روايــــــــــات گبريــاء 💙

5 بارتات لليوم تتفاعلوا اكثر بارتات اكثر 🌚

البــــارت " 60 "

خالد وقف و هي يبوس رؤوسهم: و اخيراً ما بغيتوا تعبت و انا انتظر
ابو خالد: اثقل يا ولد اثقل
ام خالد: ههههههه اتركه براحته الولد فرحان الله يسعده .. تعال تعال ابخرك مريت غرفتك توقعتك لسا تتجهز ابي ابخرك طلعت سابقنا
خالد: ههههههههه .. يلا نمشي
لمى و هي نازلة: يممه تكفين خليني اروح معكم
ام خالد: قلت لا يعني لا انثبري بالبيت وقت الملكة روحي
لمى: بس انا ابي اشوف خطيبة خالد و لا مره شفتها
ام خالد: تشوفيها وقت الملكة
لمى بدلع: يبه خالد كلموها
ابو خالد: اذا خالد بينتظر نجلس لحد ما تتجهزي و نأخذك
خالد: لا لا لو جيتي قبل هالوقت كان توسطت لك اما الحين مافي تأخرنا
لمى: ترى توق ما هي طايره منك
خالد دفها بشويش: انقلعي بس
ابو خالد: وعد مني لما نرجع اطلعك المكان اللي تبيه و نتعشى برا بعد انا و انتي و لمار بس امك ما نبيها
لمى باست خده و هي تحضنه من الجنب: حبيبي بابا
ام خالد ميلت فمها: تتهنوا .. يلا يلا اخرتونا
خالد و هو يغمز لامه: يا عيني يمه تغارين .. انتي حبيبة ولدك و انا بطلعك خليك منهم
لمى: بس روحوا طلعة بابا تكفيني عن شوفة توقك
خالد طالعها بنص عين: لك يوم يا لمى لك يوم
و طلعوا متجهين لبيت ابو شوق خالد و معه ابوه و امه و عمه و خالته في سيارتهم و عمه ابو سعود معه سماهر
وصلوا و كان في استقبالهم ابو شوق و فارس و باستقبال الحريم ام روان و شوق و روان
عند الرجال
فارس: حياكم الله تو ما نور المكان
خالد همس في أذنه: غصب عنك ينور بوجودي
فارس: ادخل بس لا اشوتك لبرا
خالد و هو يدخل و فارس وراه: ههههههههههه

توق: مابيه يشوفني يكفي امه تشوفني
روان: امه يمكن ما تعجبيها و تروح تقول انها مو حلوة و هو يمكن تعجبيه بيقول حق امه انه يبيك
توق: لا تحاولي لا تحاولي مستحيل اخليه يشوفني حتى نملك
روان: لو قال بيشوفك غصب عنك انزلك
توق: بعدين هو يعرفني ليش يبي يشوفني
روان: تعالي تعالي وين شافك و من وين يعرفك ?!!
توق: و انا وش يعرفني بس مره ارسل لي رسالة يوصفني فيها
روان: توققق ??! لا تكوني ارسلتي له صورتك
توق بزعل: ما توقعتك تشكي فيني هذا و انتي اكثر وحدة تعرفيني
روان: قفلي ع السالفة هذا صوت شوق كأنها جايه
شوق فتحت الباب: ما شاء الله ما شاء الله تأخذي العقل الله يحفظك
توق بخجل: حبيبتي انتي
شوق: يلا انزلي الناس صار فترة من وصلوا
روان: مين جات غير امه ?!
شوق: حماتي و سماهر
توق بتوتر: انا حدي متوترة مابي انزل
شوق: خليك عادي و ريلاكس ترى كثير طيبة و تدخل القلب
روان: يلا توكلنا
و نزلوا و توق. كل شوي توقف و شوق تمشيها معها غصب دخلت و هي منزله رأسها
توق بحياء: السلام عليكم
الكل: عليكم السلام
روان تهمس لها في أذنها: تراك مو داخله على خالد
توق تجاهلتها و هي تسلم عليهم
ام خالد مسكتها من كتوفها و رفعت رأسها و ابتسمت : ما شاء الله قمر ي حظ ولدي فيك
توق ابتسمت بخجل و كملت تسلم على سماهر اللي ابتسمت
و جلسوا سوالف و توق نست حياها شوي بس نظرات ام خالد لها متوترتها
ام خالد كل شوي تناظر توق بأعجاب على حياها و جمالها كانت تتمنى تزوج خالد بنت بمواصفات توق و الحمدلله اللي رزقه الله فيها
عند الرجال
ابو فاهد: لو ما عليك امر ولدنا يبي يشوف عروسته
ابو شوق: ايهه ابشر هذا من حقه
خالد: الله يهديك يا عمي وش هالاحراج كان ما قلت له مافي داعي للشوفه
ابو سعود: الا له داعي بكره البنت ما تعجبك وش بتسوي الا اذا انت تعرفها هذا شئ ثاني
خالد: لا من وين اعرفها ما اعرفها و لا شئ
ابو فاهد طالعه بنص عين: اتمنى
فارس يهمس له: تكلم كلمة ثانية بعد
خالد: انطممم
عند الحريم
ابو شوق طلع للصالة و اتصل على شوق يقولها ان خالد يبي يشوف توق
شوق: خالد يبي يشوفك
توق توترت لان كل الانظار دارت عليها قامت و هي تبلع ريقها: شوق مابي اروح
شوق: وش نسوي نقول للرجال لا ??!
توق: ايهه عادي
شوق مسكت يد توق عشان تمشي: اقول امشي بس
توق مسكت يد شوق بقوة و هي تضغط عليها
شوق: يدي ابيها ترى

#انتهــــى_البــــارت
@liitbcom

البــــارت " 59 "

ألمانيا
من أول ما تزوجته و جات معه للفندق و هي جالسة لحالها ما جاء للفندق ابد و تتصل عليه يقول لها مغلق و هي قلقانه تبي تتطمن على جدها بس ما تقدر تطلع تخاف يجي و هي مو موجودة
بس بالاخير نفذ صبرها غيرت ملابسها و طلعت للمستشفى
لانا: هاايي جدوو
الجد ابتسم بتعب: هلاااا بحبيبة جدها هلاااا بروحه انتي
لانا حضنته و هي مبتسمه: حبيبي جدوو .. كيفك اليوم ?!!
الجد: الحمدلله غير اني اشتقت لك
لانا بوزت بدلع و هي تتصنع الزعل: وش اسوي فيك انت ما رضيت اني اجي لك امس
الجد: توك عروس لازم تجلسي مع زوجك هالفترة و ما تجي
لانا: لا مستحيل انا يوم واحد ما اقدر ابعد عنك
الجد: هههه طمنيني عنك انتي
لانا حضنته من الجنب و هي تبوس رأسه: تمامم بس مشتاقة لك
الجد: تشتاق لك العافية .. وين بندر ?!
لانا بتوتر: هاه ?! طلع له شغل فجأة و راح
الجد بتسليك و هو يعرف انها تكذب هو ما تطمن من صمت بندر وقت الملكة و كأنه مجبور بس ابعد هذه الافكار من رأسه و الحين اثبتت له لانا انه ما يبيها هو يعرفها تمام ما تعرف تكذب: الله يسعدكم
لانا: آمين
و جلست ساعتين عنده و هي تسولف معه
الجد: يا بنتي خلاص روحي اكيد ان زوجك رجع
لانا: ما ودي اتركك و اروح
الجد: لا يا روحي لازم ترجعي انتي تأخرتي و انا نعست ابي انام
لانا: اكِ انت نام و انا بروح .. و جلست تتكلم معه لحد ما حست انه نام قامت و طلعت و بالصدفة تشوف بندر و كان معه تركي ابتسمت و راحت لهم
بندر التفت و عقد حواجبه بعصبية من اللي واقفه قدامه و تبتسم و كأنها ما طلعت بدون أذنه
لانا: وين…
بندر قاطعها بعصبية و هو يشدها من كتفها: بأمر من تطلعين
لانا: آهه بندر اتركني عورتني
بندر و هو يصر على اسنانه: تكلمممي ??!
لانا و الدموع في عيونها: انت ما جيت و انا كنت قلقانة على جدي و جيت اشوفه و بس
بندر تركها بحركة خلتها ترجع لوراء: انقلعييي من هنا و اشوفك مره ثانية تطلعين بدون اذني ما تش
قاطعه تركي و هو يمسكه: امشي معي و هد نفسك .. و التفت للانا اللي تبكي: يلا
و مشى هو مع بندر و لانا وراهم

بعد عدة ايام
بندر و لانا بيرجعوا بعد ثلاث ايام و لانا رافضة تترك جدها بس هو اصر عليها عشان اهل بندر بيعملوا حفلتها وقت ملكة خالد و توق و ما وافقت تروح حتى وعدها بندر يرجعها لعند جدها بعد الحفلة بيوم
فراس جالس يحاول في لمى انها تقابله بس هي رافضة و جات في باله فكرة جهنمية بتخليه يشوفها غصب
نايف و روان نايف مثل ما هو بارد معها و هي قاعدة تحاول بكل الطرق انها تكسب حبه بس في كل مره تفشل حتى امها تحسها ملاحظة علاقتهم البارده
لمى تحاول قد ما تقدر انها ما تضعف و تروح تشوف فراس لانها واثقة انه كذاب بكل كلمة بيقولها بس لو جلس يبرر لها يمكن في لحظة ضعف و شوق له بتصدقه و تسامحه ع اللي سواه فيها

متجهز من بدري و منتظر ابوه و امه ينزلوا عشان يروحوا معه و كل شوي يشغل نفسه بجواله و يرسل لها رسائل و شوي يتأفف على تأخير ابوه و امه اللي واضح انهم متعمدين ينرفزوه
ام خالد و هي نازلة بالمبخرة و تحط فيها البخور: اووووهوو خالد جاهز و نازل قبلنا لازم نسجلها بالتاريخ

#انتهــــى_البــــارت
@liitbcom

البــــارت " 58 "

فراس جاوبها بمزح : ابي املك على لمى
ام فاهد: تمزح صح ?!.
فراس: ههههههههه
ام فاهد: نعبو دارك وقفت قلبي حسبالي صادق و تسوي سوات اخوك
فراس: سلامة قلبك يمه .. طيب وش اقولك الا تبي لازم في سبب لجيتي
ام فاهد: قم انقلع عني بس قم
فراس: افااا هذا و انا جاي و مشتاق لك خلاص بكره برجع .. و قام يمثل انه زعلان
ام فاهد مسكت ايده: تعال تعال حبيبي انت
فراس جلس جنبها و ضمها: هههههههههه انا فدوه لقلبك الحنون

من عرفت بالخبر و هي فرحانه من شافت كيف ولدها طاير من الفرح و كل شوي تحضنه و تدعي له بالسعادة
سماهر دخلت و هي مبتسمة عقب ما خبرتها امها على طول لبست عبايتها و جات: مبروووك الففف مبروووك خلود
خالد و هو يوقف و يحضنها: الله يبارك فيك حياتي .. حط إيده على بطنها: كيفه حبيب خاله اليوم
سماهر: حده فرحان عشان الخالووو
خالد: الله يفرحنا بشوفته و يقومك بالسلامة
سماهر: يارب ادعي لي محتاجة دعواتكم حدي حدي متوترة من الولادة
ام خالد: ما عليه يا بنتي لا تفكري كثير وقت الولادة تنسي كل شئ رغم الالم اللي تحسيه
لمى دخلت و هي ترتمي فوق الكنبه و تناظر خالد اللي محاوط سماهر من ظهرها: وش عندكم وش هالحب الاخوي و انا كأني مو اختكم تراني مره محتاجة حنانكم في هالفترة
خالد: زين تعالي
لمى قامت و ارتمت بحضن خالد و بكت الكل طالعها بأستغراب و اولهم خالد ابعدها و هو يرفع رأسها: وش فيك ?!!
ابو خالد قام و وقف جنبها و مسكها من كتوفها: وش فيك احكي ?! احد مسوي لك شئ او تكلم عنك بشئ
ام خالد مسكت ايدها و حضنتها: تكلمي تراك خوفتينا
لمى هزت رأسها بلا و هي تمسح دموعها و تبعد من حضن امها: صديقتي تعبانة و بتموت
ام خالد: صديقتك مين ?!
لمى: ما تعرفينها يمه .. اسمها اسرار بنت فراشة المدرسة هي مو صديقتي صديقتي بس اعرفها عن قرب و هي طيبة كثير و بسرعة تدخل القلب حتى اليوم طاحت علينا و اسعفناها المستشفى و طلعت مريضة بالقلب و صابتها بجلطة دماغية من زمان مريضة و تحتاج عملية و اهلها مو قادرين لحد الحين صار نسبة العملية جداً ضعيف و مافي امل تنجح
ام خالد: الله يقومها بالسلامة إن شاء الله ادعي لها محتاجة دعواتك الحين
ابو خالد: و العملية حتى برا البلد مافي امل
لمى: مدري سعود كلم له واحد يسأل و إن شاء الله يصير في امل
سماهر: سعود وش دخل سعود ?!
لمى: سعود هو اللي اسعفها في سيارته لانه كان هناك جاء يأخذنا انا و روز و نحن كنا قريبين منها و اخذناها لسيارة سعود
سماهر: بنت ام اسرار هي ما غيرها ??
لمى: ايهه
سماهر بحزن: يا قلبببي عليها الله يقومها لها بالسلامة
ام خالد: الله يصبر قلب امها
لمى: يارب .. انا بطلع غرفتي
خالد: تجهزي بطلعك نتغذاء برا بأفخم مطعم توه جديد
لمى ابتسمت بتعب: حبيبي انت تسلم لي
خالد: بسرعة لا تتأخري
لمى قاطعته و هي تكمل: أكثر من خمس دقائق
خالد: هههههههه
لمى و هي طالعة: صرت حافظة كلامك و الله

#انتهــــى_البــــارت
@liitbcom

البــــارت " 57 "

سعود: انتي اهدي و انا واعدك اتصل بأفضل الدكاتره في العالم المختصين بهذا المجال و إن شاء الله انها تقوم لكم بالسلامة و تتشافى من هالمرض
ام اسرار: يااااارب يااااارب .. الله يخليك لاهلك و يرضى عليك يا ولدي
سعود: آمين .. و قام و رفع جواله و اتصل بمدير اعماله يسأل له عن الدكاتره .. و رجع لهم: يلا يا خاله اوديك البيت مالها داعي قعدتك هنا
ام اسرار: لا ما راح اترك بنتي لحالها
سعود: لا ما يصير و قعدتك و الله مالها داعي ما يدخلوك لها من الاساس و بعدين بنتك عندها ناس يهتموا فيها بس بناتك هناك بالبيت لحالهم و اكيدين الحين خايفين انكم تأخرتوا عليهم روحي لهم و طمنيهم و اوعدك المغرب اجيبك لها و اخليهم يدخلوك لعندها و تشوفيها
ام اسرار: صدق ?!
سعود: ايهه وعد
ام اسرار قامت و مشى هو و مشت هي وراه و معها لمى: الله يرضى عليك و يسعدك و يخليك لغواليك
سعود: آمين يارب .. و يخلي لك بناتك
ام اسرار و هي ترفع يداتها للسماء: يااارب .. و طلعوا في السيارة و هم متوجهين لبيت ام اسرار و الهدوء يعم المكان و بعد سكوتهم الطويل تكلمت متسائلة: انت من ولده ?!
سعود: انا سعود ولد مساعد آل… ابن مديرة الثانوية اللي انتي فيها
ام اسرار بعفوية: يا سبحان الله و كأنك مو ولدها فرق بينكم و الله شكلك طالع لابوك تحب الخير
سعود رفع حاجبه من كلامها و كأنه ما عجبه و لمى كتمت ضحكتها على شكله طالعها بنص و لمى انخرشت لفت للجهة الثانية يعرف انه امه سيئة نوعاً ما بس ما يحب احد يتكلم عنها مين ما كان هذه امه و ما يرضى عليها
ارسل لها رسالة يخبرها بأنه يبغى يقابلها ضروري قفل جواله و تنهد يدري انها بترفض بس يشوفها لو كلفه هذا الشئ حياته لو اضطر يخطفها مو مشكلة هو ترك دراسته و جاء عشانها و عشان يصلح اللي انخرب بينهم قطع عليه سرحانه صوت امه من وراه: وش تسوي ?!
فراس: و لا شئ جالس اتأمل خلق الله
ام فاهد: اهه لو اعرف بس وش في بالك و شاغله
فراس: ما يشغل بالي غيرك
ام فاهد: ايه كثر من هالحكي بس
فراس: ههههههه
ام فاهد و هي تقطع التفاحة و تناوله: ما قلت لي وش جابك ?!
فراس: لييه يمه تبيني ارجع يعني ?!
ام فاهد: قبل كم يوم كنت اكلمك قلت اختباراتك بعد اسبوعين و ما جبت طاري انك بتجي
فراس:

#انتهــــى_البــــارت
@liitbcom

البــــارت " 56 "

كانت تمشي لحالها طالعة للبيت بعد ما خلص دوامها وقفت بصدمة و انكسار و هي تمسح دموعها بعد الكلام اللي سمعته تمشي بدون لا تدري وين وجهتها اوجعها قلبها الضعيف قلبها ما يتحمل خبر مثل ذا و هو يدري بس شكله ناوي يعذبها ذبحها الخبر من الوريد للوريد تدري انهم مستحيل يتزوجوا مستحيل تكون له في يوم من الايام نست تماماً من تكون و هو من يكون مستحيل يأخذها كان بس يكذب يشوفها مثل اي رجل يشوف بنت فقيرة غمضت عيونها بألم و هي تمسك بقوة على صدرها ما حست الا و هي تصطدم في اكثر شخص تتمنى ما تلتقي فيه في الوقت هذا بالذات
ام سعود: عمى يعمي عيونك ما تشوفين انتي
اسرار بتعب: اسفه ابله مو قصدي
ام سعود دفتها من طريقها و مشت متجاهلتها و هي تناظرها بأحتقار دمعت عيونها بألم مكبوت و لفت تبي تمشي الا و تشوف امها قدامها ارتمت بحضنها و اجهشت بالبكاء
ام اسرار: بنتي وش فيك ?!
اسرار لا رد سوى شهقاتها اللي تطلع بدون إرادتها و شوي شوي بدت تفقد الوعي
ام اسرار بصراخ و هي تشوف بنتها تسقط من حضنها: اسرااااااااااار .. كل اللي حولها تجمعوا عليها
ام اسرار: بنتي بنتي اسرااااار
لمى: خاله خاله اهدي .. و قومي معي نحملها نوديها المستشفى
ام اسرار: ايهه ايهه تكفين يا بنتي ساعديني مابيها تروح مني
لمى تنادي روز المصدومة بس روز مو معها وافقة بعيد بخوف و صدمة من اللي صار .. تقدموا بنات مع لمى و حملوها لسيارة سعود الواقفة برا كان منتظر لمى و روز
سعود لما شافهم متجهين لسيارته نزل بسرعة: لمى روز وش فيها
لمى: سعود هذه مو لمى افتح الباب
سعود فتح باب سيارته و طلعوها و طلعت معها امها و لمى بجنب سعود
سعود: وين روز ?! و من ذي ?!
لمى: روز داخل حرك انقذ البنت لا تموت
سعود انطلق بسرعة على اقرب مستشفى و نزلوها على الطوارئ تقدم لامها و هو حزين على حالها: استهدي بالله يا خاله إن شاء الله مو صاير لها شئ
ام اسرار بأنهيار: بنتي بتموت بنتي
سعود: ادعي لها إن شاء الله مو صاير لها شئ .. و قام متجه للمى لما شافها منهارة و ما تسمع وش يقول
سعود: وين اهلها ?!
لمى: ابوها ميت و ما عندها اخوان عندها اختين اصغر منها و هذه امها تشتغل فراشة في المدرسة
سعود ضيق عيونه بتفكير: هذه اسرار اللي ابوها كان حارس في شركتنا
لمى: ايهه
سعود: وش صاير لها ?!
لمى: مدري كذا فجأة طاحت
سعود: هي م .. قاطعه خروج الدكتور و تقدم: بشر دكتور
الدكتور: انتوا اهملتوها كثير من زمان و انا اكلم امها انها تحتاج عملية مستعجلة بس ما رضت
سعود و كأنه فهم ليش رفضت: كم تكلفة العملية ?!
الدكتور: تكلف مبلغ و قدره $$
سعود: خلاص مدفوع و سوي العملية
الدكتور: بس الحين ما راح تنفع نسبة نجاحها 10% البنت دخلت بجلطة دماغية و هذه ثاني مره
سعود بلع ريقه: هي وش تعاني منه ??!
الدكتور: عندها مرض قلب روماتزيومي من عشر سنين. و اهلها اهملوها كثير حتى العلاجات لما تتعب ما تستخدمها حتى صار قلبها تعبان و ما صار في علاج الا العملية من كم سنة و اهلها يأجلوا لحد اليوم و نحن اللي علينا قاعدين نسويه و الباقي على الله
سعود: يعني مافي امل ابد حتى لو سفرناها للخارج
الدكتور: للاسف لا
سعود طالع الدكتور اللي راح بحزن و هو يفكر كيف بندر بيتقبل الخبر ذا لو قاله وش ممكن يسوي و ايش يقوله ?! حبيبتك بتموت ?! التفت للمى اللي جالسة عند ام اسرار تهديها بعد ما سمعت كلام الدكتور و هي ما تكلمت ما غير دموعها ينزلوا بدون صوت سعود تقدم لهم: يا خاله استهدي بالله هذا امر ربي ما نقدر نعترض عليه و إن شاء الله بنتك بتقوم بالسلامة انتي ادعي دعاء الام مستجاب و بالدعاء تتغير الاقدار .. خليك قوية عشان بناتك انتي عندك بنات غيرها يستمدوا قوتهم من قوتك لو شافوك كذا كيف بيكونوا اقوياء و يتقبلوا
ام اسرار: ابي بنتي تكفى لا تروح مني
سعود: انتي اهدي و انا واعدك اتصل بأفضل الدكاتره في العالم المختصين بهذا المجال و إن شاء الله انها تقوم لكم بالسلامة و تتشافى من هالمرض

#انتهــــى_البــــارت
@liitbcom

حلووو حلووو تفاعلكمم خليكم كذا دائماً 😍❤️ اسعدوتني بجد.

من الحين اقولكم وقفت التواصل ع الخاص
يعني التواصل ع الخاص ممنوع🚫✋

ذولا بارتات اليوم و بكره برسل لكم 3 بارتات و اذا لقيت تفاعل اكثر برسل اكثر من 3 و اذا تفاعل شوي برسل 3 اما اذا ما لقيت اي تفاعل ما راح ارسل شئ بكره 🌚

البــــارت "55"

ألمانيا
من كتب كتابه عليها امس و هو ما جاء الفندق تاركها بروحها و لا يدري عنها شئ و شايل هم كيف يخبر اسرار قطع عليه سرحانه رنه جواله رد ببرود: هلااا سعود
سعود: كيفك بندر?!
بندر: بخير
سعود: بندر اسمعني ترى البنت مالها ذنب باللي صار لا تحملها شئ و اذا تبي اسرار تزوجها الثانية الشرع حلل اربع بس يا ويلك يا بندر لو تمس شعره منها
بندر: خلصت كلامك ?!
سعود صر على اسنانه: تراك اخوي و اعرفك بترجع اللوم كله عليها و هي مالها ذنب
بندر: انا ما تزوجتها عشان ارجع السبب عليها .. راح احافظ عليها و اصونها مثلها مثل روز
سعود: حلو هذا الكلام اللي ابي اسمعه .. و موضوع زواجك من اسرار عندي مثل ما وعدتك
بندر: الله يخليك سعود اقنعهم قبل ما ارجع و تدري بزواجي اسرار و الله لا تنهار و عقبها راح اخسرها
سعود: إن شاء الله .. و لا تقول هالكلام بتكون لك إن شاء الله
بندر: يارب
سعود: يلااا انتبهه لنفسك و سلم لي على تركي
بندر براحه عكس قبل: إن شاء الله

في المدرسة
جالسه تفكر بحياتها مع فراس وين بتوصل صح هي تحبه بس كرامتها فوق كل شئ مستحيل تأخذه راح تدوس على قلبها و حبها له بس كرامتها ما تقدر تدوس عليها دمعت عيونها و هي تتذكر ايامهم الحلوة مع بعض و كيف كان يحبها و يهتم فيها تتذكر لما منعته من السفر لامريكا لما كان يبي يدرس و هو بدون ما يفكر وافق عقب ما شاف دموعها و الغى سفرته بس السنة الثانية تغير كل شئ سافر رغم انها منعته لمرات بس ما سمع لها تغير 180 درجة .. قطع سرحانها جلوس روز بجنبها
روز: يا حلووة وش فيك
لمى ابتسمت: مافيني شئ
روز تجاهلتها و هي تستمر بكلامها: تدري بندر اخوي تزوج
لمى بصدمة: من جدك ?!!??
روز بحماس: ايهه .. و بعد اسبوع او عشر ايام بيجي و هي معه وناسسسه متحمسه ابي اشوفها
لمى: كيف تزوج و متى ?!!
روز: مدري اكيد انه حبها و تزوجها و متى ?! امس كان زواجه و لما يجوا بنسوي لها حفلة بسيطة
لمى و لا زالت مصدومة: حدي حدي مصدومة مو مصدقة
روز: هههههههه لا صدقي حبيبتي و لما نرجع البيت بوريك صورهم
لمى: و اسرار ?!!!
روز: اكيد نساها او انه يتناسى و بالاخير احسن له ليش يعذب قلبه في حب وحدة مستحيل يأخذها امي مو موافقة ابد رافضة رفض قاطع
لمى: حرام و الله انه يحبها
روز: ادري و الله اني اتمنى يتزوجها اسرار بنت حبوبه و محترمه و انا اكثر احترمها صراحة اخلاقها حلوة بس بالاخير هذا نصيب و لازم يرضى بالامر الواقع
لمى: الله يسعده و يوفقه معها .. الا هي وش اسمها ?!
روز: لانا
لمى: تخيلي تركي بعد تزوج معه
روز طالعتها بقوة: مستحيييل اذبحه و اذبحها وراه
لمى: ههههههه مجنونة و الله مدري وش عاجبك فيه هالديك
روز بوزت: ما اسمح لك ترى .. و انتي تخيلي فراس متزوج
لمى: بالطقاق ما همني و الله بالاخير انا راح افسخ خطبتي منه و ما ابيه
روز: و بعدين لا تزوج بتندمي
لمى بوجع: ما عليه لا حسوفه و لا ندم
روز: الله يصلح حالكم

#انتهــــى_البــــارت
@liitbcom

البــــارت " 54 "

رن جواله و رفعه و ابتسم و هو يشوف المتصل: هذا خالد .. هلاااا ابو الوليد .. و قام و تركهم و هو يروح مكتبه يكمل المكالمة
توق صدت بحياء
شوق: يا عيني ع اللي يستحي
توق: شوق انطمي .. كلميني عن اهله لا تكون تغار عليه بس عشان ولدها الوحيد.
شوق رفعت حواجبها: لييه تبينه لحالك بس ??
توق: لا شوق مو كذا قصدي
شوق ضحكت: ادري فيك .. و بدت تتكلم لها عن اهله

وصل من ساعة و طلع في سيارة اجرة رايح لبيتهم ابتسم و هو يتخيل لقاءه بأمه اكيد بتتفاجئ و تفرح بجيته.. رفع جواله و اتصل على فهد يخبره انه وصل .. دفع أجرة التاكسي و نزل دخل سور القصر و ابتسم و هو يشوف فارس و كأنه طالع جاء من وراءه بدون ما ينتبهه له و حط إيده على عيون فارس
فارس ابتسم بأستغراب و هو عاقد حواجبه: فراااااس ?!!
فراس ضحك: ههههه كيف عرفتني
فارس: مافي احد يسوي هالحركة غيرك .. الا انت وش جابك
فراس حضنه: قل الحمدلله على سلامتك مو وش جابك
فارس: هههه الحمدلله على سلامتك
فراس: ههه بدري.. المهم الله يسلمك .. شخبارك و شخبار حبيب عمه
فارس: طيبين و لله الحمد .. ما قلت لي وش جابك
فراس: جاي لحاجة في نفسي
فارس رفع حاجبه: الله ينولك إياها
فراس: آمين آمين يارب

قام و هو يبي يطلع الا و يرن جواله على طاولة المكتب ابتسم و هو يرد: هلاااا بأبو شوق
ابو شوق: هلااا فيك .. وش اخبارك و اخبار الشغل
ابو خالد: و الله الحمدلله .. بس الشغل شوي فيه لخبطة يبغى لها تعديل .. طمني عنك و هات اخبارك
ابو شوق: الله يقويكم .. و انا الحمدلله بخير .. و اخباري إن شاء الله بتسرك توق وافقت على خالد و اهلاً فيكم بأي وقت و نتشرف بنسبكم
ابو خالد: الله يبشرك بالخير ما عليك زود يابو شوق و إن شاء الله ما تشوف من خالد الا اللي يعجبك و الله يبارك لهم و يتمم لهم بخير يارب
ابو شوق: يارب يارب .. يلا استأذنك
ابو خالد: اذنك معك .. إن شاء الله في هاليومين نجيك
ابو شوق: حياكم الله البيت بيتكم بأي وقت تبون
و انهى و هو مبتسم براحة طول هالاسبوع و هو شايل هم هالخطبة واضح على ولده انه يحبها و مثل ما قال ما يبي غيرها و هو خايف انها ترفض و ينهار ولده بس الحين ارتاح و اتجه لمكتب خالد يبي يبشره
خالد و هو مندمج مع الشغل: ادخل
ابو خالد: السلام عليكم
خالد وقف و هو مبتسم: هلااا يبه عليكم السلام
ابو خالد: فاضي و الا اروح
خالد: افااا عليك يابو خالد لو مو فاضي اترك كل اللي بأيدي و استمع لك
ابو خالد ابتسم: حبيبي انت .. اجلس اجلس عندي لك خبر يطيرك للسماء
خالد: غير موافقة توق مافي شئ يطيرني للسماء
ابو خالد: و ايش له اللي يقولك ان توق وافقت عليك
خالد بلع ريقه و هو مبقق عيونه: يبه يبه اللي تقوله صحيح ?!
ابو خالد رفع حواجبه: ليش اكذب عليك ?!
خالد باس رأس ابوه: لا يبه محشوم مو قصدي كذا .. انا بس منصدم مو مصدق انها وافقت .. و حضن ابوه بفرحة
ابو خالد بضحكة: مبروك مبروك يا ولدي
خالد و هو شاق الضحكة: الله يبارك في حياتك .. احس نفسي بطير من الفرحة .. و اخيراً توق بتصير لي
ابو خالد: اثقل اثقل بس لا تفضحنا بكره مع ابوها بخفتك
خالد: ههههههههه ما اقدر اكون ثقيل في هاليوم بالذات
ابو خالد: الله يخلف على عقلك
خالد رجع يحضن ابوه و هو يضحك: و الله اني احبك يبه
ابو خالد يبعده و هو يضحك: ادري ادري ابعد بس خنقتني
خالد: ابي الملكة بعد اسبوع
ابو خالد: ايهه هين بعد اسبوع هذا اذا رحنا لهم بعد اسبوع نرسم الخطبه و انت تبي ملكتك بعد اسبوع
خالد: ايهه يبه وش عندك بكره او بعده نروح و نحدد الملكة بعد اسبوع و الا ترى املك لحالي
ابو خالد بنص عين: مجننتك هالتوق وش رأيك تتبري منا بعد
خالد: افااا بس انا مالي غنى عنكم انا بدونكم و لا شئ
ابو خالد: واضح و انت تبي تملك لحالك
خالد: و الله كنت امزح يبه
ابو خالد رفع حاجبه: طيب ثقل حالك مثل ما تثقل مزحك
خالد: يبه ما تلاحظ انك تقصفني
ابو خالد: لا و الله .. يلااا المهم تمشي معي البيت نبشر امك و الا تكمل شغلك
خالد و هو يأخذ جوالاته و مفتاح سيارته من ع الطاولة: بعد هالخبر مالي نفس اشتغل و الله
طلعوا مع بعض من الشركة متجهين للبيت و هم مافي اسعد منهم بالدنيا

#انتهــــى_البــــارت
@liitbcom

البــــارت " 53 "

ابو خالد: نصيب يا ولدي
خالد: اي نصيب يبه .. مستحييل مستحيييل اللي يصير
ابو خالد: المفروض تكون متفهم
خالد: مو داخلة بالي السالفة .. و انتوا خلاص راضيين
ابو خالد: البنت من عائلة كبيرة و لها سمعتها و مثل ما قال البنت يتيمه و بيلاقي فيها اجر لو أخذها
خالد: بندر ما يتصدق كلامه عليه حركات اعرفه
ابو خالد: كلن يأخذ نصيبه و بندر نصيبه هالبنت و الله يسعدهم
خالد بهدوء: آمين .. و اردف بأرتباك: الا يبه ?! ما اتصل عليك عمي محمد ?!
ابو خالد بهدوء و هو يعرف عينه له: لا .. و انت ليش مستعجل اصبر اسبوع ثاني بعد
خالد بقلق: طولوا كثير يبه
ابو خالد: لا ما طولوا و لا شئ سماهر لما خطبها سعود جلست اسبوع ما ردت هذا و هو ولد عمها و من كانت صغيرة يقولوا سماهر لسعود .. ما بالك هذه بنت لا تعرفك و لا شئ .. و أردف بخبث: الا اذا بينكم
خالد بمقاطعة: لا يبه لا يروح تفكيرك بعيد
ابو خالد ابتسم: خلاص اترك عنك القلق اذا هي نصيبك بتأخذها و اثقل شوي مو كل يوم جاي تسألني ردوا او لا
خالد: يصير خير

تحاول فيها مجدداً منذُ أمس و هي تحاول اقناعها و لكنها تبدو مصره على رأيها لتذهب غاضبة لوالدها تحت منادتها لها بأن لا تخبر والدها
شوق: يبه
ابو شوق بأبتسامة: هلااا عيوني
شوق: تدري ليه توق ما تبي تتزوج ??
ابو شوق عقد حواجبه بأستغراب: تقول ما ارتاحت
شوق: كذابة تكذب عليك
توق بمقاطعة و هي نازلة من الدرج: يبه ترى شوق
شوق بغضب قاطعتها: بسس و لا كلمة .. ما تبي تتزوج عشان ما تتركك لحالك و هي صلت اسختارة و ارتاحت بس عشانك ما تبي
ابو شوق: افااا افااا يا توق بس تزعليني منك كذا .. انا ما يهمني الا انك تتزوجي و تستقري مثل اختك بكذا بكون مرتاح و اذا بتسوي شي عشاني تزوجي خالد تراه ما يتعوض
توق و هو تبوس يد ابوها: بابا آسفه بس و الله مابي اروح و اخليك
ابو شوق و هو يضمها: و بكره يا بنتي لا متت
توق ابعدت من حضنه و هي تضع يدها على فمه و تأتي الثانية لحتضنه و هما مقاطعات لكلامه: بعيد الشر عنك بابا .. الله يخليك لنا
ابو شوق حضنهم و هو يبتسم على حب بناته له: و يخليكم لي يارب .. بس ماحد يدري بعمره كلنا رايحين من هالدنيا و ماحد باقي و انا ما بدوم لك يا بنتي ابي افرح فيك مثل اختك و ارتاح مابي اموت و انا شايل همك بعدها عمك يجي و يجبرك على ولده ابغى ازوجك رجال تحتمي فيه من بعدي مو واحد مثل ماجد الله لا يوفقه
توق بحزن: بس انا مابي اتزوج
ابو شوق: انتي استخرتي و حسيتي براحة وش احلى من اختيار ربك لك .. و انتي ما استخرتي الا و تبي ربي يختار لك .. انا ما رديت عليهم امس كنت مشغول و قلت ارد لهم اليوم بس بدال الرفض بتكون الموافقة
توق: بس عندي شرط قل تم
ابو شوق: تم !
توق: انك تتزوج
ابو شوق بصدمة: بعد هالعمر يا بنتي لا لا الفكره مو مقبولة
توق بعناد: خلاص ما راح اتزوج
ابو شوق: يا توق يا روحي انتي .. انا عشت عمري كله ما تزوجت بعد امكم تبيني بعد هالعمر اتزوج بعد ما صرت جد ?!
شوق: ايهه بابا وش فيها عادي و بعدين انا فكرت لك بعروس تجنن طيبة و اخلاق و الكل يحبها بسرعة تدخل القلب و مستحيل تخليك تتغير علينا
ابو شوق: افاااا وش هالكلام يا شوق انا اتغير عليكم ?!! هذا من سابع المستحيلات افنيت عمري عشان ما تجي وحدة و تعذبكم تبي الحين اجيبها و اتغير عليكم بعد
شوق بضحكة: مو قصدي كذا الله يخليك لنا .. انا قصدي انت خايف تتزوج وحدة ما تحبنا و كذا و ذي ابصم لك بالعشره انها بتحبنا
توق: من هي ذي
شوق: بالاول خلي بابا يوافق
ابو شوق: لا انا موافق
توق: و لا انا مو موافقة
ابو شوق: لا انتي موافقة خلاص
توق: موافقتي بموافقتك
شوق: بابا بلييييز وافق
توق: ترى و الله و الله و الله ما اتزوج لو ما وافقت
ابو شوق: اكِ .. بس تكون عاقلة و رزينه مو وحدة قدكم مخفه عمرها يكون في الثلاثينيات او الاربعين مو اقل تكون
صفقوا ايدايهم ببعض و بنفس اللحظة قالوا: يسسسس
ابوهم ابتسم على حماسهم هذا اخر طلب يتوقعه من بناته و هم اللي يغاروا عليه من نسمه هواء كيف بمرأة تشاركهم إياه
شوق: عمرها 34 معلمة رياضيات و طيبة طيبة كثييير .. ارمله و ما عندها عيال
توق: عرفتها .. ابله مرام ??!
شوق: ايهه هي
توق بحماس: ايهه ايهه حلو تزوجها بليييز بابا
ابو شوق: اللي يريحكم يا بناتي
توق: خلاص شواقه بكره او بعدهم نروح لها
ابو شوق: لا وين مستعجلين .. بالاول نتمم خطوبتك و يجي العريس يشوفك شوفه شرعية و بعدها يصير خير
شوق: ايوهه صح كلامك يبه
رن جواله و رفعه و ابتسم و هو يشوف المتصل: هذا خالد .. هلاااا ابو الوليد .. و قام و تركهم و هو يروح مكتبه يكمل المكالمة
توق صدت بحياء
شوق: يا عيني ع اللي يستحي

#انتهــــى_البــــارت
@liitbcom

-مرححباً..!!
-اسعدوتني بجد بتعليقاتكم كثييير تحمست .. و اشكركم من اعماق قلبي رغمم تأخيري للرواية و انتطاركم الا اني لقيت منكم التفاعل و الحماس و اتمنى تستمروا كذا و استمر معكم
-بالنسبة للتوقعات في شخص توقع توقع صحيح و خطير للاحداث .
-و بالنسبة اللي يسألوا متى أخلص الرواية او اذا مطولة او لا ??! طبعاً اقولكم اني ما حددت بس ما شفت ان اكتفيت من احداثها بنهيها .

و اجدد شكري لكم 😍.

للاسف ما لقيت اي تفاعل للبارتات .. اوقف الرواية و احذفها و الا كيف ?!! 😢💔

بدال البارتين 3 .. و اتمنى انكم تتفاعلوا عشان ارجع لتفاعلي الاول و اكتب و ارسل لك سريع عشان نخلص الرواية

خالد يا خالد وش موقفه من رفض توق له ?!! و هل هذه نهاية قصتهم و بيطلعوا ابطال جدد ?!!
بندر و لانا هل بيتم الزواج ?!! و اسرار وش موقفها ?!! و ايش المرض اللي تعاني منه ?!!
و فراس و لمى هل بيقدر يعرف السبب و يحل المشكلة او بتنتهي علاقتهم من هنا ?!!

اتمنى اشوف ردودكم و تفاعلكم لاني اتفاعل مع تفاعلكم 😍

البــــارت "52"

صمت بندر و هو تحت تأثير الصدمة و يشعر بأنهيار في صدره بسبب الموقف الذي هو فيه الآن
الجد شد إيد بندر بتعب: هاه وش قلت يا ولد مساعد انا ما طلبت منك هالطلب الا و انا واثق انك قده و ما طلبته منك الا و انا ادري ان ما بقى بالعمر كثر ما راح
بندر أغمض عينيه بألم و قال بغصه: الله يطول لنا بعمرك ما يصير خاطرك الا طيب انا موافق
الجد: الله يحفظك و يحفظ اهل ربوك انشهد انك رجال ابن رجال مبروك يا ولدي و الله يتمم على خير
بندر ابتسم بمجاملة و في قلبه شوك ينغزه من كثر الوجع: آمين .. و قام و هو يهم بالخروج
الجد: لو ما عليك كلافة جيب المملك الليلة يملك لكم ابي اموت و انا مرتاح يمكن ما ابقى لين الليل يا ولدي ماحد يدري بعمره
بندر بغصه: ابشر .. اجيبه و اجيب خويي و اجي
الجد: الله يوفقك يا ولدي
طلع و هو يراها جالسة و هي تمسح دموعها " ألم تتوقفي عن البكاء ايتها الكاذبة الخائنة.. ليتني لم ألتقي بكِ .. كل هذا كان تمثيلية لتوقعيني بفخك ايتها الماكرة .. و لكن سترين ماذا سأفعل بكِ" ناظرها بشفقة و اخرى بأحتقار و هو يرأها السبب في ما حصل ليمر متجاوزها بدون ان يلقي عليها كلمة
طلع من جناحهم و هو مقلق بسبب عدم رده: يا الله وين راح هذا مو اول مره يسويها فيني .. و رجع يتصل .. رد يا بندر رد .. ما ان رفع عينيه عن جواله الا و يرأه واقف امامه
تركي بعصبية: وين رحت انت وين صار لي ساعة ادورك و تعبت و انا اتصل فيك .. ما تدري ان عندك موعد اليوم ليش تروح .. لينتبه لصمت بندر الغير معتاد عقد حاجبيه و هو يرى شحوب وجهه
تركي مسكه من كتفه و هو يهزه: بندر وش فيك
لا رد سوى الصمت
تركي صرخ فيه: بندر احكي خوفتني اهلك فيهم شئ احكي بندر
بندر بقهر و بغصه: لا يا تركي لا انا انا اللي فيني . و حكى له السالفة و انصدم و بنفس الوقت احزن على بندر لما اقترب من تحقيق حلمه و اقترب اقترانه بحبيبة عمره و عشقيته يأتي ذاك العجوز ليحطمه بطلب ك هذا و أصبح و كأنه حلم في المنام لما اقترب منه تحقيق الهدف استقيظ من سباته
تركي حضنه: اللي سويته يا بندر صح انت بتكسب اجر في البنت و في جدها اللي يبي يموت و هو متطمن عليها .. البنت مالها احد اهتم فيها و تزوج اسرار الثانية ما فيها شئ الشرع حلل اربع
بندر بانهيار: ما اقدر ما اقدر يا تركي .. اسرار وش اقول لها كيف اخبرها قلبها ما يتحمل انا وعدتها انها بتكون لي و اكون لها
تركي بضيق: بندر
بندر: انا لمحت لابوي عن الموضوع و هو واضح انه ما عنده مانع كيف يروح حلمي بعيد .. و صرخ و هو يرمي بالاثاث اللي على الطاولة .. كييييف يا ترككككي كيييف ?!!!!
تركي مسكه و هو يحضنه: اهدئ اهدئ
ابعد نفسه عن تركي: اتركني ما فيني شئ و جهز نفسك بالليل للملكة و جلس و هو يفتح جواله ليتصل بإبيه و يخبره بما حصل تكلم ببحه: هلااا فيك يبه .. شخباركم
ابو سعود: الحمدلله .. كيفك انت و تركي
بندر ببرود: تمام .. يبه بقولك شئ و اسمعني للأخير.. و بدأ في سرد الكلام له ليرد والده فخور به بعدما اخبره عن اسم عائلة الجد
ابو سعود: زين اللي سويته بتكسب اجر فيها البنت يتيمة و ربك يحبك و اختارك انت تكون نصيبها و جدها رجال له سمعته و نسبهم يشرف توكل على الله و الله يتمم لك بخير تملك عليها مثل ما يبي جدها و الزواج نسويه لكم هنا و اذا يبي جدها في ألمانيا نجي ما عندنا مانع
بندر بغصه: يصير خير .. كلم الاهل عندك يبه
ابو سعود: إن شاء الله.. و اتصل فيني بعد ما تملك
بندر: إن شاء الله
أمريكا.
فهد بعصبية: ما تتكلم انت ??!
فراس بعناد: انا مصر ع الروحه خلاص مافيني اتراجع
فهد بغضب: غصب عنك تجلس .. وش عندك رايح و دراستك و اختباراتك اللي ما بقى عليهم غير اسبوعين
فراس برجاء: فهد اتركني براحتي تكفى
فهد: ما راح اتركك حتى تخبرني ليش بترجع
فراس بوجع: انا تعبت من صد لمى يا فهد برجع يمكن اصلح اللي انكسر بيننا
فهد عقد حواجبه بأستغراب: لمى ؟!! لييه وش بينكم ?!
فراس بألم: صار لها سنتين تكرهني و ما تكلمني و انا صراحة تعبت
فهد: و ايش السبب ?!
فراس: انا مثلك مو عارف شئ
فهد: طيب انا بكلمها
فراس: لا يا فهد لا خليك برا الموضوع
فهد: براحتك .. بس اشوف ماله داعي تروح بهالوقت انتظر لين الاجازة و روح
فراس: مو قادر اتحمل صدها لازم اروح
فهد: درب السلامة ياخوي

جالس مع ابيه في مكتبه ليرن هاتف والده و يرد بأبتسامة و هو يفتح سماعة الجوال بسبب انشغاله ببعض الاوراق ليرحب بالمتصل و ينصت لما سيقوله و هو عاقد حاجبيه من ما سمعه و الاخر منصدم و هو كان اخر ما يتوقعه
خالد بصدمة ما اقفل والده المكالمة: من جده ذا ?!!! كيفف كذا ?!!
ابو خالد: نصيب يا ولدي
خالد: اي نصيب يبه .. مستحييل مستحيييل اللي يصير

#انتهــــى_البــــارت
@liitbcom

البــــارت "51"

لانا بهذيان مجنون و هي على صدره: جدي تكفى لا تموت لا تتركني مثلهم انا احبك و الله احبك ما اقدر اعيش بدونك .. رفعت رأسها و هي تقبل ايديه المجعدة .. انا وين اروح و كيف اعيش و الله بموت من بعدك .. تكفى لا تروح
مسح دموعها و هو يقبل ايديها و يبتسم: حبيبتي انتي ادعي لي يا بنتي نلتقي بالجنة و لا تنسيني من دعواتك اذا تحبيني و خليك قوية و ديري شغل الشركات و التجارة اللي صنعناها انا و ابوك الله يرحمه
لانا و هي تضع ايديها على فمه ليتوقف عن الثرثرة التي تؤلمها: تكفى خلاص .. و ترتمي مجدداً على صدره ليرفع عيناه لتلك الواقف بشموخ على الباب و هو يناظر حفيدته بشفقة و لكنه راءها نظرة حب و اهتمام لتلك الصغيرة المدللة
الجد بتعب: تعال يا ابني اكيد انك بندر
تقدم بندر للجد و هو يقبل جبينه بأحترام : ما تشوف شر
الجد ابتسم: الشر ما يجيك .. اتركينا بروحنا يا بنتي
هزت رأسها بموافقة و طلعت و هي تمسح دموعها
الجد بتعب: بأمنك بأمانة و انا اخترتك للأمانة ذي بسبب اني اعرف اهلك ناس ثقة و ناس لهم صيتهم بالطيبة و الاخلاق و انا مرتاح لك من كلمتني عنك لانا
بندر ابتسم بأرتباك: سم طال عمرك .. إن شاء الله اكون قدها
الجد: ابيك تتزوج لانا على سنة الله و رسوله
صدمة . صاعقة حلت به الآن اي صدمة بيتقبلها قلبه و اي فرض فرضه عليه ذاك العجوز المتمدد على فراش الموت
اردف : اتمنى ما تردني لان مالها غيري و ابي اموت و انا مرتاح و متطمن عليها البنت صغيرة و ضعيفه خايف عليها من الذئاب البشرية و من شقى الحياة

اتت إليها بعدما اخبرتها بعدم موافقتها على خالد: مجنونة انتي مجنونة .. كيف قبل اسبوعين متصلة علي و احبه و احبه و الحين خاطبك و رفضتيه كيف كذا يا توق
توق: روان قفلي ع الموضوع بلييبز انا رفضته و خلاص
روان: مو بكيفك اقفل الموضوع .. الحين تروحي لعمي و تخبريه انك موافقة
توق: مافي رجعة لقراري و اكيد بابا خبرهم عن رفضي
روان: و انتي ليش رفضتي ?!
توق: انا خايفة يا روان خايفة مابي اتزوج و ابعد عن بابا و اتركه بروحه. و بنفس الوقت مابي خالد بالذات لاني اتلخبط و مدري شيصير فيني لما اشوفه كيف تبيني مقابلته كل الوقت و اتكلم معه يمكن يغمى علي
روان: لو عمي سمع حكيك كان اجبرك على الزواج .. و بعدين .. و هي تقلد حكيها .. مدري شيصير فيني .. روان و هي تعدل صوتها .. هذا الحب يا قلبي و الله بتندمي يا توق على رفضك ما راح تلاقي احسن منه يحبك و يموت فيك .. بس لا تتوقعي بيوقف حياته عشانك اكيد بيخطب غيرك و يتزوج و انتي اجلسي في حسرتك
توق: مستحيل يتزوج غيري
روان بققت عيونها: احلفي بس ?!! يا ستي وش هالثقة اللي عندك ?!!!
توق: مو قلتي يحبني يعني مو متزوج غيري
روان وقفت و هي تهم بالخروج: الكلام معك ضايع .. و تذكري كلامي انتي اليوم رفضيته بعد اسبوع او اسبوعين تلاقينه خاطب تراه وحيد اهله و يبغوا يفرحوا بولدهم ما راح يخلوه ينتظرك حتى لو يبي .. و طلعت متجاهلة مناداتها لها
"اي متمردة و عنيدة انتي يا توق كيف لكِ بأن ترفضي رجل ك هذا .. ماذا تريدين اكثر من هذا .. ألم تقولي بأنك تريدين رجل يحبك كأبيك انا اراء ذلك في خالد يا توق بربك ماذا ما فعلتي بقلبه الذي لم ينبض الا بأسمك يحبك و ربك يا توق يحبك و انا اشهد على ذلك و اشهد على كل رسالة حب ارسلها لكِ "

#انتهــــى_البــــارت
@liitbcom

البـــــارت "50"

يسايرها بهدوء يقنعها بأن تغير رأيها التي اصرت عليه منذُ أسبوع: هاه وش قلتي حبيبتي
توق بأصرار مرتبك: لا مو موافقة
ابو شوق حط إيده على رأسها و ابتسم: براحتك يا بنتي .. بس استخرتي
توق: ايهه
ابو شوق: ما ارتحتي ?!
توق بلعت ريقها و لفت للجهة الثانية: لا ما ارتحت
ابو شوق: زين .. ما الله كتب لكم نصيب مع بعض الله يوفقه مع اللي تسعده
توق حست بسكاكين تغرز صدرها من دعوة ابوها .. حست بغيرة حارقة تجهل سببها او بمعنى اصح تتجاهل سببها .. ما تدري ليش كذبت على ابوها بأنها ما ارتاحت من الاستخارة مع انها احست براحة لم تحسس فيها من قبل لكنها لا تريد ترك والدها وحده و لو قالت له السبب لا اجبرها على الزواج
…
ابتسمت ما ان رأت والدتها في استقبالهم لترتمي بشوق في احضانها فهي لأول مره منذُ أن ولدتها تفارقها لمدة طويلة او حتى ليوم واحد لم تفارقها اشتاقت لها بشوق أرض قاحله للمطر فهي منذُ أن غابت عنها لم تروي عطشها بحضن او كلام جميل يعوضها عن حنان تلك الأم الحنونة منذُ ان ارتبطت به لم تعرف سوى الحزن و البرود من هذا الجامد الذي يقف امامها و كأنه جليد من الثلج ببرودته و كأنه حجارة من قسوته معها
روان و هي تمسح دموعها: اشتقت لك يممه كثير كثير ما تتصوري اشكثر
ابتسمت و هي تمسح على رأسها: عساك انبسطتي ?!
روان بأبتسامة باهتة: ايهه الحمدلله
ام روان التفت لنايف: كيفك يمه عساك طيب
نايف تقدم و هو يبوس رأسها ببرود: الحمدلله طيب دامك طيبة
ام روان: نحمدلله .. و الحمدلله على سلامتك
نايف: الله يسلمك .. عن اذنكم بروح اسلم ع اهلي
ام روان: اذنك معك .. سلم لي عليهم
نايف: الله يسلمك إن شاء الله
بينما والدته جالسه مع ابنته: حبيبتي انتي كلها كم يوم و يجي بابا
شدن و هي مبوزه: بس اشتقت له
ام فاهد: و هو بعد مشتاق لك بس عنده شغل لازم يخلصه
واقف و هو مبتسم على حديثهم ، اكثر شخصين اشتاق لهم هم امه و ابنته تقدم لحد ما صار وراء امه و ضمها: كيفك يالغلااا
ام فاهد التفت له و هي تبعده عنها و تحضنه: هلاااا هلاااا بحبيبي نيوف تو ما نورت الديرة الحمدلله على سلامتك يابوي
ابعدها بأبتسامة و هو يمد يديه لوجهها ذو التجاعيد الخفيفة ليمسح دموع شوقها و فرحتها لرجعته: الله يسلمك يا روح نايف انتي
ليجلس على ركبتيه لتلك المشتاقة الاخرى ل يقبلها: كيفها غزاله بابا
شدن بطفوله: اشتقت لك كثير كثير كثير بقد الدنيا
نايف ضحك و هو يحضنها: يا حبيبتي انتي
شدن بدلع: خلاص بابا لا تروح و تتركني
نايف و هو مبتسم: يا عيوني انتي إن شاء الله
شدن و هي تدور بعيونها: وين ماما روان
نايف بهدوء: بالبيت بعدين اوديك لها .. و وقف و حملها.. الحين بابا مشتاق لغزالته بيجلس معها لوحده اكِ غزالتي
شدن بدلع و هي تبوسه: اكِ
في ألمانيا
خرج من موعده و هو في قمة سعادته ما ان اخبره الدكتور بأن جسده اصبح خالي من تلك السموم و لم يتبقى على علاجه سوى اسبوع .. سوف يطير من فرط سعادته فهو متشوق كثير لرجعته لوطنه و يتوق كثيراً لتلك الحبيبة و هي بين أحضانه بالحب الحلال و لا يمنعه عنها احد حتى والدته المعارضه فهو واثق بشقيقه ثقة عمياء بأنه سوف يقنع ابيه فأبيه ليس بتلك العنصرية فهو رجل مبادئ و أخلاق و لا تهمه المظاهر كـ والدته .. قبل أسبوع اتصل بوالده و لمح له عن ذلك و كان رد والده مريحاً له .. و لكن اختفت تلك الابتسامة ما أن راءها راكعه على ركبتيها و تنتحب بصوت مؤلم و كل الماره ينظروا لها بنظرات شفقه و رحمة و لا احد مد لها يد العون او المواسأة اقترب منها ليجلس مقابل لها و يمسك بيديها المحتضنة صدرها و كأنها بذلك تخفف حدة ما تشعر به
بندر: لانا
رفعت رأسها لتلتقي عيناها الخضراء بعينيه السوداء الناعسه تلك الاعين التي وقعت بعشقها منذُ فترة قصيرة لتلقي جسدها بحضنه
ليرتبك هو و يغمض عينيه و هو توقع تماماً بأن اصاب جدها مكروهاً
لانا: جدي جدي راح راح يا بندر مثل ما راحوا ما بقى لي احد من بعده وين اروح كيف اعيش في دنيا قاسية مثل ذي كيف بكمل حياتي .. قولي بندر قولي
بندر بأرتباك و هو يبعدها عنه و يرفع رأسها: اهدي لانا بليييز اهدي .. ربي ب
ليقاطعه خروج الدكتور من الغرفة المجاورة و هو يقف بجانبهم ليخبر لانا بأن المريض يريد رؤيتها لتهم بالوقوف مسرعة و تشرع الباب و ترتمي بأحضان تلك الجد الذي رباها منذُ نعومة أضافرها فهي مدللته و ابنته ابنة ابنه الوحيد فهي كل عالمه بعد فقد ابنه الوحيد لم يتبقى له سواها و هي كذلك
لانا بهذيان مجنون و هي على صدره: جدي تكفى لا تموت لا تتركني مثلهم انا احبك و الله احبك ما اقدر اعيش بدونك

#انتهــــى_البــــارت
@liitbcom

بعد شوي بنزل لكم بارتين خليكم مستعدين 🌚💔.