البــــارت " 60 "
خالد وقف و هي يبوس رؤوسهم: و اخيراً ما بغيتوا تعبت و انا انتظر
ابو خالد: اثقل يا ولد اثقل
ام خالد: ههههههه اتركه براحته الولد فرحان الله يسعده .. تعال تعال ابخرك مريت غرفتك توقعتك لسا تتجهز ابي ابخرك طلعت سابقنا
خالد: ههههههههه .. يلا نمشي
لمى و هي نازلة: يممه تكفين خليني اروح معكم
ام خالد: قلت لا يعني لا انثبري بالبيت وقت الملكة روحي
لمى: بس انا ابي اشوف خطيبة خالد و لا مره شفتها
ام خالد: تشوفيها وقت الملكة
لمى بدلع: يبه خالد كلموها
ابو خالد: اذا خالد بينتظر نجلس لحد ما تتجهزي و نأخذك
خالد: لا لا لو جيتي قبل هالوقت كان توسطت لك اما الحين مافي تأخرنا
لمى: ترى توق ما هي طايره منك
خالد دفها بشويش: انقلعي بس
ابو خالد: وعد مني لما نرجع اطلعك المكان اللي تبيه و نتعشى برا بعد انا و انتي و لمار بس امك ما نبيها
لمى باست خده و هي تحضنه من الجنب: حبيبي بابا
ام خالد ميلت فمها: تتهنوا .. يلا يلا اخرتونا
خالد و هو يغمز لامه: يا عيني يمه تغارين .. انتي حبيبة ولدك و انا بطلعك خليك منهم
لمى: بس روحوا طلعة بابا تكفيني عن شوفة توقك
خالد طالعها بنص عين: لك يوم يا لمى لك يوم
و طلعوا متجهين لبيت ابو شوق خالد و معه ابوه و امه و عمه و خالته في سيارتهم و عمه ابو سعود معه سماهر
وصلوا و كان في استقبالهم ابو شوق و فارس و باستقبال الحريم ام روان و شوق و روان
عند الرجال
فارس: حياكم الله تو ما نور المكان
خالد همس في أذنه: غصب عنك ينور بوجودي
فارس: ادخل بس لا اشوتك لبرا
خالد و هو يدخل و فارس وراه: ههههههههههه
توق: مابيه يشوفني يكفي امه تشوفني
روان: امه يمكن ما تعجبيها و تروح تقول انها مو حلوة و هو يمكن تعجبيه بيقول حق امه انه يبيك
توق: لا تحاولي لا تحاولي مستحيل اخليه يشوفني حتى نملك
روان: لو قال بيشوفك غصب عنك انزلك
توق: بعدين هو يعرفني ليش يبي يشوفني
روان: تعالي تعالي وين شافك و من وين يعرفك ?!!
توق: و انا وش يعرفني بس مره ارسل لي رسالة يوصفني فيها
روان: توققق ??! لا تكوني ارسلتي له صورتك
توق بزعل: ما توقعتك تشكي فيني هذا و انتي اكثر وحدة تعرفيني
روان: قفلي ع السالفة هذا صوت شوق كأنها جايه
شوق فتحت الباب: ما شاء الله ما شاء الله تأخذي العقل الله يحفظك
توق بخجل: حبيبتي انتي
شوق: يلا انزلي الناس صار فترة من وصلوا
روان: مين جات غير امه ?!
شوق: حماتي و سماهر
توق بتوتر: انا حدي متوترة مابي انزل
شوق: خليك عادي و ريلاكس ترى كثير طيبة و تدخل القلب
روان: يلا توكلنا
و نزلوا و توق. كل شوي توقف و شوق تمشيها معها غصب دخلت و هي منزله رأسها
توق بحياء: السلام عليكم
الكل: عليكم السلام
روان تهمس لها في أذنها: تراك مو داخله على خالد
توق تجاهلتها و هي تسلم عليهم
ام خالد مسكتها من كتوفها و رفعت رأسها و ابتسمت : ما شاء الله قمر ي حظ ولدي فيك
توق ابتسمت بخجل و كملت تسلم على سماهر اللي ابتسمت
و جلسوا سوالف و توق نست حياها شوي بس نظرات ام خالد لها متوترتها
ام خالد كل شوي تناظر توق بأعجاب على حياها و جمالها كانت تتمنى تزوج خالد بنت بمواصفات توق و الحمدلله اللي رزقه الله فيها
عند الرجال
ابو فاهد: لو ما عليك امر ولدنا يبي يشوف عروسته
ابو شوق: ايهه ابشر هذا من حقه
خالد: الله يهديك يا عمي وش هالاحراج كان ما قلت له مافي داعي للشوفه
ابو سعود: الا له داعي بكره البنت ما تعجبك وش بتسوي الا اذا انت تعرفها هذا شئ ثاني
خالد: لا من وين اعرفها ما اعرفها و لا شئ
ابو فاهد طالعه بنص عين: اتمنى
فارس يهمس له: تكلم كلمة ثانية بعد
خالد: انطممم
عند الحريم
ابو شوق طلع للصالة و اتصل على شوق يقولها ان خالد يبي يشوف توق
شوق: خالد يبي يشوفك
توق توترت لان كل الانظار دارت عليها قامت و هي تبلع ريقها: شوق مابي اروح
شوق: وش نسوي نقول للرجال لا ??!
توق: ايهه عادي
شوق مسكت يد توق عشان تمشي: اقول امشي بس
توق مسكت يد شوق بقوة و هي تضغط عليها
شوق: يدي ابيها ترى
#انتهــــى_البــــارت @liitbcom