيده وغريبة في وسط زمايلي هقولك ..هتبقي أول واحدة تلبسيه في وسط زمايلك ده معناه انك هتاخدي أجر كل واحدة عملت زيك بعد كده واتشجعت بسببك ولبسته هي كمان ومش بس كده ... ده انتي بتمسكك بخمارك وصبرك عليه وغربتك دي هتاخدي أجر خمسين شهيد ومش أي خمسين شهيد ...خمسين شهيد من الصحابة في الحديث : {*إنّ مِنْ ورائِكُم زمانُ صبرٍ ، لِلْمُتَمَسِّكِ فيه أجرُ خمسينَ شهيدًا منكم*} صححه الألباني