طبعا البوست هذا كان ف2023 والان 2024 وابلغ من العمر 28 سنة وللأسف الشديد حاجات واجد تغيرت في حياة الدكتورة ايـة للاسوء مش للأفضل 😞 انتقلت تيـته الي رحمة الله في 2024/6 وتغلب عليا الكانسر و رد من جديد ليا وفي نهار الأمس كان لدي فترة علاج مكثفة والحمدلله يعتبر المرض اقوى من جسمي ولكن الله سبحانه جعل لكل داء دواء وباذن الله يشفيني من بعد وفاة تيـته انتقلت من بنغازي الي تونس من جديد 💔
مكنتش نحساب روحي من سنة الي فاتت لتوا حانكون بالحزن هذا
مع مرور الوقت نحس ان حياتي متغيرش اللهم لا اعتراض علي حكمك يارب
ولكن روحي تعبت وتطلب منك الشفاء العاجل و رد الروح والفرحة في قلبي 😞!!
انا أيـة الزوي عمري 27 سنة من بنغازي متلازمة نقص اكسجين منذا الولادة وعايشه ب أنبايـب الاكسجين وجهاز (CPAP) و(BIPAP)
مهنتي دكتورة جلدية وبرضو دكتورة تجميل وصيدلة تجميلية دراستي كانت مش بس مجال واحد تخصصت كدا مجال عشت في اغلب من دولة ل وقت مش قصير وقت طويل عشت واشتغلت في تونس /مصر / تركيا وزرت كدا دولة برضو نرويج /إيطاليا /الاردن/قطر وغيره مفكرتش نشتغل داخل ليبيا بحكم نسبة الجهل الي عندنا للاسف متخليكش تقدم ف قلت الحمدلله مدام مستورة وعندي الفلوس الي يعيشني معنديش عليش نشتغل مع شعب يكسر مجاديفك
ومن لما كان عمري 20 سنة كنت مريضة (كانسر الدم ) قعدت مريضه بيه لعند م قعد عمري 23 وتعافيت وبعدها مرضت ب (كانسر الرحم) لعند م قعد عمري 26 سنة وانا مريضه بيه وقت وصلت 26 سنة قرر الدكتور يستئصال الرحم بحكم ان خلاص الرحم معاش يقدر يكمل وظيفته وانتشر فيه الكانسر والحمدلله اللهم لا اعتراض استئصال الرحم وقعدت بخير الحمدلله دائما وابدا
طبعا انا يتيـمة الأهل ماما وبابا رحمة الله عليهم ومعنديش خوت عايشه مع تيـتة وخوالي البعض منهم عايش خارج ليبيا و اثنين معانا في بنغازي وعمامي منعرفش عليهم شي ولا عمري شفتهم ف حياتي زي م يقولو رزق الحياة يفرق ويقطع صلة الرحم وهذا الي صار همًا مطبقين هكي معايا ولكن كنت ح نفرح جدا لو شفتهم ولو مره وحده لأنهم من ريحة بابا رحمة الله عليه وغفر الله ذنوبه
وبس يعني هذي حياتي وشبه حكيت كل شي شكرا لكل من كان مهتم انحبكم في الله 🤍
