البــــارت " 61 " توق مسكت يد شوق بقوة و هي تضغط عليها شوق: يدي ابيها ترى عند الرجال دخل ابو شوق: تعال معي يا خالد خالد قام و هو حده طاير من الفرحة و اخيراً بيشوف توق اللي لا طالما تمنى يشوفها دخلوا غرفة الجلوس التابعة لصالة البيت الرئيسية جلس و طلع ابو شوق عشان يجيب توق ابو شوق: ما شاء الله بنتي طالعه قمر تحصنتي ?! توق بخجل: ايهه ابو شوق: يلا توق بدلع: بابا مابي ابو شوق: ما يصير يا بنتي الرجال طلب يشوفك ما راح يأكلك .. و حاوطها من كتوفها و مشى فتح الباب و توق وقفت عند الباب و هي تبلع ريقها شد عليها و هو يدخلها و يهمس لها: سلمي توق و هي منزله رأسها بهمس: سلام خالد يحاول يثقل نفسه و ينزل رأسه بس ما قدر و هو يشوف هالجمال قدامه من اول ما انفتح الباب و هو عينه من نزلها من عليها: عليكم السلام توق جلست مقابلة له و جلس جنبها ابوها: رفعي رأسك توق رفعت رأسها و التقت عيونها في عيونه و هو ابتسم و غمز لها بوسط انشغال ابوها و هي رجعت نزلت رأسها و قامت و طلعت و هي تمسك على قلبها: يمممه قلبببي روان بضحك: سلامة قلبك توق: روان ضميني تكفين ترى بطيح روان قربت منها و هي تلمس جبينها: بسم الله عليك وش فيك توق ضمتها و روان بادلتها الحضن و هي تضحك بوسط ضحكها رن جوالها بعدت توق عن حضنها و ردت: هلا نايف نايف بعصبية: تعالي البيت الحين و لا تتأخري دقيقة روان بأستغراب: لييه نايف وش فيه ?! نايف: لما تجي بتعرفي .. و قفل في وجهها توق عقدت حواجبها من تغير ملامح روان توق: وش فيك ?! روان: و لا شئ انا برجع البيت توق: مو اتفقنا انك تجلسين لما بعد العشاء ?! روان: ايهه بس نايف اتصل شكله تعبان و يبيني ارجع توق حست ان روان تكذب بس سلكت لها من اول ما تزوجت و هي متغيرة ما صارت مثل قبل و هذا اكيد انها مو سعيدة مع نايف: خلاص روحي و انا بعد العشاء بتصل عليك روان طلعت لغرفة توق تأخذ عبايتها و طلعت مع حماتها للبيت واقفة قدام الكبت و محتاره وش تلبس بالاخير اختارت لها تيشرت ابيض و عليه اسمها باللون الذهبي و جنيز اسود و لبستهم و لفت شعرها و طلعت تسوي #انتهــــى_البــــارت @liitbcom